Skip to Content

Ciclo Formativo

A RUTA DA AUGA, 2018-19

25/10/2018

 

 

O luns, nun soleado día de outono, o alumnado do ciclo guiou 80 rapaces e rapazas de 1º de ESO dende o IES ata Cans! Non é tarefa fácil, os mozos e mozas do ciclo estréanse nunha das actividades que han desenvolver no seu futuro: conducir grupos no medio natural e facelo dende o respecto e a posta en valor da paisaxe, o patrimonio e a memoria. E fano ao grande! Agradecemos o seu esforzo e o compromiso de Alejandra, a súa profe. Sen eles esta actividade non sería posible. 

Esta iniciativa, que comezou no curso 2016-17 e continuou no 2017-18, forma parte das actividades de acollida ao alumnado máis novo do centro, enmarcada no Plan de Convivencia e no Plan de Acción Titorial e asenta unha das liñas de proxectos do centro. os roteiros. Na páxina do centro podedes ver o que se foi traballando sobre os puntos de interese da ruta. O entorno, un entorno de excepción, transformado en aula. No camiño, exercicio físico, recoñecer marcas de ruta, recoller lixo, a paisaxe, o EDAR (sempre tan agradables connosco), a auga, a natureza, o patrimonio, a memoria, botellas con mensaxes, xogos...!!!

 

Desta volta houbo tamén caras novas entre os profes: Juan, Sandra, Amy, Carmen, Nuria... Antón, sempre tan próximo e xeneroso, contándonos da importancia do EDAR. Fernando, aínda que non está no centro e anda enredado con angueiras no CAFI, achéganos no vídeo o cerne da ruta: "un proxecto para coñecer e coñecerse".

Comezamos!!!

 

 

RUTA DA AUGA, 2017-18

23/10/2017

Iniciamos o curso 2017-18, un ano máis, coa Ruta da Auga. Supón o inicio do traballo por proxectos en 1º de ESO, poñer os primeiros chanzos da convivencia desta nova xeración, crear conciencia de grupo, fomentar no alumnado o interese por coñecer o entorno e respectalo, transformar o concello de Porto do Son nunha aula, abrir as portas do centro a todo o que pode estimular o interese pola formación e transformar os mozos e mozas que pasan polo IES de Porto do Son nos seus mellores embaixadores. 

Foron guiados polos alumnos e alumnas do Ciclo de Condución de Grupos no Medio Natural. Unha primeira práctica para a maioría, e unha oportunidade de demostrar o aprendido para algúns deles. Teñen no propio centro unha recreación do que puideran ser os seus primeiros "clientes": 60 rapaces novos e os seus profesores! E FIXÉRONO MOI BEN! Podedes velo neste vídeo:

 

ANDAINA POLO MEDIO AMBIENTE

14/12/2019

O venres pasado tivo lugar unha andaina duns 10 km realizada polo alumnado do Ciclo, algúns profesores do centro e representantes do Concello do Porto do Son. O motivo foi poñer de manifesto a preocupación da nosa comunidade educativa pola situación actual de emerxencia climática. Tras rematar a ruta, Luis Oujo, alcalde do Porto do Son, participou nun acto no centro, onde se plantou unha árbore como símbolo do compromiso do IES nesta causa. 

 

ORIENTACIÓN EN CÁCERES

10/12/2019

As nenas que participaron na pasada fin de semana en Cáceres no Campionato Nacional de Orientación poden estar moi contentas polo traballo feito. Tan ben feito, que incluso Raquel levou a medalla de bronce na súa categoría. Pero sobre todo, desfrutaron moito coa experiencia. Non debemos esquecer darlle as grazas a Alejandra, a profe que as adestrou para este campionato.

https://photos.google.com/share/AF1QipOfuFMSV4i2mjJmPtwTd5TbJSqAqFxlbcYN66WOVEKJ1vq3Zv-WE0eu06uU84iv3w?key=ZzRjQnBGN3g2N3MtcDZNZFVldDNCb196aDlkZEF3

CAMPIOAS EN ORIENTACIÓN

02/12/2019

Cinco alumnas de 3ºESO van participar a finais de semana, entre o 5 e o 8 de decembro, no Campionato Nacional de Orientación que se vai celebrar en Cáceres. Hoxe tivemos unha rolda de prensa no instituto onde lle explicaron aos medios como chegaron aquí e o que agardan da súa participación. Hai que agradecerlle ao concello do Porto do Son a súa colaboración, así como a ANPA do centro, e especialmente ás nais das rapazas e a profesora Alejandra que as vai acompañar, polo seu traballo de preparación nestos meses.

