Skip to Content

A VIAXE Á NEVE! ANDAMOS POR ANDORRA!

12/02/2019

Van chegando as primerias imaxes da excursión a Andorra organizada polo departamento de Educación Física. Bo tempo, xenial as pistas, aprendendo e disfrutando!

COMEZARON AS CONTADAS NA PERSEVEIRA 2018-19!

12/02/2019 21:58

Un ano máis recibimos os pequenos dos coles para contarlles contos na Sala Perseveira! Podedes ler máis e ver as fotos no blog da biblioteca!


SEGUE AVANZANDO A AULA ESPAZO MAKER

12/02/2019

A aula de Espazo Maker segue tomando forma: alegre, divertida, colorida... Convida a crear! Aí está Paloma cos chicos e chicas de Tecnoloxía botándolle imaxinación para darnos un novo espazo de aprendizaxe e convivencia!

  

 

 

 

A XORNADA DA SOSTIBILIDADE EN SONCINE

10/02/2019

Chéganos de SonCine o vídeo da Xornada da Sostibilidade do 21 de decembro. Foi un día de convivencia e aprendizaxe, de colaboración, de voluntariado, de pequenas/grandes accións sostibles. Tomamos as palabras que o acompañan:

"O 21 foi unha festa, unha Xornada da Sostibilidade, para ir asentando alicerces firmes! Pensar, actuar, comprometerse para plantar sementes que han de agromar na esperanza de futuro para o planeta! Grazas a tod@s! O alumnado, o profesorado, as nais… por facer desta xornada un día de celebración! O equipo de biblioteca colaborou activamente nos obradoiros e na selección das curtamentraxes que se pasaron na biblioteca e nas aulas!"

 

21 de decembro, Xornada pola Sostibilidade! from SonCine on Vimeo.

VÍDEO DA VISITA DE DISCAMINO AO CENTRO

10/02/2019

A finais de xaneiro xa contamos que Javier Pitillas, da asociación Discamino, veu ao IES a reunirse con alumnos de 2º de ESO e do Ciclo de actividades fisico-deportivas no medio natural. SonCine vén de montar este vídeo sobre a charla. Paga a pena adicar un tempiño para velo e escoitalo. Recollemos as palabras que acompañan a publicación: 

"A valoración do alumnado foi un 10. E a emoción e aprendizaxe que naceu da experiencia da súa xenerosidade inesquecible e exemplar lembrarémola sempre. Grazas a toda a asociación Discamino, a Javier Pitillas e a Javi, Fanny, Ana, David, Jose, Gerardo... pola súa alegría, vontade e ánimo. Estaredes sempre con nós."

  

Discamino from SonCine on Vimeo.

EDUEMPRENDE, ECONOMÍA NO BACHARELATO (2018-19)

05/02/2019

Continuamos co programa Eduemprende; nesta ocasión Manuel Rodríguez, do Banco Santander, falou ao alumnado de 1º de Bacharelato de Economía sobre os indicadores económicos dun país, os ingresos e os gastos, os presupostos do Estado e o proceso de xubilación. 

VISITANDO OS CENTROS DE FORMACIÓN PROFESIONAL EN SANTIAGO

31/01/2019

Alumnado de 4º de ESO coñecendo de primeira man os ciclos formativos como unha opción máis para o seu futuro. Os centros visitados foron o CIFP Politécnico, o CIFP Compostela e o IES Lamas de Abade.

  

  

  

 

 

"UN DÍA CON LOS CLÁSICOS"

31/01/2019

O alumnado de 1º e 2º de ESO asistiu onte á posta en escena de "Un día con los clásicos", a cargo da compañía Omis. A actividade foi organizada polo de Lingua Castelá. Podedes ler máis no blog da biblioteca. 

SOSTIBILIDADE. MARÍA E RAQUEL

28/01/2019

María e Raquel Queiruga Romay, alumnas de 2º de ESO achégannos unha das primeiras producións audiovisuais do Espazo Maker. María cóntannos nun magnífico inglés o seu traballo de investigación sobre a sostibilidade para a materia de Valores Éticos. A súa irmá grávaa coa cámara. Unha lección sobre o desenvolvemento da competencia de aprender a aprender ao tempo que nos aportan información para construír un futuro respectuoso coa Terra. Parabéns! 

  

Sostibilidade. María e Raquel. from SonCine on Vimeo.

FACENDO DE SEU A AULA DE ESPAZO MAKER

26/01/2019

Un grupo de alumnos e alumnas de 2º de Bacharelato, coa profesora de Tecnoloxía Paloma Lavandeira, comezou onte a facer da aula na que se ubicará o Espazo Maker un lugar de seu. Xa formaron parte no curso 2016-17 da auditoría sobre o uso dos recursos enerxéticos. Co aforro derivado das medidas xeradas a partir desta revisión puidemos crear este curso a Aula de Xogos. Aí están, formando parte da innovación no centro! Grazas a eles e ao profesorado implicado nestas dinámicas. Cremos que, sen dúbida, este é un dos camiños que debe seguir o ensino!

       

     

    

   

 

Distribuir contido


EQUIPO DE DINAMIZACIÓN DA LINGUA GALEGA

by Dr. Radut