Skip to Content

RUTA DA AUGA18-19: DO IES A CANS!

25/10/2018

III Ruta da Auga realizada dende o IES ata Cans. Entrade no apartado dos Roteiros  desta páxina para saber máis desta actividade.

VÍDEO RESUMO DA FORMACIÓN EN RADIO NA BIBLIO

24/10/2018

No blog da nosa radio, Onda Perseveira, compartimos o vídeo-resumo que nos achega Javier Prado, de Rede Espora, con quen nos formamos alumnado e profesorado no curso 2017-18. Profes e profas no minuto 1:23. Os mozos e as mozas, no 5:02. Máis información en Onda Perseveira. Profes e profas no minuto 1:23. Os mozos e as mozas, no 5:02.

 

PARTICIPAMOS NA LIMPEZA SIMULTÁNEA DE PRAIAS PROMOVIDA POR ADEGA!

19/10/2018

 

Esta mañá o IES de Porto do Son uniuse á Campaña de Limpeza de Praias promovida por ADEGA (Asociación para a Defensa Ecolóxica de Galicia). Este venres amenceu luminoso e a media mañá o alumnado de 2º de ESO, co prefesorado, transformou a praia de Cabeiro nunha aula na natureza. O tema interdisciplinario deste curso é a SOSTIBILIDADE. Xa estamos a traballar nesa liña (os talleres con GALP, lecturas, proxectos...). Con esta acción sumámonos a outros centros escolares e cidadáns que, entre hoxe, 19 de outubro, e mañá, participarán nunha acción que nos fai conscientes da realidade: o lixo está presente nas nosas praias porque tamén o está no mar e nós somos responsables desta situación. 

Recollemos 94 quilos de lixo!!!  Botellas de plástico, latas, cabichas, plásticos varios, embalaxes de comida, tapóns, cordas, restos de bateas, nasas, preservativos...). Agradecemos ao concello de Porto do Son que nos facilitara as luvas e as bolsas para a recollida do lixo e que se comprometera a recollelo.

XUNTOS, PODEMOS COIDAR O PLANETA E REVERTER A DERIVA PRODUCIDA POLO SER HUMANO! 

 

 

No xornal La Voz de Galicia.

Con outros centros escolares de Galicia; aínda deberiamos ser máis!

 

 

 

COMEZAMOS O PROGRAMA CON-CIENCIA!

11/10/2018

Onte comezamos o programa Con-Ciencia. A biblioteca será o espazo onde se desenvolverán os obradoiros e talleres sobre sostibilidade, nos que alumnado de 2º de ESO participará ao longo do curso en sesións de titoría e nas materias de Física e Química e ITI.

No marco do noso tema interdisciplinario para o 2018-19, facemos nosos os obxectivos desta iniciativa promovida polo Grupo de Acción Local de Pesca Costa Sostible,  Seo de Fisterra-Ría de Muros Noia, e no que colaboran o Parque Nacional Marítimo Terrestre das Illas Atlánticas de Galicia, a Asociación de Oceanográfos de Galicia e a Fundación CETMAR (Centro Tecnolóxico do Mar), co respaldo da Consellaría do Mar e o FEMP (Fondo Europeo Marítimo e de Pesca). Coma eles, pretendemos “con-cienciar” o noso alumnado e procuramos:

  • Poñer de manifesto a problemática actual global en materia de medio ambiente.
  • Valorar e debater como nos afecta a nivel local.
  • Fomentar unha actitude e traballo en equipo para tratar de expoñer solución.

Entra no blog da biblioteca para ler como foi a xornada.

UN ANO MÁIS COS CLUBS DE LECTURA!

09/10/2018

O luns ao mediodía xuntámonos un curso máis na biblioteca para botar a andar de novo os clubs de lectura. O éxito da actividade vai medrando! Cando menos, un luns ao mes, habemos de compartir xornadas que nos irán unindo arredor do mundo dos libros! Nesta primeira sesión botamos man dos títulos dos libros para facer poesía! Entra no blog da biblio para ver como foi o primeiro encontro!

