Lingua Castelá

Os alumnos de Literatura Universal de 1º de Bacharelato estiveron na xornada de hoxe escribindo no patio frases célebres e non tanto, pero sobre todo frases moi intelixentes, de mulleres ao longo da historia. Foi un xeito sinxelo de celebrar o 8 de marzo, de visibilizar á muller esquecida na literatura, pero sobre todo crearon un espazo de reflexión.

Esta mañá alumnado de 3º e 4º de ESO e 1º de Bacharelato, nunha actividade organizada polo departamento de Lingua Castelá, achegouse á Casa de Cultura de Porto do Son para asistir á representación do espectáculo Tempestades, de Ricardo Frazer. Podedes ler máis na entrada do blog da biblioteca. 

Esta mañá unha boa parte do alumnado asistiu na Casa de Cultura á posta en escena de El Quijote. R2D2 e o actor Ricardo Frazer reflexionan en escena sobre a lectura que na actualidade se pode facer da obra de Cervantes. A máquina e o home lévannos a momentos cheos de humor, mais tamén a deternos a pensar sobre por que esta novela continúa vixente nestes tempos. 

Sen dúbida, unha interesantísima actividade organizada polo departamento de Lingua Castelá, na que coincidiron con alumnado dun centro de Noia.