Skip to Content

OBRADOIRO “A IGUALDADE NON TEN IDADE”

23/03/2024 23:33

O alumnado de 3º de ESO asistiu na mañá do venres a un obradoiro musical no que poideron traballar a igualdade de oportunidades entre homes e mulleres dun xeito lúdico e adaptado á sua idade.

XORNADAS DE COCIÑA CORRESPONSABLE

23/03/2024 22:55

Os días 21-22 de marzo, o alumnado de 2º da ESO asitiu a uns talleres de cociña corresponsable no Viveiro de Empresas, ao eido do 8 Marzo. Alí puideron amasar e estirar a masa E preparar unhas exquisitas pizzas, que despois degustaron antes de volver ao instituto.

 Máis fotos AQUÍ

CHARLA BIOTECNOLOXÍA

21/03/2024 22:50

No marco das charlas do programa A Ponte da USC, o mércores 20 de marzo tivemos a visita de Francisco Omil profesor na Escola de Enxeñaría Química, que veu falar da importancia da biotecnoloxía na sociedade ao longo da historia e  a súa aplicación no futuro como ferramenta en diferentes campos: medicina, farmacia, agricultura e ganderia, rexeneración ambiental,.... Ademais explicou as diferentes vías de acceso a unha titulación.

 

 

VIAXE A PARÍS

19/03/2024 21:50

Do 16 ao 19 de marzo, o alumnado de francés de 3º de ESO realizou unha viaxe cultural a París.

Ademais das visitas ineludibles: a Tour Eiffel, o Arco de Triunfo, a catedral de Notre Dame,... o alumnado disfrutou dun percorrido en barco polo Sena, dunha visita guiada no museo do Louvre para descubrir algunhas das obras principais e dunha experiencia multisensorial no museo da Ilusión.

Unha viaxe curta pero moi intensa en descubrimentos e emocións...

Máis fotos AQUÍ

 

CHARLA TERREMOTOS

19/03/2024 21:42

O pasado luns estivo no centro Carlos Nuñez, profesor da Escola Politécnica Superior de Enxenería do campus de Lugo no marco das charlas “A Ponte” da USC, veu falar dos terremotos, e en concreto destes sucesos en Galicia e a probabilidade de que ocorran. Ensinou recursos dixitais para o estudo deste tipo de fenómenos e para a súa divulgación e explicou o motivo polo que non se espera un seísmo de gran magnitude na nosa comunidade.

 

SAÍDA A MONDOÑEDO

10/03/2024 17:06

36 horas intensas de xeoloxía e moito máis!. O alumnado de Xeoloxía e ciencias ambientais e  Bioloxía de 2º de bacharelato tivo esta fin de semana unha saída ao norte de Lugo. Empezaron o venres 8 na praia de Augasantas (As Catedrais) no concello de Ribadeo, aínda que debido ao estado do mar non se puido ver en toda a súa extensión, serviu para entrar en contacto cos materiais xeolóxicos (cuarcitas e lousas) que non abundan pola nosa comarca. A continuación foron a Mondoñedo onde visitaron a casa- museo de Álvaro Cunqueiro, situada na praza da Catedral. Logo foron coñecer o cemiterio vello da cidade onde se atopan as tumbas de Álvaro Cunqueiro, o poeta Leiras Pulpeiro e unha homenaxe ao autor da alborada do Himno galego Pascual Veiga. Pola tarde o percorrido pola cova do Rei Cintolo, a cova kárstica máis longa de Galiza, foi unha experiencia única. 

Ao día seguinte foron a Pontenova, para facer unha visita á mina Consuelo e aos fornos de Vilaoudriz. Alí contáronlles unha parte importante da historia da industria metalúrxica de principios do século XX: nestas minas extraíase e transformábase ferro para exportar a puntos do norte de Europa, sobre todo Alemaña.

Xa de volta, de camiño ao Son pararon no Pedregal de Irimia, onde nace o río Miño; no  museo e Castro de Viladonga e nas Penas de Rodas, xa graníticas.

A saída serviu ademais para afianzar as relacións entre o grupo e coller forzas para encarar o 3º trimestre!!!

Máis fotos AQUÍ

8 DE MARZO: DÍA INTERNACIONAL DA MULLER TRABALLADORA

09/03/2024 20:12

 

No IES Porto do Son celebrouse o 8 de marzo, o Día Internacional da Muller Traballadora, un día para recordar o papel e a dignidade das mulleres no proceso de conciencia do seu valor humano dentro da sociedade. Ademais no noso centro celebrouse o 11 de febreiro o Día Internacional da Muller e a Nena na Ciencia. Realizamos varias exposicións para poñer en valor o papel chave que desempeñan as mulleres na comunidade científica e tecnolóxica; para recoñecer ás pioneiras, tanto galegas coma internacionais, referentes indispensables na historia para acadar a igualdade e o recoñecemento dos dereitos das mulleres.

O alumnado dispón dunha ampla colección de literatura da biblioteca con obras que nos permiten achegarnos ás grandes figuras femininas, a cambiar o mundo, a facer historia e a desfrutar da lectura!!

 

 Máis fotos AQUÍ

 

Probas de acceso ao grao de Ciencias da Actividade Física e do Deporte na Universidade da Coruña

05/03/2024 22:56

Pódese consultar e descargar a información sobre as probas de acceso ao grao de Ciencias da Actividade Física e do Deporte na Universidade da Coruña pulsando AQUÍ

Ligazón vídeo explicativo das probas: https://youtu.be/TZpvejgA3dU

 

OBRADOIRO DE BIOTECNOLOXÍA

02/03/2024 19:09

Este venres tivemos a visita de membros de Galbiotec, asociación de biotecnólogos de Galiza que na súa labor de promover a figura dos biotecnólogos e coa ansia de promover carreiras científicas impartiron unha charla ao alumnado de 4ºESO da materia de Bioloxía e Xeoloxía sobre biotecnoloxía, as súas aplicacións e retos futuros. Para finalizar ensináronlle ao alumnado como facer preparacións para a observación de diferentes fases do ciclo celular e observáronnas ao microscopio.

OBRA DE TEATRO: MEDEA

29/02/2024 17:48

O mércores 28 de febreiro, o alumnado de 4º de ESO e 1º de Bacharelato, fixo unha saída a Lugo para asistir á función da obra de teatro MEDEA, dentro do festival de teatro grecolatino na sua vigésimoterceira edición, creado pola Sociedade de estudos clásicos.

Aproveitaron tamén para visitar a cidade de Lugo e para facer unha parada no Templo romano de Santa Eulalia de Bóveda.

Máis fotos AQUÍ

Distribuir contido


by Dr. Radut