Matemáticas

ENLACES DE EDMO.DO CON TRABALLO DA MATERIA

Matemáticas

ENLACES DE TRABALLOS DOS GRUPOS DE PEDRO MARTÍN ALÁEZ

4º ESO Matemáticas académicas: https://edmo.do/j/dzg653
1º Bach CCSS (grupo Pedro): https://edmo.do/j/xugg62
2º Bach CCSS: https://edmo.do/j/8kgywv

TEMPO DE CONCURSOS...

CONCURSO FOTOGRÁFICO "CIENTÍFICAS CASIO"

Desde a obriga moral de dar a merecida visibilidade ao traballo das mulleres científicas ao longo da historia, o Departamento de Matemáticas do IES Elviña decidiu promover entre o noso alumnado a participación no Concurso de fotografía "científicas CASIO", organizado por esta coñecida marca xaponesa de aparatos dixitais.

As condicións son ben sinxelas: hai que sacar unha foto onde apareza un dos pósters das doce científicas históricas seleccionadas por CASIO que poden atoparse no seguinte enlace (ENLACE MULLERES CIENTÍFICAS CASIO) e que os rapaces e as rapazas participantes poderán atopar xa impresos no instituto (previsor que é o noso profesorado de mates!). A foto deberá tirarse nalgún espazo do centro poñéndolle toda a imaxinación posible, e para iso o alumnado poderá contar coa colaboración do profesorado dos Departamentos de matemáticas, física e tecnoloxía, para que lles proporcionen entrada aos espazos nos que desexen fotografar: talleres, laboratorios, aulas, biblioteca, tellado (vaites, NON, o tellado NON!).

"E hai premio?", preguntou Manoliño. "Haberá". E ademais será premio científico: unha flamante calculadora ilustrada (Casio, of course) e a "negra honrilla" de gañar, que tamén gosta.

Non perdades o tempo! Tedes ata o 5 de decembro para facer as fotos!

Científicas

Estas son as doce mulleres científicas ás que se adica o concurso cun enlace para que aprendades algo máis sobre elas

Hipatia de Alexandría
Sophie Germain
Ada Lovelace
Marie Curie
Ángela Ruiz Robles
Cecilia Payne
Chien-Shiung Wu
Hedy Lamarr
Katherine Johnson
Donna Strickland
Maryam Mirzakhani
Jess Wade

OBRADOIROS DE ENXEÑERÍA EN 3º E 4º ESO

A FACULTADE DE ENXEÑERÍA DA UDC NO IES ELVIÑA

Alumnado do mestrado da Facultade de Enxeñería de Camiños da Universidade da Coruña pasou no mes de maio polo noso centro para impartir unha serie de interesantísimos obradoiros técnicos aos rapaces e rapazas de académicas de 3º e 4º de ESO do noso centro por iniciativa do Departamento de matemáticas.

Ademais dos aspectos teóricos da enxeñería, os monitores trouxeron varios experimentos destinados a explicar ao alumnado as aplicacións prácticas dos coñecementos matemáticos e científicos que traballan diariamente no currículo das materias de matemáticas e física.

Exitosa iniciativa do Departamento de mates!
Ogallá se repita!

A AULA MÓBIL DE REPSOL NO IES ELVIÑA E NO CEIP ALBORADA

Os pasados 29 e 30 de abril o autobús científico da Fundación Repsol estivo no noso aparcadoiro á disposición do alumnado do CEIP Alborada e do IES Elviña. A Aula Móbil REPSOL está dotada de interesantes actividades interactivas de carácter científico. O alumnado de 1º, 2º e 3º de ESO pasou unha hora investigando coa axuda dos monitores da Fundación. Unhas cantas fotiños para rememorar esta actividade:

XXIV DÍA DA CIENCIA NA RÚA

ELVIÑA NA RÚA, DIGO... A CIENCIA NA RÚA

Como xa é costume inveterado (e moi saudable), o noso centro participou o pasado sábado día 4 de maio na XXIV edición do Día da ciencia na rúa que organiza a Asociación de amigos de la Casa de las Ciencias no Parque de Santa Margarita da Coruña. En espazo privilexiado dentro da explanada central do parque, o noso centro montou a súa "jaima" chea de sedutores reclamos científico-matemáticos. O alumnado colaborador estivo a traballar todo o ano para preparar as actividades e explicalas con todo luxo de detalles aos concurrentes. Alí se viron cousas de nomes fascinantes e exóticos coma as razóns matemáticas das curvas (que ninguén pense mal, son as elipses e paraboloides dos billares...), adiviñas topolóxicas, maxia matemática (moito máis coñecida entre o vulgo como "prestidixitación mental a través de código binario") e outras moitas actividades semellantes.

O profesorado de matemáticas e ciencias do IES Elviña implicouse na festa (mención especial para Edita, profesional entregada á causa e responsable principalísima da alta calidade do traballo deste ano) e, como sempre, os alumnos e as alumnas participantes responderon coma profesionais. Dígano todos os visitantes que se achegaron pola "jaima", incluído R2D2, e que saíron algo máis que satisfeitos da experiencia (porque saíron máis sabios do que entraron!). Grazas tamén a todas as familias, profesorado e alumnado que aproveitaron o bo tempo para achegarse ao parque en apoio do centro.

Ana e Heloísa cocacoleando pola cidade

Mención moi especial para as dúas alumnas de 1º de Bacharelato (Ana Caramés e Heloísa Souza) que participaron no concurso Cocaleando, facendo unha xincana científica por toda a cidade. Coma os resultados do concurso non se fixeron públicos aínda, contamos con posibilidades de que gañen premio. Ben merecido o terán pola súa entrega e compromiso con todas as actividades do centro.

O ALBUM DE FOTOS DO EVENTO

Álbum: Actividades -> XXIV Día da ciencia na rúa

ESPAZO MAKER

Erasmus+ Internacionalización

DEPARTAMENTOS

Departamentos

Ciencias naturais	Debuxo
Economía	Educación Física
Filosofía	Física e Química
Lingua castelá	Lingua francesa
Lingua galega	Lingua inglesa
Linguas clásicas	Matemáticas
Música	Tecnoloxía
Xeografía e Hª	Normalización
Orientación	Relixión

BIBLIOTECA

Club de lectura

Revista "Xiada dixital"

Último número
Números anteriores

Dereitos de imaxe

As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe.
Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.