Skip to Content

1º ESO. Roteiro da auga.

Un camiño ata a Ponte de Cans (Nebra), pola natureza, a historia, a paisaxe.

A RUTA DA AUGA, 2018-19

25/10/2018

 

 

O luns, nun soleado día de outono, o alumnado do ciclo guiou 80 rapaces e rapazas de 1º de ESO dende o IES ata Cans! Non é tarefa fácil, os mozos e mozas do ciclo estréanse nunha das actividades que han desenvolver no seu futuro: conducir grupos no medio natural e facelo dende o respecto e a posta en valor da paisaxe, o patrimonio e a memoria. E fano ao grande! Agradecemos o seu esforzo e o compromiso de Alejandra, a súa profe. Sen eles esta actividade non sería posible. 

Esta iniciativa, que comezou no curso 2016-17 e continuou no 2017-18, forma parte das actividades de acollida ao alumnado máis novo do centro, enmarcada no Plan de Convivencia e no Plan de Acción Titorial e asenta unha das liñas de proxectos do centro. os roteiros. Na páxina do centro podedes ver o que se foi traballando sobre os puntos de interese da ruta. O entorno, un entorno de excepción, transformado en aula. No camiño, exercicio físico, recoñecer marcas de ruta, recoller lixo, a paisaxe, o EDAR (sempre tan agradables connosco), a auga, a natureza, o patrimonio, a memoria, botellas con mensaxes, xogos...!!!

 

Desta volta houbo tamén caras novas entre os profes: Juan, Sandra, Amy, Carmen, Nuria... Antón, sempre tan próximo e xeneroso, contándonos da importancia do EDAR. Fernando, aínda que non está no centro e anda enredado con angueiras no CAFI, achéganos no vídeo o cerne da ruta: "un proxecto para coñecer e coñecerse".

Comezamos!!!

 

 

RUTA DA AUGA, 2017-18

23/10/2017

Iniciamos o curso 2017-18, un ano máis, coa Ruta da Auga. Supón o inicio do traballo por proxectos en 1º de ESO, poñer os primeiros chanzos da convivencia desta nova xeración, crear conciencia de grupo, fomentar no alumnado o interese por coñecer o entorno e respectalo, transformar o concello de Porto do Son nunha aula, abrir as portas do centro a todo o que pode estimular o interese pola formación e transformar os mozos e mozas que pasan polo IES de Porto do Son nos seus mellores embaixadores. 

Foron guiados polos alumnos e alumnas do Ciclo de Condución de Grupos no Medio Natural. Unha primeira práctica para a maioría, e unha oportunidade de demostrar o aprendido para algúns deles. Teñen no propio centro unha recreación do que puideran ser os seus primeiros "clientes": 60 rapaces novos e os seus profesores! E FIXÉRONO MOI BEN! Podedes velo neste vídeo:

 

RUTA DA AUGA 2019/20

28/10/2019

O luns 28 de outubro o alumnado de 1ºESO realizará a Ruta da Auga, entre o IES e Cans.

AS ESPECIES INVASORAS NA RUTA DA AUGA

28/06/2019

As plantas invasoras son plantas que veñen doutros países ou lugares e matan o ecosistema. Estas invaden o terreo e impiden que crezan as especies de aquí. Moitas veces os animais non as poden comer e iso pode provocar que eses animais desapareza da zona.

Á parte de plantas invasoras, tamén hai animais invasores. Existe unha páxina que nos informa das plantas e animais invasores de España, feita polo Goberno de España: 

https://www.miteco.gob.es/es/biodiversidad/temas/conservacion-de-especies/especies-exoticas-invasoras/ce-eei-catalogo.aspx

Porén, o catálogo do Goberno de España non é completo, xa que falta a cala e a cana da India. Por iso, buscamos información noutros catálogos de especies invasoras, como a elaborada polo Concello de Piélagos (Cantabria):

https://www.pielagos.es/download/banner/32/archivo.pdf

Durante a ruta, en outubro, só atopamos estas plantas que citamos a continuación. Non obstante, no catálogo do concello de Piélagos recoñecemos moitas máis que están presentes no concello de Porto do Son, polo que chegamos á conclusión de que cando traemos plantas de fóra hai que ter coidado porque se poden converter en invasoras.

