Charla arredor do Holocausto co profesor da USC José Eldelstein

Ven, 27/01/2017 - 11:37 — IES de Valga

Actividades

Charla sobre o Holocausto xudeo para o alumnado de 4º ESO e 2º Bacharelato

O xoves, 26 de xaneiro e con motivo do Día Mundial de Conmemoración en Memoria das Vítimas do Holocausto, tivo lugar na Biblioteca do noso Centro, unha charla ofrecida polo profesor de Física Teórica da USC, José Eldelstein. O título da charla “Antisemitismo, unha patología persistente. Recordemos hoxe e por sempre” serviu para que o alumnado de 4º ESO e 2º Bacharelato,asistente a esta conferencia, tivera unha visión de primeira man sobre este funesto feito da humanidade e como di o lema deste ano “lembranza do Holocausto: educar para un futuro mellor”, poida servir para fomentar o respecto dos dereitos humanos, aumentar a tolerancia e defender a nosa humanidade común. O alumnado atendeu durante máis dunha hora a explicación, a través da historia do avó e avoa de J. Eldelstein, de como se produciu o holocausto xudeo e como esta a situación actual do pobo israelí.A actividade foi organizada polo departamento de Xeografía e Historia.