Skip to Content

Alumnado 1º ESO participante no Canguro Matemático 2019

Alumnado 1º ESO participante no Canguro Matemático 2019 co seu profesor David Ferradás

Este curso participan no Canguro Matemático 2019, o alumnado de 1º ESO: Laura Calvo, Ximena Guerra, Jacobo Saavedra, Miguel Freiría, Joel Torres e Brais Seco. Finalizada a proba só queda esperar á publicación dos resultados e a que reciban un agasallo pola súa participación, da que valoran positivamente esta experiencia vivida. Na foto podemos ver algúns dos participantes co seu profesor David Ferradás. Noraboa a todos e todas!!!

 
   

Viaxe a Croacia do alumnado de 4º ESO e 1º Bacharelato

Alumnado de 4º ESO e 1º Bacharelato iniciou unha viaxe a Croacia. Desde a madrugada do xoves 21 de marzo e durante unha semana terán ocasión de disfrutar dos sitios máis emblemáticos de Dubrovnik e dalgúns dos lugares máis representativos da costa adriática do país croata. Nesta primeira xornada viaxaron vía Barcelona cara a Dubrovnik onde se aloxan no hotel Lero. Esta viaxe foi organizada polo departamento de Cultura Clásica  e están acompañados polos profesores Raúl Gómez e Mario Sosa.

Sara Castaño de 2º Bacharelato gañadora do concurso Mulleres Filósofas

Sara Castaño de 2º Bacharelato gañadora do concurso "Mulleres Filósofas"

Non lle fixo falta percorrer o deserto dos tártaros, nin tampouco escalar o Annapurna, nin tan sequera sacar o po a vellos manuscritos das bibliotecas máis afamadas da cristiandade ou liberar opúsculos agachados nalgún mosteiro da nosa Galicia, non, nada diso, a SARA CASTAÑO BARREIRO, alumna de 2º de bacharelato, bastoulle  ir coa cabeza despexada, co bolígrafo en man e  percorrer de cabo a rabo, con idas e voltas innumerables, a vida e a obra das Mulleres Filósofas, expostas no vestíbulo de entrada do noso  instituto, para resolver o encrucillado xigante, tema do concurso. Alí estaba todo e as Mulleres Filósofas non puxeron resistencia algunha a seren investigadas por tan ilustre alumna, máis ben o contrario. Grazas filósofas!.

Na foto achegada sorrí a gañadora satisfeita e orgullosa despois da recollida do agasallo: alimento para o espíritu (un lote de libros) e para o corpo  ( un apetitoso menú preparado por Rosa na cafatería do instituto). Parabéns para a gañadora!!!

Lembrar que o venres 22 de marzo as Mulleres Filósofas despediranse do noso centro, onde tan boa acollida tiveron, na procura de novos retos e novos horizontes. Ogallá houbera territorios tan plácidos para filosofar por eses mundos de dios como este do IES de Valga.

Víctor González Zúñiga. Departamento de Filosofía

Servizos mínimos para o 21 de marzo de 2019

   Perante a convocatoria de folga para o 21 de marzo de 2019, que afecta as actividades do noso centro, e que se vai desenvolver desde as 0h00 horas do 21 de marzo até as 24h00 do mesmo día. 

   Ante esta convocatoria, e en previsión de que o persoal deste centro poida acollerse ao seu dereito á folga, estabelécense uns servizos mínimos para garantirmos a atención, a vixilancia e o coidado do alumnado, xa que o centro permanecerá aberto no seu horario habitual.

   As persoas designadas para o cumprimento dos servizos mínimos determinados pola Consellaría de Educación son:

- María Dolores Rego Balsa, directora

- Xosé Eliseu Mera Quintas, vicedirector

- José María Barca López, xefe de estudos

- Jesús López Silva, secretario 

- Carmela Santomé Castro, coidadora

- Óscar Manuel Suárez Romarís, conserxe 

 

                                                                              En Valga, 20 de marzo de 2019

 

Asdo. María Dolores Rego Balsa, directora                                                                                                                                                 

 
   

A poeta Rosalía Fernández Rial no Clube de Lectura da nosa Biblioteca

A poeta Rosalía Fernández Rial no Clube de Lectura da nosa Biblioteca

Os participantes no Clube de lectura de adultos da Biblioteca do noso Centro tiveron ocasión de coñecer de primeira man todos os aspectos do poemario "Ningún amante sabe conducir", xa que contaron coa presenza da súa autora Rosalía Fernández Rial. Foi na tarde do xoves 14 de marzo.

Distribuir contido


by Dr. Radut