Decatámonos de que o eucalipto non figura como planta invasora en ningún dos dous catálogos. As razóns que atopamos son que ás empresas lles importa traballar con el, como as empresas de biomasa, que empregan moito eucalipto ou tamén poder ser porque é bo para a xente que corta a madeira, porque os eucaliptos medran moi rápido. Ás empresas non lles interesa que o eucalipto se denomine como especie invasora, porque ten usos máis variados ca outras especies e é economicamente moi produtiva e, se o Estado o catalogase como especie invasora, non se podería plantar máis.

Neste documento explícanse os diferentes tipos de plantas que se poden encontrar ao longo da ruta da auga que fixeron os rapaces e rapazas de 1º de ESO en outubro. Estas plantas danan o ecosistema galego e, como o seu nome di, invaden as nosas terras e por iso a vexetación natural de Galicia esta diminuíndo. O que vén a continuación é para demostrar aos galegos que a nosa vexetación propia está desaparecendo pouco a pouco sen que nos deamos conta.

Con isto intentamos sobre este tipo de plantas para que saibades algo mais delas e poidades distinguilas.

Os eucaliptos son especies invasoras de Oceanía. Rosendo Salvado trouxo o eucalipto a Galicia no S. XIX. As primeiras plantacións de eucaliptos realizáronse en Tui, aproximadamente en 1860. Nun principio era unha planta de adorno nos pazos, as casas de xente de clase alta. Agora úsase para a celulosa. Hoxe en día sabemos que hai problemas cos eucaliptos, porque consomen moita auga, expándense moi rápido e non deixan sitio para as especies autóctonas. Ademais, é unha especie moi inflamable.

 

A unlla/uña de gato é outra especie invasora que atopamos nas dunas da praia da Aguieira. A unlla de gato crece no litoral, nas zonas de dunas e acantilados e ocupa todo o solo, polo que non deixa medrar as plantas de aquí.

   

No mesmo sitio onde atopamos as unllas de gato e mais no miradoiro de Cabeiro atopamos as canas (Arundo donax), tamén chamadas cando son moitas canaval ou canedo. Atopámolas  en todas as provincias de España, alteran os hábitats e é considerada unha das 100 especies invasoras máis problemáticas da península. Introduciuse no S. XVI. Ocasiona problemas como que alimenta os incendios, despraza as especies autóctonas, diminúe a capacidade dos ríos e canles, etc. A súa erradicación é moi custosa e difícil.

 

A piteira (ágave americana) sitúase nas praias e dunas. É orixinaria de México e chegou a España no S. XVI. Trouxérona como planta ornamental e despois usouse para a industria téxtil. Atópase no catálogo de plantas invasoras feito polo Goberno de España.

O plumeiro da Pampa ou cortaderia selloana é unha especie invasora procedente de América do Sur, que apareceu en 1969. A invasión máis grave dáse na cornixa cantábrica e nas illas Canarias. Invade zonas naturais e zonas humanizadas, como as estradas.

 A cala (zantedeschia aethiopica) é unha planta que provén de Suráfrica. Chegou a España como planta ornamental, aínda que non se sabe a data de entrada. Abunda en zonas de brañas, nas cunetas das estradas, en zonas axardinadas, etc.

 

Cana da India (Canna indica) provén de América Central. Chegou como planta ornamental, pero atopámola na ruta da auga como planta salvaxe. Reprodúcese por rizomas ou raíces. 

A RUTA DA AUGA EN CÓMIC!

21/06/2019

O alumnado de 1º de ESO, na materia de Plástica, traballou o proceso de creación de cómics. E claro, que mellor tema para levar á banda deseñada que a nosa Ruta da Auga! Mirade que chulos estes traballos, alegres, sostibles, asisados, divertidos, con xogos narrativos ben interesantes... Ata a píllara toma voz para contalo! 

Achégate a coñecer a RUTA DA AUGA!

 

A RUTA DA AUGA EN CÓMIC

More presentations from etikeles

PUBLICITANDO A RUTA DA AUGA. PROXECTO INTEGRADO DE LINGUAS

21/06/2019

A Ruta da Auga é xa unha das actividades estables no noso centro. Supón levar o entorno ás aulas, supón entender o entorno como espazo de aprendizaxe. Nela traballamos convivencia, acollida, integración e tamén paisaxe, patrimonio material e inmaterial, sostibilidade, comunicación, educación para a saúde... Grande parte do currículo podería ser desenvolvido da man deste roteiro. Así que..., que mellor que contalo e convidar a que se coñeza!  

Nas materias de Lingua Galega, Lingua Castelá e Inglés, o alumado traballou a linguaxe publicitaria e a importancia da imaxe neste tipo de textos. Logo aplicárono á Ruta da Auga e elaboraron trípticos para facer contar por que paga a pena vir a Porto do Son e facer esta andaina. Únense ao tríptico sobre a arquitectura patrimonial da ruta, resultado da investigacións que realizaron na materia de Lingua Galega, que levarán ás súas casas a final de curso. 

Coñecer para respectar, para manter, para potenciar e xerar dinámicas de progreso sostible. 

 

A ruta da auga

More presentations from etikeles
 
 
 

Tríptico publicitario La Ruta del Agua

More presentations from etikeles
 
 
 

the water route

More presentations from etikeles

VÍDEO TÉCNICO DA RUTA DA AUGA

14/05/2019

Cales son as características técnicas da Ruta da Auga? Cales os puntos de interese? Do departamento de Educación Física achéganos este vídeo onde se recolle esta información. Preparad@s para camiñar?!!!  Calzado cómodo. Saímos do centro e rematamos en Cans!

Convertemos o noso entorno na mellor aula!

  

Roteiro da auga. 1º ESO from SonCine on Vimeo.

ENTENDENDO A ARQUITECTURA DA RUTA DA AUGA

14/05/2019

O alumnado de 1º de ESO traballou na materia de Lingua Galega a arquitectura patrimonial da Ruta da Auga. Únense historia, patrimonio, natureza e tradición. Xuntos elaboraron esta presentación na que axudan a entender os hórreos, as capelas, a casa tradicional,  os cruceiros e  os muíños. Fixeron as fotografías, invesgaron... Mirade que completiña está. Agora, cando paseemos pola ruta, poderemos entender mellor o que estamos a ver e saber o que nos contan estas construcións da nosa identidade como pobo. 

No mes de Antón Fraguas, adicámoslle a el este traballo de investigación. É unha forma de manter vivo o seu legado. De seguro, habíalle gustar!!! 

  

Arquitectura ruta da auga,IES de Porto do Son

More presentations from etikeles
 
 

O equipo de Dinamización da Lingua Galega e o equipo de biblioteca, recolleu parte desta información e elaborou un tríptico que se enviará as familias no mes das Letras. 

RUTA DA AUGA18-19: DO IES A CANS!

25/10/2018

III Ruta da Auga realizada dende o IES ata Cans. Entrade no apartado dos Roteiros  desta páxina para saber máis desta actividade.

DATOS SOBRE A RUTA

28/06/2018

 

TÍTULO DA PARADA: IES Porto do Son

INTERESE DA PARADA: Paisaxístico e  arquitectónico 

Como se chega:

Dende Porto do Son ó IES hai  aproximadamente uns 1,5 km. Na estrada xeral AC-550 e xusto no primeiro desvío despois da gasolineira Cepsa hai unha indicación e verás un edificio branco. Porto do Son é unha vila  moi accesible, hai autobuses que chegan ata Noia e Ribeira.

 Porto do Son

Recomendacións para facer esta ruta:

Tárdase aproximadamente 1h 30 min (depende do ritmo ao que vaias).

Ten un percorrido de 2’5km.

Ten 7 paradas. 

Realízase andando, xa que é campo a través (polo que é necesario calzado cómodo).

É recomendable facela dende a mañá ata pola tarde. Necesitarás comida para todo o día e auga; unha das paradas é o merendeiro.

Leva:

  • abundante auga.
  • protección solar se a fas no verán.
  • roupa cómoda .

Esta ruta non é de dificultade baixa.

Distribuir contido


EQUIPO DE DINAMIZACIÓN DA LINGUA GALEGA

by Dr. Radut