Alumnos de 2º Bacharelato participan na IV Olimpíada Xeográfica de Galicia

Sáb, 10/03/2018 - 20:52 — IES de Valga

Actividades

Alumnos de 2º Bacharelato participan na IV Olimpíada Xeográfica de Galicia

Este venres, 9 de marzo, catro alumnos de 2º Bacharelato do noso Centro participaron, xunto con representantes doutros centros de Galicia, na IV Olimpíada Xeográfica de Galicia que tivo lugar na Facultade de Xeografía e Historia da Universidade de Santiago de Compostela. O acto central foi a realización dunha proba escrita; ademais tiveron a oportunidade de coñecer o plan de estudos e as posibles saídas desta ciencia. Completaron a súa participación na Olimpíada coa visita a distintos lugares emblemáticos desta Facultade como a Biblioteca, o Paraninfo ou os tellados, onde apreciaron magníficas vistas da cidade compostelá. A Olimpíada foi organizada pola Delegación Territorial do Colexio de Xeógrafos en Galicia en colaboración co Departamento de Xeografía da Universidade de Santiago de Compostela.