Moitísimos parabéns a Indra, Noa, Claudia, María e Raquel e moita sorte no Campionato.

https://www.lavozdegalicia.es/noticia/barbanza/porto-do-son/2019/12/03/cinco-sonenses-descubrir-extremadura/0003_201912B3C8997.htm

https://www.canalriasbaixas.com/2019/12/02/cinco-sonenses-representaran-a-galicia-no-campionato-de-espana-de-orientacion/

https://www.youtube.com/watch?v=WKmUs3JvzLU&feature=youtu.be

ACTIVIDADES DO CICLO

17/11/2019

O alumnado de Ciclo do centro está moi activo nos últimos días. O xoves participaron no I Congreso Ibérico de Turismo Deportivo en Ourense, e o venres, recibiron a visita dun responsable de FEUGA (Fundación Empresa-Universidade Galega) para informalos da existencia de becas para poder realizar traballos en empresas.

ROTEIRO DO CASTRO 2018-19

13/02/2019

Hoxe agasallounos o sol! Non só polo día tan fermoso, senón porque a ruta dos Castros foi unha expeciencia ben fermosa Sorriso Bravo polo ciclo, polo alumnado de 2º de ESO, e mil grazas a DISCAMINO!!!! A vila, a Atalaia, Fonforrón, a Arnela, as praias, o Castro... foron hoxe a aula. Un espazo de aprendizaxe, de convivencia, de valores! SonCine montará un vídeo, xa veredes como loce o sol! Logo virán proxectiños que enriquezan a saída!

 

 

 

 

 

 

 

 

VÍDEO DA VISITA DE DISCAMINO AO CENTRO

10/02/2019

A finais de xaneiro xa contamos que Javier Pitillas, da asociación Discamino, veu ao IES a reunirse con alumnos de 2º de ESO e do Ciclo de actividades fisico-deportivas no medio natural. SonCine vén de montar este vídeo sobre a charla. Paga a pena adicar un tempiño para velo e escoitalo. Recollemos as palabras que acompañan a publicación: 

"A valoración do alumnado foi un 10. E a emoción e aprendizaxe que naceu da experiencia da súa xenerosidade inesquecible e exemplar lembrarémola sempre. Grazas a toda a asociación Discamino, a Javier Pitillas e a Javi, Fanny, Ana, David, Jose, Gerardo... pola súa alegría, vontade e ánimo. Estaredes sempre con nós."

  

Discamino from SonCine on Vimeo.

A CÁMARA DE COMERCIO FOMENTANDO O DO EMPRENDEMENTO NO CICLO

29/11/2017

Sandra Becerra estivo o venres pasado co alumnado do ciclo. Forma parte do programa de actividades da Cámara de Comercio de Santiago de Compostela "Dinamización e fomento do espírito emprendedor no ámbito educativo": como saír da zona de confort, autoemprego, oportunidades dos medios tecnolóxicos, espectativas de futuro... Sen dúbida, unha xornada ben aproveitable! 

 

O ALUMNADO DO CICLO EN PENATREVINCA E POR TERRAS DE OURENSE

29/11/2017 09:03

Prevista para comezos do mes pasado, finalmente o alumnado do ciclo puido realizar a semana pasada a saída a Penatrevinca. Andando por esas terras de Ourense estiveron tamén na Cántara de A Moura e nas termas de Outariz.

Podedes seguir as súas actividades tamén no seu Facebook buscando por "Ciclo de Actividades Físicas no Medio Natural".

Distribuir contido


EQUIPO DE DINAMIZACIÓN DA LINGUA GALEGA

by Dr. Radut