PRESENTACIÓN ÁS FAMILIAS

15/10/2018

O día 15/10/2018, luns, o equipo directivo, a orientadora e os titores e titoras presentarán o curso ás familias no seguinte horario:

1º ESO: 18:15h

2º ESO: 18:15h

3º ESO: 18:45h

4º ESO: 18:45h

BACHARELATO: 18:45h

 


INFORMACIÓNS XERAIS PARA AS FAMILIAS 

O GALEGO A MIÑA LINGUA PROPIA. ALDAOLADO, PORQUE SI

05/10/2018

 

O GALEGO, A MIÑA LINGUA PROPIA, é a campaña de dinamización social da lingua galega que organiza a área de Normalización Lingüística da Deputación da Coruña e que está a levar polos centros xornalistas, pintores, cineastas, poetas, editoras, músicos.... Son referentes na cultura galega, fixeron e fan da lingua galega e da identidade galega a base dos seus traballos e das súas creacións.

Connosco, este martes na biblioteca, estiveron Aldaolado,  Lucía Aldao e María Lado. Porque si. Porque son poetas, porque contan en galego, cantan en galego, porque senten e comunican en galego… Porque rin. Porque nos fan rir. Porque conmoven. Porque moven… 

Entra no blog da biblio, ETIKELES, para ler sobre esta actividade do EDLG, o equipo de biblio e o departamento de Lingua Galega. Conseguiron enganchar o alumando de 4º de ESO!

 

 

 

CALENDARIO COMEZO DE CURSO

03/09/2018
18/09/2018

CALENDARIO COMEZO DE CURSO



Luns / Martes 03/04-Setembro-2018

EXAMES AVALIACIÓN EXTRAORDINARIA

 

Martes04-Setembro-2018

EXAMES AVALIACIÓN EXTRAORDINARIA 09:30-13:30

AVALIACIÓN 2º BACH, 16:00-17:30

 

Mércores05-Setembro-2018     09:30-13:30

RECOLLIDA NOTAS 2 BACH. / MATRÍCULA ABAU

AVALIACIÓN: ESO, 1º BACH

RECLAMACIÓNS 2º BACH

 

Xoves06-Setembro-2018

ENTREGA DE NOTAS, 09:30-10:30

MATRÍCULA 3º, 4º, BACH, 09:30-13:30

RECLAMACIÓNS 09:30-13:30

DATA LÍMITE PARA ENTREGA DE LIBROS

 

Venres07-Setembro-2018

RESOLUCIÓN RECLAMACIÓNS 09:30-10:30

MATRÍCULA 1º, 2º ESO 09:30-12:00

CLAUSTRO 13:00

 

Luns17-Setembro-2018

PRESENTACIÓN ALUMNADO ESO E BACHARELATO (Hai autobús.)

 

1º ESO

Ás 10:30h, recepción no salón de actos

Ás 11:00h, saída para as aulas cos titores/titoras

2º ESO

Ás 11:15h, recepción no salón de actos

Ás 11:30h, saída para a aula cos titores/titoras

3º ESO

Ás 10:30h, recepción na biblioteca

Ás 10:45h, saída para a aula cos titores/titoras

4º ESO

Ás 11:00h, recepción na biblioteca

Ás 11:15h, saída para a aula cos titores/titoras

BACHARELATO

Ás 11:00h, recepción nas aulas cos titores/titoras

SAÍDA ás 12:00h

(O alumnado esperará na entrada ata que sexa chamado por algún membro do equipo directivo.)

CLAUSTRO: 12:15

 

Martes18-Setembro-2018

COMEZO CLASES CON HORARIO NORMAL

 

PRESENTACIÓN CICLO, 8:20, recepción na aula

 

Axudas para adquirir material escolar: LISTAXE ADMITIDOS

17/07/2018
17/09/2018

Axudas para adquirir material escolar: LISTAXE ADMITIDOS e NON ADMITIDOS

Poden pasar a recoller o vale de material.

O IES estará aberto en xullo, de 09:30 a 13:30

 

Como todos os cursos, a listaxe de libros xérase en Setembro cando toda a matrícula estea pechada.

ÉXITO NA ABAU-2018

30/06/2018

Pechamos o curso co éxito do noso alumnado na ABAU.

Estamos no posto 14 dos 281 centros que fixeron as probas ABAU, na proba xeral.

No posto 12 con menor diferencial. (A desviación entre a media académica do centro e a nota obtida nas probas de acceso).

Na posición número 7 dos centros públicos galegos con mellor puntuación na proba xeral.

Seguimos reparando na análise dos datos que nos permiten mellorar. Esta é a mostra.

 

Parabéns ao alumnado, as familias e ao profesorado polo seu esforzo!

 

Ogallá sexamos quen de manternos aí.

Distribuir contido


EQUIPO DE DINAMIZACIÓN DA LINGUA GALEGA

by Dr. Radut