A Banda Municipal de Valga gaña a Sección Primeira do XII Certame Galego de Bandas de Música

A banda Municipal de Música gañadora do XII Certame de Bandas de Música Galegas A Banda de Música Municipal de Valga proclamouse o domingo 4 de novembro e no Auditorio de Galicia, en Santiago de Compostela, gañadora do XII Certame Galego de Bandas de Música na Sección Primeira. E, ademais, Manuel Villar Touceda foi nomeado como o mellor director do certame. Parabéns!!! polo premio aos seus integrantes, moitos deles alumnos e alumnas que son ou foron do noso Centro.  
   

Alumnado da materia de Economía de 4º ESO e 2º Bacharelato visita a empresa Ibérica de Esponjas Naturales

Vista a empresa de Caldas Reis    O pasado mércores, 31 de outubro, alumnado de 4º ESO e 2º Bacharelato das materias de Economía e Iniciación á Acvidade Económica e Empresarial realizou unha visita á empresa Ibérica de Esponjas Naturales, onde aprenderon a organización e funcionamento desta empresa situada no concello de Caldas de Reis. A actividade foi organizada polo departamento de Economía e foron acompañados pola profesora, responsable desta materia, Noa Carrera Afonso.

 
   

Celebrando o Samaín no IES Valga

samaín 208   Samaín 2018 "Historias de defuntos e outros asuntos" é o título do espectáculo que nos trouxo hoxe ao IES de Valga Brais das Hortas,actor da compañía Tropa de trapo. Un espectáculo moi axeitado para este Día de Samaín no que recrea lendas e contos tradicionais arredor do tema da morte. A esta actividade, organizada polo Equipo de Dinamización Lingüística, asistiu alumnado de 3º ESO e 1º Bacharelato.

QUE DURMADES BEN ESTA NOITE!!!

Se queredes saber máis sobre esta tradición celta que se está a recuperar en Galicia ledeaquí :

https://portaldaspalabras.gal/lexico/mira-que-din/samain/         

 
   

Premio "Eduemprende Idea 2018" para dous alumnos do IES Valga

proxectoSuevia O alumnado de Empresa e Iniciativa Emprendedora (EIE) do CM de Soldadura e Caldeiraría, Sara Iglesias Rodríguez e Juan Lago Mariño, gañou o primeiro premio do concurso Eduemprende Idea 2018 na modalidade de Ciclos Medios (DOG do 24 de outubro de 2018), co traballo que leva por título "SUEVIA, Mantemento e Restauracións Metálicas, S.L."  O concurso Eduemprende Idea pretende potenciar a realización de proxectos empresariais polo alumnado das ensinanzas de formación profesional. 

Parabéns!! ao alumnado e tamén para a profesora Rosalía García Seijo, quen os asesorou e os acompañou na elaboración do seu proxecto gañador.

           
   

Alumnado de Bacharelato realiza un roteiro xeolóxico polo Salnés e O Grove

Alumnado de Bacharelato nun roteiro xeolóxico polo Salnés e O Grove O martes 23 de outubro o alumnado de 1° e 2° de bacharelato realizou un roteiro xeolóxico polo Salnés e O Grove. Contaron coa guía do afamado xeólogo Fran Canosa. Despois de percorrer pola mañá as praias de Montalvo,  Bascuas e Pociñas, á tarde visitaron o mirador de Siradella, no Grove, e as praias de Foxos e A Lanzada. Con esta visita descubriron a orixe e evolución das rochas desta comarca, e gozaron dun día de sol na paisaxe costeira. Foron acompañados pola profesora Ana Bueno e o profesor Mario Sosa. A actividade foi organizada polo departamento de Bioloxía e Xeoloxía.  
   

Powered by Drupal - Design by artinet