Programa de intercambio Burela-Poussan

Dez anos de intercambio. Dez anos de compartir vivencias e ilusións.

Case  400 alumnos/as de ambos centros
educativos participaron ó longo destes anos na experiencia de convivir durante
algo máis dunha semana cunha familia que non é a súa, de achegarse a unha
cultura diferente, a unha lingua distinta, de descubrir outras realidades e de
amosar a súa propia.

Dez anos tamén de traballo para os profesores/as dos dous centros que
participaron non só directamente na viaxe acompañando ós alumnos/as senón tamén
preparando e realizando actividades nos propios centros.

En definitiva dez anos de contacto, dez anos de comunicación e de
entendemento que proporcionan ós nosos alumnos/as a oportunidade de abrirse ó
mundo e de formarse como cidadáns europeos.

Os nosos alumnos de francés de 3º e 4º da ESO conviviron durante uns días cos seus "correspondants" franceses e coas suas familias o que supuxo para eles a necesidade de empregar con asiduidade a lingua francesa. Ademáis, visitaron e coñeceron a rexión onde se encontra a vila de Poussan e participaron en numerosas actividades deportivas e pedagóxicas; deste xeito descubriron as vilas medievais de Carcassonne e Aïgues Mortes mediante un xogo de pistas; fixeron actividades no acuario de Montpellier e asistiron á explicación dun profesor francés sobre as orixes desta importante vila do sur de Francia. Tamén visitaron as vilas medievais de St. Guilhem le Désert e Pézénas; asistiron a un pequeno curso de xeoloxía nas grotas de Clamouse,

Tamén participaron en actividades deportivas na praia de Balaruc facendo equipos cos alumnos franceses e finalmente tiveron un taller de lingua francesa para facer balance da experiencia e encontrar os aspectos positivos e as cousas que deben mellorar neste tipo de intercambios.

Polo tanto, a estancia en Poussan supuxo unha boa experiencia porque ademáis de poñer en práctica e mellorar os seus coñecementos de lingua francesa, viviron unha realidade cultural diferente e sobre todo fixeron un montón de amigos.

Agora podedes ver o video do intercambio

1º Parte

2º Parte