Skip to Content

Resoltos os concursos convocados no noso Centro

Esta semana que conmemoramos o Día Internacional da Muller Traballadora, os departamentos de Lingua Galega e Literatura, a Biblioteca, Dinamización da Lingua Galega e Filosofía, resolveron os concursos que tiñan en marcha.

Estes son os veredictos de cada un deles:

No caso do concurso "Nós, as mulleres" resultou gañadora a fotografía presentada baixo o lema: "cando quitaremos a máscara?", da que son autoras as alumnas de 1º ESO C Leyre Domínguez Castroagudín e Helena Castaño Ordóñez

foto gañadora do concurso "Nós, as mulleres"

No concurso de fotografíaO recuncho dos avós”, convocado polo Equipo de Dinamización da Lingua Galega e a Biblioteca do IES de Valga, foron gañadores:

1º premio ( vale de 30 euros e unha taza coa fotografía impresa) para o alumno de 2º Bacharelato Raúl García Piñeiro, autor da foto titulada: “No recuncho de sempre, facendo o de sempre

1º premio concurso "o recuncho dos avós"

2º premio (vale de 20 euros eunha taza coa fotografía impresa) para o alumno de 2º Bacharelato Alfonso Álvarez Constantino, autor da foto titulada: “No soliño estase mellor

2º premio concurso "o recuncho dos avós"

Ademais recibirán un accésit consistente nunha taza coa fotografía presentada impresa o alumnado:
Hugo Loureiro Varela pola súa fotografía  “Sempre recordarei este día con meus avós”; Nerea Pena  Álvarez pola foto “A praia de miña avoa”; Ángela Costa Suárez por  “Churrasco na grella os domingos” e  Irati Lorenzo Bello poa súa fotografía “Os meus avós sempre xuntos na lareira”.

Noraboa a todos eles pola súa participación.

Por último, mencionar o concurso "As mulleres filósofas", convocado polo departamento de Filosofía e que en palabras do seu profesor Víctor González Zúñiga: "Chegaron, un ano máis, e paséanse xa as mulleres filósofas polos corredores do IES de Valga. Lou Andreas Salomé, Hanna Arendt, Rosa Luxemburgo e tantas outras, ata cincuenta e dúas, mulleres, filòsofas todas elas. Mañá, venres, 12 de marzo, no segundo recreo, sobre as doce e media, as poderedes ver na entrega de premios dos concursos que, desde a biblioteca lanzamos ao espazo, virtual e físico. Vide a velas. Na foto adxunta o alumnado de 1º de bacharelato, filosofan con elas... si, con elas, non as vedes, pero están. Preguntádelle a eles, uns teñen a algunha pitagórica na cabeza, outros a Hildegarda, a mística, a Emile de Chatelet... os hai con sorte"

alumnado de 1º bacharelato no concurso "as mulleres filósofas"

Conmemoramos o 8 de marzo: Día Internacional da Muller

8 marzo: Día Interncional da Muller

Hoxe 8 de marzo, conmemoramos o Día Internacional da Muller e que terá a súa continuidade con actos e actividades durante toda esta semana. O corredor da planta baixa está decorado como espazo de igualdade para ambientar esta conmemoración.

Este conxunto de actividades abriuse coa lectura por parte dun grupo de profesoras e profesores dun manifesto para declarar o noso centro como espazo libre de machismo, e que será levado ao Claustro do profesorado e ao Consello Escolar do centro.

Ademais comezou a proxectarse nos recreos, nese mesmo corredor, imaxes, música unido á declaración de espazo libre de machismo. Alí tamén se poderá ollar a exposición de  traballos do concurso “Nós, as mulleres”.

Nas aulas haberá diferentes concursos: “As Mulleres Filósofas”, “Quen é ela?”: concurso mulleres científicas ou a proxección de  curtas e outras actividades ao redor da igualdade.

Para finalizar a semana teremos con nós á directora de cine Xiana do Teixeiro para visionar e conversar arredor do seu filme  ”Tódalas mulleres que coñezo”.

Colaboran coa Videdirección, para que todo isto sexa posible, distintos departamentos como o de Orientación, Plástica e Visual, Filosofía, Bioloxía e Xeoloxía, Lingua Galega, Física e Química ou Lingua Castelá.

