Skip to Content

UNIVERSIDADE DE VIGO

10/01/2024 21:54

O alumnado de 1º e 2º do bacharelato tecnolóxico visitou a Universidade de Vigo, en concreto a Escola de Enxeñería de Minas e Enerxía e a Escola de Enxeñería Industrial, onde asistiron a un obradoiro sobre combustión e outro sobre Intelixencia Artificial. 

Esta actividade foi organizada en colaboración co departamento de Tecnoloxía do IES Virxe do Mar de Noia.

 

 

Noraboa ao alumnado de 2º de Bacharelato que levou un premio por gañar nunha xincana

 

 

Ademáis tiveron a posibilidade de visitar as instalacións e talleres destas escolas.

Terminaron pola tarde facendo unha visita da cidade de Vigo.

 

 

Para ver máis fotos, pulsar AQUÍ

 

BO NADAL

22/12/2023 10:40

DENDE O IES DE PORTO DO SON QUEREMOS EXPRESAR O NOSO AGRADECEMENTO A TODA A COMUNIDADE EDUCATIVA POLA SÚA IMPLICACIÓN NESTE PRIMEIRO TRIMESTRE DE CURSO, DESEXARVOS UNHAS MOI FELICES FESTAS E MANDARVOS OS NOSOS MELLORES DESEXOS PARA O VINDEIRO ANO 2024.

 

CHEGADA DO APALPADOR

24/01/2024 18:52

Dende o Equipo de Biblioteca e o equipo de EDLG festexamos a chegada do Nadal ao noso centro! Nesta celebración recuperamos a figura tradicional do Apalpador, personaxe da mitoloxía popular galega. Este baixou das devesas das altas montañas para agasallarnos con ilusión, xoguetes, castañas e… unha enchenta de libros!!

Desexámosvos unhas felices festas, boas lecturas e que o Apalpador vos traia moitos presentes!!

 

CAMIÑATA BAROÑA-ALTO DA LOMBA

21/12/2024 23:43

Coa intención de finalizar a primeira avaliación cunha xornada de convivencia entre o alumnado de 1º ESO, disfrutar do aire libre, da actividade física e da natureza, o xoves 21 de decembro realizouse unha camiñata na contorna de Baroña e o Alto da Lomba.

 

 

Entre outros, poideron visitar os muíños e Capela de San Tomé, na parroquia de Baroña. Foron acompañados por Ovidio, presidente da Comunidade de Montes Veciñais en Man Común de Baroña, que fixo de guía e explicou algunhas das tarefas que se realizan na comunidade así como a historia da Capela de San Tomé.

 

 

A media mañá repuxeron forzas na Sobreira de Penas e antes de ir coller o autobús de regreso, ainda dou tempo a visitar a igrexa parroquial.

 

 

CONVIVENCIA DEPORTIVA CO IES SAN ALBERTO

21/12/2023 23:21

O xoves 21 de decembro o alumnado de CICLO e de 1º de BACHARELATO visitou o IES Campo de San Alberto  (Noia). 

Ao longo de toda a mañá o alumnado de ambos institutos realizaron varias competicións deportivas e disfrutaron dunha pequena merenda contando con tempo para socializar entre eles.

 

 

UNITOUR

20/12/2023 15:04

 

Este mércores 20 de decembro, o alumnado de 2º de bacharelato foi a unha visita ao Salón UNITOUR en Coruña onde recibiron  información sobre as diferentes ofertas formativas de graos universitarios.

 

 

SORTEO DAS CESTAS DE NADAL

18/12/2023 22:39

No primeiro recreo do luns 18 de decembro, fíxose o sorteo das 2 cestas de nadal.

    

Os números premiados foron o 3690 e o 1088.

As alumnas que venderon as rifas fixeron entrega das respectivas cestas ás dúas agraciadas.

       

 

 

VIAXE CULTURAL A MADRID

17/12/2023 18:17

O alumnado de 2º de bac de Historia da Arte participou nunha viaxe cultural a Madrid os días 15, 16 e 17 de decembro.

Ademais de coñecer os lugares máis emblemáticos da cidade (Puerta del Sol, Alcalá, Gran Vía…),  visitaron o Museo Reina Sofía, o Museo do Prado e asistiron á obra de teatro “La función que sale mal”.

Para ver máis fotos pulsar AQUÍ

 

ESTRATEXIAS PARA AFRONTAR SITUACIÓNS DE DESIGUALDADE FÍSICA

04/12/2023 22:03

Dentro das actividades propostas polo Concello para a conmemoración do 25 de Novembro, o alumnado de 1º de Bacharelato recibiu unhas clases para aprender estratexias para afrontar situacións de desigualdade física. Estas clases foron impartidas por Israel e Clara da escola de boxeo "EL CANARIO"de Ribeira entre o 29 de novembro e o 1 de decembro.

Para ver máis, pulsar AQUÍ

SORTEO DE 2 CESTAS DE NADAL

16/11/2023 15:12

O alumnado do IES venderá nos póximos días rifas cun valor de 2€ para entrar no sorteo de 2 cestas de Nadal.

  

O diñeiro recaudado, permitiralles custear parte das súas viaxes: a Londres, a París, á neve,..

O sorteo terá lugar durante os recreos do luns 18 de decembro.

Os agraciados serán chamados por teléfono e poderán pasar a recoller as respectivas cestas antes do 21 de decembro.

Grazas a todos os que colaboran e moita sorte!

Distribuir contido


by Dr. Radut