Na tarde do xoves 9 de decembro, o escritor Daniel Asorey participou no Club de Lectura de Adultos para disertar sobre a súa novela "Nordeste".
En palabras do responsable do Club de lectura, o profesor Víctor González: "Hoxe visitou o club de lectura "Veigas de Campaña" o escritor Daniel Asorey. O distinguiredes na foto, no centro, sorrindo, como non podía ser doutro xeito. A que parece que partimos para unha viaxe, nun cruceiro, a que si? Temos cara de iso, sorrintes, ledos. Marchamos... Pois non, volvemos. Estivemos polo Brasil, polo nordeste do Brasil ("Nordeste" é o título da obra que veu presentar), ata alá levounos Asorey, e tamén visitamos Compostela. Xa sei o que estades pensando, que para vir ata Santiago non fai falta cruceiro, que colles o tren e xa chegas... que equivocades estades. A Compostela que visitamos con Asorey ten mar, ata a mesma praza do Obradoiro ven a deitarse a pleamar (se non hai pleamar, o cruceiro non atraca, bate contra o fondo das pedras). Pensaredes que toleei, pero non, o relata moi ben Daniel Asotey no libro. Que bo cruceiro fixemos, que bo libro, que boa tarde. E o bo da vaixe e que vas lixeiro de equipaxe. Un libro chega.
Non sei cando sairá isto publicado. É o de menos, pero que saibades que o venres 10 de decembro non imos celebrar o día dos Dereitos Humanos, o celebramos, onte, e anteonte, e o outro día, e o sábado que ven, e o 27 de abril eo 24 de maio, por exemplo.... os filósof@s que visitaron o centro estes días xa non están, marcharon, pero deixaron pegada, para lembrarnos precisamente que todos os días son 10 de decembro. A bo entendedor... Vémonos no instituto, na pasarela de abaixo. Desfrutade. Boa viaxe".