Manifesto espazo libre de machismo

Alumnado de 1º e 2º Bacharelato asiste á actividade: “STAT WARS: o imperio dos datos”

Alumnado de 2º Bacharelato asiste a actividade: “STAT WARS: o imperio dos datos”

O alumnado de 2º Bacharelato na súa aula e o de  1º Bacharelato en streaming asistiu, o pasado venres 5 de marzo, á actividade: “STAT WARS: o imperio dos datos”, incluída dentro das charlas temáticas do programaA Ponte entre o Ensino Medio e a USC”.
“Stat Wars: o Imperio dos Datos” é unha idea orixinal da Universidade Carlos III de Madrid que BIOSTATNET (Rede Nacional de Bioestatística) lanzou baixo a coordinación da Universidade de Santiago de Compostela. Ambientada na coñecida saga cinematográfica Star Wars e empregando un enfoque baseado na metodoloxía “aprender-xogando”, os poñentes conseguiron o primordial obxectivo da charla: que o alumnado coñecera as múltiples utilidades da estatística, así como as súas aplicacións noutras disciplinas para a resolución de problemáticas habituais. Este proxecto conta coa colaboración da Fundación Española para la Ciencia y la Tecnología-Ministerio de Ciencia e Innovación. A actividade foi organizada polo departamento de Matemáticas.

Alumnado de 1º Bacharelato asiste a actividade: “STAT WARS: o imperio dos datos”

Alumnado de 2º Bacharelato asiste a actividade: “STAT WARS: o imperio dos datos”

 

 

Servizos mínimos para a folga de 8 de marzo

Diversas organizacións sindicais comunicaron a convocatoria de folga xeral para o 8 de marzo de 2021, que afectará todas as actividades e centros de traballo e que se vai desenvolver desde as 0h00 horas de 8 de marzo até as 24h00 do mesmo día. 

Perante esta convocatoria, e en previsión de que o persoal deste centro poida acollerse ao seu dereito á folga, estabelécense uns servizos mínimos para garantirmos a atención, a vixilancia e o coidado do alumnado, xa que o centro permanecerá aberto no seu horario habitual.

As persoas designadas para o cumprimento dos servizos mínimos determinados pola Consellaría de Educación, seguindo os criterios do Servizo Territorial de Inspección Educativa son:

DIRECCIÓN DO CENTRO

- Ana María Bueno Lema, vicedirectora.

- Jesús López Silva, secretario.

- Beatriz Lloret Ares, xefa de estudos.

RESTO DO PROFESORADO

Víctor González Zúñiga, Modesto Fontán Ocampo, Juan Carlos Montejano Rivas, José María Barca López, Jaime Manuel Oviedo Braña, Bienvenido Neo Vázquez, Yago Otero Bello, Felisindo Álvarez Ucha, Manuel Villar Touceda, Samuel Helamán Serrano Fernández, José Luis Martínez Bestilleiro, Manuel Cuervo Soto, Xosé Francisco Godón Davila, Justo Pastor Gutiérrez de las Heras, Fernando Regueira Veiga, Francisco Alvar López, Ismael Pan Sande, Antonio Mirás Miranda, Raúl Gómez Pato, Daniel Loureiro Varela, José Luis García Rivas, Francisco Javier Hermida Liñeira, Alberto Neira Diéguez, Francisco Rama Rama, Miguel López Ameneiros, Luciano Rodríguez Arribas e Daniel Chenlo Padín, 

ADMINISTRACIÓN E SERVIZOS

- Óscar Manuel Suárez Romarís.

Prazo solicitude de admisión curso 2021-2022 do 1 ao 22 de marzo

ADMISION ALUMNADO ( ESO- BACHARELATO)

 CURSO: 2021/2022

Normativa - Decreto 254/2012, do 13 de decembro, regulado pola Lei orgánica 2/2006, do 3 de maio, de educación, desenvolvido pola Orde do 12 de marzo de 2013.

PRAZO ORDINARIO1 ó 22  de marzo de 2021

 Listaxe provisional admitidos:  antes do 26 de abril/2021

Listaxe definitiva admitidosantes do 18 de maio/2021

 NOTA INFORMATIVA

  • A solicitude, axustada ao modelo oficial anexo II, SERÁ ÚNICA e presentarase no centro que se solicita no primeiro lugar.

  • Calquera infracción ao respecto dará lugar á perda de todos os dereitos de prioridade que lles poideran corresponder.

  • O alumno que presente solicitude de admisión noutro centro, deberá comunicalo ao mesmo tempo no centro de orixe.

  • O alumnado que tendo reserva neste centro, presente solicitude de admisión noutro distinto deberá renunciar por escrito á reserva ante do inicio do prazo de presentación.

 

Distribuir contido


by Dr. Radut