Cynthia Rodríguez Sagra, alumna do IES Elviña na Secundaria e no Bacharelato, foi a gañadora do primeiro premio ex aequo do Concurso Fotográfico Prósopon 2018. A súa instantánea foi tomada no teatro Colón durante a representación de Electra na pasada edición do Festival de Teatro Grecolatino organizado pola SEEC.
Parabéns, Cynthia. Desexámoste todos os éxitos que mereces na túa nova etapa da viaxe a Itaca...
As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe.
Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.
