Skip to Content

Acceso a redes sociais

       

blogue demoreiras

Este Nadal regala tempo

Esta semana estamos desenvolvendo a campaña "Este nadal regala tempo": consiste nun macro amig@ invisible onde alumnado e profesorado do centro fan un agasallo con materiais reciclados baixo a filosofía de invertir esforzo e non cartos no agasallo navideño.

A través dunha enquisa que todos os participantes cobren, emparéllanse os regalos. Aproveitaremos a enquisa para facer un estudo dos hábitos de uso do móbil e do tempo empregado en navegar na web. Logo de realizar a enquisa, o alumnado pasa por unha instalación tecnoartística con dúas montaxes: unha porta con sensor láser e unha árbore con contadores da luz que só se acende se se acerta a combinación correcta de "deuses da luz".

O alumnado, ademais, fixo varios vídeos para ilustrar a campaña. Este é o de Carlos, Álex e Sara, de 3ºC.

Os regalos entregaraos o Equipo Apalpador o día da entrega de notas. Mira as fotos de Rubén Pérez!

 

Magosto 2017

Dentro dos actos do Samaín, o 31 de outubro celebramos o Magosto. Para isto, contamos con Quico Cadaval e Marga Alborés, quen nos falaron da Roda Celta do ano e contaron historias de difuntos.

Pola tarde celebramos unha competición de bolos celtas, tiro de corda, zancos, billarda, chave…

Houbo un obradoiro de maquillaxe terrorífica e, como non, castañas asadas que fixeron Eduardo e Richard.

 

Comezo de curso con premios e novas actividades

O Curso 2017/18 comezou cun recoñecemento: o 3º Premio Proxecta que outorga a Consellería de Educación. Dánnolo pola traxectoria de traballos multidisciplinares e innovadores dos últimos 5 anos: Donas de si (mulleres emblemáticas do noso país); Reduciclando (Recíclate con SOGAMA); Tícaras (mozas emprendedoras nas TIC); Fasquía (Nós tamén creamos - Fotografía).

 

Ademais, en tanto que gañadores do premio ó mellor guión no Festival Audiovisual Olloboi 2017, fomos convocados polo Festival Internacional Curtocircuíto para proxectar a nosa curta: Máis che vale non ser ti.

Este ano comezamos andaina cun multiproxecto que nos fai repensar o uso que lle damos ó tempo libre, tanto o que pasamos coa xente que queremos como o que adicamos á natureza. Ó abeiro deste concepto imos desenvolver varios Proxecta (Faite eco do lóxico - Aliméntate ben-; Tícaras 2 -Mozas emprendedoras nas TIC -; Milla Diaria - Proxecto Educativo de Centro).

Para ir comezando, desde Orientación e en colaboración co Concello de Boiro propuxéronnos unha serie de charlas sobre economías locais sostibles: mentoring creativo con La Doce, neste caso.

Experiencia PIALE Xoán Castelao

O noso compañeiro Xoán Fernández Castelao quere compartir con toda a comunidade educativa a súa experiencia da estadía formativa PIALE 2016 no Canadá.

Distribuir contido


by Dr. Radut