Prazo para solicitar as BOLSAS E AXUDAS AO ESTUDIO para o curso 2022-2023
Coa publicación do Real Decreto 154/2022, adiántanse os prazos para solicitar as BOLSAS E AXUDAS AO ESTUDIO para o curso 2022-2023.
Tradicionalmente, esta convocatoria publicábase no mes de agosto. Nesta ocasión, e para axilizar os trámites, hai un cambio no prazo de solicitude , pasando a ser do 30 de marzo ao 14 de maio.
Dende a páxina web do centro informaremos do procedemento unha vez aberto o prazo de inscrición.
Para máis información pódese consutar a seguinte dirección.
Remata o I Campionato de Ping Pong do Ies de Melide
Despois de máis dun mes de campionato, onde alumnos, alumnas e profesorado demostraron o seu dominio das raquetas, damos por finalizado o Torneo.
Foron moitos recreos de emocións e competición onde aprendemos a compartir e a xogar con deportividade.
Parabéns os gañadores!! Vémonos no seguinte!
Público animando aos finalistas
Caimpión e subcampión cos trofeos Cuarto e terceiro posto
USO DAS MÁSCARAS NO PATIO
As Consellerías de Sanidade e Educación publicaron o pasado venres 18 pola tarde un comunicado no que anuncian o acordo de deixar de recomendar o uso de máscaras nos espazos ao aire libre nos centros educativos, polo que:
- O uso da máscara no patio do centro pasa a ser voluntario.
- O uso da máscara dentro do centro educativo segue a ser obrigatorio.
- Recoméndase que o alumnado leve ou un recipiente que lle permita gardar a máscara en caso de que a quite no patio ou algún mecanismo que lle permita tela colgada e volver a poñer facilmente no momento en que entre no recinto escolar.
DÍA DA MULLER NO IES DE MELIDE
Hoxe 8 de marzo celebramos o Día da muller coa entrega de máscaras de cor violeta a todo o alumnado para visibilizar esta xornada. O alumnado de 2º de Bacharelato foi o encargado de facer no recreo unha representación coa lectura de textos alusivos a situacións ás que se enfrontan as mulleres no día a día, rematando con unha lembranza homenaxe ás mulleres ucraínas neste día.
PROTOCOLO CONTACTOS ESTREITOS NOS CENTROS EDUCATIVOS
Tal e como se recolle no anuncio publicado pola Consellería de Educación, a patir deste 7 de marzo, os centros educativos, como non son considerados ámbitos vulnerables, DEIXARÁN de comunicar os contactos estreitos e serán as propias persoas que dean positivo en COVID as encargadas de contactar cos seus contactos estreitos.
Aberto o prazo de inscrición para as PROBAS DE ACCESO a grado medio
Dende o luns 3 ata o mércores 16 de marzo estará aberto o prazo para presentar a solicitude de inscrición para realizar as probas de acceso aos ciclos medios.
A soclicitude realízase a través da aplicación "ciclosprobas" e pódese entregar por vía telemática a través da sede electrónica da Xunta cun sistema de usuario ou chave 365, ou tamén de forma presencial na secretaría dun centro que imparta FP neste curso 21-22.
Se tedes dúbidas pasade polo departamento de orientación!
BOLSAS para a realización de actividades de formación en linguas estranxeiras
O luns 28 remata o prazo para presentar as solicitudes para as bolsas de formación en linguas estranxeiras a través dunha estancia nun país estranxeiro durante o verán.
DESTINATARIAS/OS: alumnado de 1º e 2º de bacharelato
REQUISITOS:
- Ter unha cualificación de 6 na materia de lingua estranxeira do curso 20-21
- Ter todas as materias aprobadas do curso 20-21
A bolsa terá en conta a renta familiar e a cualificación media do curso 20-21
REALIZACIÓN: dende a última semana de xuño ata agosto para 1º de bacharelato, e durante o mes de agosto para o alumnado de 2º de bacharelato.
SOLICITUDE:
- Na seguinte ligazón.
- A presentación das solicitudes xeradas poderase realizar a través da sede electrónica da Xunta de Galicia coa identificación Chave 365, ou presencialmente nos rexistros establecidos no procedemento administrativo común.
INCLÚE:
- Gastos da viaxe
- Manutención e aloxamento
- Gastos de docencia e material escolar
- Seguro de accidentes e de responsabilidade civil
Para ter máis información pulsa aquí
NON PERDAS ESTA OPORTUNIDADE!!
Continuamos cos obradoiros de SAÚDE EMOCIONAL
Seguimos cos obradoiros de SAÚDE EMOCIONAL en 1º e 2º de ESO! Nestes cursos traballamos sobre o bullying e as súas consecuencias emocionais así como do feminismo e da diversidade sexual.
Nesta ocasión, tocoulles ao alumnado de 3º e 4º de ESO falar e coñecer máis sobre a SAÚDE EMOCIONAL NAS ADICCIÓNS.
Alumnado de 3º de ESO falando sobre as adiccións
O IES DE MELIDE SEGUNDO CAMPIÓN DE GALICIA NO CONCURSO ODISEA
Fieles ao Concurso Odisea dende a súa creación, as alumnas e alumnos do IES de Melide non faltaron a convocaoria deste ano.
Nesta ocasión o tema era a Arte nas antigas Grecia e Roma, un tema precioso, pero amplísimo. Adestramos duramente con este material, elaborado polos departamentos de latín e grego e practicamos facendo un montón de preguntas na aula virtual.
Pasamos unha semana moi emocionante e nada menos que catro equipos de Melide conseguiron a puntuación máxima, 73 puntos. O equipo que empregou menos tempo o día do preguntón, o equipo Apeles de 1º B de BAC, pasou ao desempate autonómico.
O pasado mércores 9, o equipo APELES, formado por Belén Agra Parrado, Brais Lugrís e Diego Pintor Barallobre, conseguiu clasificarse como 2º campeón de Galicia, na fase desempate local. Este equipo, que tomou o seu nome do famoso artista grego, pintor persoal de Alexandre Magno, recollerá o seu premio o vindeiro martes 8 de marzo durante o Festival de Teatro de Lugo.
Bravísimo por Belén, Brais e Diego e por todas e todos os participantes. Pasámolo estupendamente e aprendimos un montón, e iso é o mellor premio.
COMEZA O TORNEO DE PING PONG NO IES DE MELIDE
Hoxe comeza o torneo de Ping-Pong do IES de Melide, con case un centenar de participantes de todas as idades e que ten como obxectivo a promoción da actividade física, os hábitos de vida saudables e que completan a oferta de actividades dos Recreos inclusivos, que favorecen a interrelación e integración de todo o alumnado.
Os gañadores do campionato recibirán un xogo de pas de ping-pong e un trofeo conmemorativo.
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »