Secretaría
Listaxes definitivas de admisión para o curso 2020-2021, e prazo de matrícula para este alumnado e o da ESO
22/06/2020
Hoxe publicamos as listaxes definitivas de admitidos para o vindeiro curso.
Atendendo ao recollido nas instrucións da Consellería no referente a protección de datos, haberá dúas maneiras de consultalas:
- Presencial: No taboleiro de anuncios do interior do centro.
- Non presencial: A través da aplicación admisión de alumnado empregando Chave365 ou Certificado Dixital.
O alumnado admitido deberá formalizar a matrícula do 1 ao 10 de xullo.
O prazo de matrícula para o alumnado de ESO que supere en xuño o curso será igualmente do 1 ao 10 de xullo. Os sobres de matrícula serán entregados o día fixado para a entrega e recollida de material. O alumnado que non supere o curso en xuño fará a matrícula en setembro, despois de recibir as cualificacións.
Ordenadores Edixgal e ordenadores prestados polo centro durante o confinamento
27/05/2020
O alumnado que renove matrícula no centro, poderá quedarse durante o verán os equipos informáticos, tanto de Edixgal, como os prestados polo centro durante o confinamento.
Aquel alumnado que marche do centro, terá que facer entrega dos equipos os días establecidos no calendario de entrega e recollida de material.
Solicitude de axudas para adquirir libros e material escolar
19/05/2020
Dende mañá, día 20 de maio, ata o 19 de xuño poderedes presentar a solicitude de axuda para adquirir libros de texto e material escolar.
A solicitude poderá presentarse presencialmente no centro (de 09:00 a 14:00 horas) ou na sede electrónica da Xunta.
Notas importantes sobre o proceso:
- Lembrade que en 5º e 6º de E. Primaria non haberá libro de texto xa que somos centro Edixgal (libro electrónico). Unicamente presentaredes solicitude de material.
- En 1º de E.S.O. foi tamén solicitado Edixgal. De todas formas, como non sabemos se seremos admitidos, presentaremos solicitude igualmente.
Normas de acceso ao centro para as familias que presenten a solicitude presencialmente:
- Acceder seguindo as indicacións da Conserxe na entrada.
- Traer un bolígrafo propio.
- Vir con mascarilla.
Renovación de matrícula para o alumnado que xa está matriculado no centro no presente curso (Educación Infantil e Educación Primaria)
14/05/2020
Impreso de renovación de Matrícula: Descargar
Co fin de evitar aglomeracións, a renovación da matrícula para o curso 2020-2021, do alumnado que no presente curso xa está matriculado no centro, poderase facer por quendas ou ben online (a opción máis recomendable).
Quendas para facer a renovación de xeito presencial no centro (09:00 - 14:00 horas):
- Infantil 4 anos: 18 e 19 de maio.
- Infantil 5 anos: 20 e 21 de maio.
- 1º de E. Primaria: 22 e 25 de maio.
- 2º de E. Primaria: 26 e 27 de maio.
- 3º de E. Primaria: 28 e 29 de maio.
- 4º de E. Primaria: 1 e 2 de xuño.
- 5º de E. Primaria: 3 e 4 de xuño.
- 6º de E. Primaria: 5 e 8 de xuño.
Para a matrícula en ESO, anunciaremos as datas unha vez rematado o proceso en E. Infantil e E. Primaria.
Normas a seguir ao acudir ao centro:
- Procurar traer o impreso xa cuberto de casa.
- Respectar as distancias e as indicacións da Conserxe para a entrada ao centro.
- Traer un bolígrafo propio.
- É recomendable acudir con mascarilla.
Para facer a renovación online, podedes envíar o impreso cuberto a: cpi.feal@edu.xunta.gal, poñendo no asunto: Renovación e o curso.
Restablecemento do proceso de admisión do alumnado do 11 ao 18 de maio
06/05/2020
Restablecese o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes.
Os novos prazos do proceso quedarán:
- Presentación da documentación acreditativa dos criterios de baremo: ata o día 26 de maio de 2020.
- Publicación das listaxes provisionais do alumnado admitido e non admitido: antes do 9 de xuño de 2020.
- Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
- Publicación das listaxes definitivas do alumnado admitido e non admitido: ata o 26 de xuño de 2020.
A secretaría do centro estará aberta de luns a venres de 09:00 a 14:00 horas para atender exclusivamente o proceso de admisión.
Dende o centro rogamos que manteñades as distancias de seguridade, acudades cun bolígrafo propio, e recomendamos o uso de mascarilla.
Información importante para ás familias
Guía de abalarMóbil para as familias
28/03/2020
Estimadas familias: Nestes momentos de incertidume para todos, deixo a vosa disposición unha serie de información, co obxectivo de aclarar algunha da dúbidas que seguro tedes, e informarvos das últimas novidades que imos coñecendo. É moi importante que trasladedes esta información a todas aquelas familias que coñezades, para ver se entre todos imos mellorando os novos procesos de comunicación que teremos que empregrar durante esta dura etapa.
Atentamente e a vosa disposición,
Juan Carlos Bedia Vidal
Director do CPI do Feal.
Nota informativa da Dirección sobre o peche do centro
13/03/2020
Achegamos un pdf da Dirección con información para familias e alumnado sobre o peche do centro.
Actualización: En 6° de Primaria tamén se utilizará a nosa Aula Virtual co alumnado, que neste caso deberá entrar como convidado/a.
Suspensión das clases no CPI do Feal
12/03/2020
Como xa é público nos medios de comunicación, debido á crise do coronavirus, o presidente da Xunta de Galicia anunciou a suspensión das clases nos centros educativos galegos a partir do luns 16 (durante catorce días), sendo voluntaria a asistencia do alumnado mañá venres.
Iremos comunicando a través desta web as instrucións que cheguen desde a Consellería de Educación, e ademais, o alumnado que asista mañá ao centro recibirá unha circular para as familias. De momento, pódense consultar as medidas iniciais no portal educativo da Consellería.
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com