Educación Física

III Xornadas do deporte IMDECUM

III Xornadas do deporte IMDECUM

O mércores 4 de xuño o adestrador do Obradoiro CAB, Moncho Fernández deu unha charla sobre "Metodoloxía de traballo no Obradoiro CAB"

Xoves 29 de maio no pavillón do Monte Castelo ás 17 horas Sara Álvarez Folgueira, (deportista judo club Lugo), Miguel Blanco Castro (adestrador judo club Lugo), Iván Carballeira (preparador físico judo club Lugo) impartiron unha charla "Judo para todos".

 

 

 

Mércores 21 de maio tivo lugar o primeiro relatorio sobre "Impacto económico en eventos deportivos" impartido por Ángel Antonio Barajas Alonso.

 

 

II Xornadas do deporte Imdecum- Iniciación as loitas Olímpicas dende a práctica orientada

O 30 de maio ás 17 horas os tenistas Alvaro Illobre e Martín Varela impartiron unha conferencia sobre "Deporte sen barreiras". Son dúas figuras destacadas no Ranking ITF actual en tenis en cadeira de rodas.

Mércores 22 de maio ás 17 horas os alumnos de 1º curso do ciclo de actividades físicas e deportivas asistiron a un taller práctico no pavillón Monte Castelo sobre loita olímpica co que se pretende experimentar en situacións prácticas as diferentes técnicas ofensivas e defensivas desta modalidade deportiva olímpica a través de xogos individuais e de equipo orientados ó seu desenvolvemento e aprendizaxe.

A conferencia titulada "Iniciación  as loitas Olímpicas dende a práctica orientada" será impartida por Pablo Rubén Pintos,licenciado en Ciencias da Actividade física e deportiva, adestrador da Federación Galega de Loita na que imparte a área de didáctica no curso de adestrador nacional de loita e gañador de varias medallas nos sucesivos campeonatos nacionais de loitas olímpicas e campión galego ( modalidade 66 kg. )

Esta actividade está organizada  pola fundación Imdecum en colaboración co departamento de actividades físicas dentro das II Xornadas do deporte Imdecum.

 
   
   

A Arte do Kick Boxing

II Xornadas do Deporte Imdecum--A ARTE DO KICK BOXING, UNHA VISIÓN TEÓRICO PRÁCTICA

A Academia Imdecum en colaboración co IES Montre Castelo acolleu a segunda sesión das II Xornadas do Deporte o xoves 16 de maio, descubrindo a arte do kick boxing a través da visión teórico-práctica da campioa do mundo Marisol Ramírez.

A deportista, cinturón negro 4ª grao de kick boxing dende 2010, conta cun amplo recoñecemento medallístico. Aos 27 ouros en campionatos autonómicos (2003-09) suma 8 en nacionais (2005-09). En 2009 subiu ao cumio do podio no Campionato do Mundo de Kick Boxing, na modalidade de semi-contact, e obtivo 3 bronces en light-contact e koshiki.

 
   


II Xornadas Deporte e Saúde "IMDECUM"

A Academia Imdecum abriu a segunda edición das súas Xornadas do Deporte e Saúde o xoves 25 de abril coa conferencia "A situación do deporte feminino nos medios de comunicación" impartida pola periodista deportiva Alba Adá Lameiras , colaboradora do programa Futsal Cope e ex-xogadora de fútbol sala, que posúe unha ampla experiencia nas redaccións do Diario As, Cadena SER, Marca, Marca TV.... e en webs adicadas ao deporte feminino.

A conferencia está destinada a alumnado e titulados do ciclo superior de Actividades físicas e deportivas, monitores deportivos e demáis profesionais relacionados co deporte, así como a todo o público interesado.

 

 

I Xornada de Convivencia

O martes 13 de novembro levarase a cabo a I Xornada de Convivencia organizada polo departamento de Educación Física, a Fundación Eu Son e a Asociación de Axuda ó enfermo mental de A Mariña de Burela.

Esta actividade pretende fomentar a participación e colaboración entre dous colectivos de persoas con discapacidade física, psicolóxica e intelectual a través da celebración conxunta dunha xornada de convivencia que abrangue diversas actividades deportivas e socioculturais.

Dende as 10 da mañá ata as 5'30 da tarde no pavillón polideportivo o alumnado do ciclo de Actividades Físicas e Deportivas realizará cos membros destes colectivos diferentes actividades: un partido de fútbol amistoso, xantar de confraternización e magosto, xogos populares...

Conferencia sobre o alzheimer

O luns 29 de outubro de 2012 o departamento de educación física organiza unha conferencia sobre "O Alzheimer e outras demencias" impartida por Patricia Gómez Lamas, traballadora social do centro de día As Galeras en Oleiros(A Coruña) e dirixida a alumnado de 2º curso do ciclo de Actividades Físicas e Deportivas.

O que pretende é achegar ós alumnos do módulo de Actividades Físicas para discapacitados unha visión das discapacidades relacionadas coas demencias, en especial o alzheimer así como proporcionar ós alumnos un achegamento á problemática e coñecemento de diferentes discapacidades, concretamente as demencias e o alzheimer, vivenciando situacións prácticas, que lles fagan comprender as características das persoas afectadas.

II Encontro do Deporte Base na Mariña

O IES acollerá  o sábado 17 de marzo o II Encontro do Deporte Base na Mariña coa presenza do seleccionador nacional sub-21 de fútbol sala, Federico Vidal Montaldo.

Este encontro estará organizado pola Fundación Indecum en colaboración co Burela Fútbol Sala e o departamento de Educación Física do IES Monte Castelo.

Charla do seleccionador español masculino

José Venancio, seleccionador español masculino, ofreceu unha charla no IES Monte Castelo durante a celebración da Copa de España de fútbol sala femenino que se celebrou do 3 ó 5 de xuño en Burela. O seleccionador compartiu a súa experiencia profesional e explicou a metodoloxía de entrenamento nas etapas de formación.

 

Xornadas formativas Educación e Deporte 2011

Xornadas formativas Educación e Deporte en colaboración co Burela Fútbol Sala:

A presentación será o xoves 5 de maio no IES Monte Castelo e prolongarase ata o 1 de xuño cun total de 5 charlas.

Ver noticia na páxina do Burela FS

 

Xoves 5 de Maio: "A relación entre os medios de comunicación e os clubs profesionais"  a cargo de Pablo Yáñez, delegado de A Mariña- El Progreso.

Xoves 12 de Maio: "As relacións laborais no fútbol sala"   Relatores: Jesús Martínez, catedrático de Dereito do Traballo e Seguridade Social; Alberto Arufe, profesor de Dereito do Traballo e Seguridade Social; e Iván Vizcaíno, profesor de Dereito Sindical (Universidade da Coruña)

 


Presentacion burela
Xoves 26 de maio:" Modelo de xestión dunha fundación deportiva e un club de alto rendemento"  a cargo de Óscar Hermida, xerente do Azkar Lugo FS 05-11 e Fundación Azkar 07-11

III Xornadas formativas Burela FS [1] from IES Monte Castelo (Burela) on Vimeo.

III Xornadas formativas Burela FS [2] from IES Monte Castelo (Burela) on Vimeo.

Mércores 1 de xuño: "Futsal en Libia, experiencias"

Relator:Pablo Prieto, seleccionador nacional de Libia

Xoves 9 de xuño: "A vendaxe funcional:aplicación básica na escordadura de nocello"

Relator:Fiz Fernández Fernández, fisioterapeuta do Durán Maquinaria Ensino CB

 

Distribuir contido