IES Pazo da Mercé

Un ano máis celebramos no Instituto a data do 25 de Abril, conmemorativa do fin da ditadura en Portugal e a chegada dun proceso democrático. Unha vez máis foi momento de lembrar os caraveis vermellos, o lema de “O povo é quem mais ordena” e o “Grândola Vila Morena”, a canción de José Afonso que serviu de sinal “revolucionario” nesa data. Realizamos entre outras cousas coas axuda de profes e alumnado unha chamativa pancarta conmemorativa que se pendurou na entrada do Edificio Novo. Grazas e todos e “25 de abril Sempre!”.

Por segundo ano consecutivo, demos celebrado no noso Instituto en colaboración co Concello das Neves e a ANPA as Xornadas “Abril de Historia”, coa pretensión de que persoas especializadas nas distintas temáticas ou periodos dean a coñecer as claves, as informacións e procesos máis destacados da historia da nosa contorna, sen perder a perspectiva e o contexto xeral da propia historia de Galicia.

Ola a todos e todas. O Equipo de dinamización lingüística do Galego acaba de mercar dous xogos para que todo o alumnado poida disfrutar deles e aprender máis sobre Galiza. Estará á vosa disposición na biblioteca do centro. Animádevos a xogar!!!!