Bo día familias, espero que todos e todas continuedes ben.
Antes de nada, comunicarvos algunhas novidades: as novas instruccións da Consellería indican que poderemos avanzar materia, mais esta non será avaliable de forma negativa, senón que so repercutirá de forma positiva na calificación do alumnado, é dicir, que servirá para mellorar a súa calificación.
Tendo en conta isto, a partir de agora, ademais de continuar repasando o traballado ao longo do primeiro e segundo trimestre, avanzaremos un pouquiño nalgunhas cuestións sinxelas, algunhas das cales xa foron introducidas previamente na aula.
Con todo, se tedes algunha dúbida en referencia ás novas instrucción ou ás tarefas, podedes contactar comigo a través do correo: 3sanxoseobreiro@gmail.com
A continuación, déixovos organizado o traballo semanal. Como sempre vos digo, gustaríame que me enviásedes ás tarefas ao correo electrónico.
RECORDADE FACER A SESIÓN DIARIA DE SMARTICK.
TAREFAS:
Luns:
Matemáticas: esta semana, centrarémonos fundamentalmente na representación e interpretación da información en gráficas e na probabilidade. Para hoxe, ademais disto, traballaremos tamén a representación decimal dos cartos. Levades tamén para facer unhas poucas contas para repasar, non son para facer todas o luns, podedes facelas ao longo da semana, cando vós queirades. Déixovos por aquí as fichas.
Lingua galega: a semana pasada houbo un erro pola miña parte. O venres gustaríame que tivesen feitos uns exercicios sobre os determinantes demostrativos, tal e como explicaba na entrada da páxina web. En relación con iso, mandáballes facer as páxinas 16 e 17 do libro dixital, pero resulta que, as páxinas 16 e 17 do libro dixital non se correspondían co que eu vos indicaba sobre os demostrativos.
Esquecéuseme comentarvos que, neste caso, hai un cambio para acceder a esas páxinas: unha vez accedades ao libro dixital, tedes que clickar primeiro na parte superior esquerda e despois tedes que clickar no apartado que pon “Caderno 3.3” e buscar a páxina.
Polo tanto, para hoxe, faremos estos exercicios que nos quedaron pendentes da semana pasada: páxina 16 e 17 do libro de lingua galega. Recordade que para acceder, tedes que clickar primeiro na parte superior esquerda e despois tedes que clickar no apartado que pon “Caderno 3.3” e buscar as páxinas. Perdoade polas molestias ocasionadas. Déixovos por aquí o enlace: https://prod.santillana.com/launcher_books/books.html?book=2020232337_U32_U1_U101_U2
Por se non podedes acceder, déixovos por aquí as páxinas.
Ciencias Naturais: repasaremos as diferencias entre a materia que está en estado sólido, líquido e gasoso. Déixovos, por unha banda, un vídeo para repasar esos conceptos https://www.youtube.com/watch?v=huVPSc9X61E e tamén unha ficha para facer.
Martes:
Matemáticas: como vos comentei con anterioridade, centrarémonos na estatística e probabilidade. Para iso, teredes que facer da páxina 122 do libro os exercicios 21, 22, 24 e 25. Déixovos por aquí as páxinas escaneadas. Páxina 123
Lingua Castelá: déixovos por aquí una lectura, para que respondades as preguntas e fagades un resumo do texto. Para facer o resumo, será mellor que subliñedes as ideas principais, as MAIS IMPORTANTES. Xa sabedes que resumir é contar o máis importante. Antes de facelo, déixovos por aquí un exemplo dun texto onde están subliñadas as ideas principais e o seu resumo, para que o teñades como modelo.
O resumo podedes elaboralo nunha folla de libreta.
Ciencias Sociais: na área de Ciencias Sociais repasaremos as principais diferencias entre vilas e cidades. Déixovos por aquí este vídeo para que recordedes: https://www.youtube.com/watch?v=GXokRq8joUE .
Ademais, déixovos tamén esta actividade interactiva para que practiquedes: https://cplosangeles.educarex.es/web/edilim/curso_3/cmedio/la_localidad_3/los_pueblos/los_pueblos.html
Mércores:
Matemáticas: continuaremos traballando a probabilidade. Teredes que facer da páxina 121, os exercicios 17, 18, 19 e 20. Déixovos por aquí as páxinas do libro escaneadas.
Ciencias Sociais: continuando co exposto onte sobre este tema, realizaremos unha actividade para identificar se un lugar determinado se achega máis ás características dunha vila ou dunha cidade. Neste documento xa vos explico con máis profundidade.
Lingua Castelá: como vos comentaba o luns, a semana pasada houbo un erro pola miña parte. O venres gustaríame que tivesen feitos uns exercicios sobre os determinantes posesivos, tal e como explicaba na entrada da páxina web. En relación con iso, mandáballes facer as páxinas 6 e 7 do libro dixital, pero resulta que, as páxinas 6 e 7 do libro dixital non se correspondían co que eu vos indicaba sobre os posesivos.
Esquecéuseme comentarvos que, neste caso, hai un cambio para acceder a esas páxinas: unha vez accedades ao libro dixital, tedes que clickar primeiro na parte superior esquerda e despois tedes que clickar no apartado que pon “Caderno 3.3” e buscar a páxina, déixovos por aquí o enlace: https://prod.santillana.com/launcher_books/books.html?book=202023233_U32_U1_U101_U2
Polo tanto, para hoxe, faremos estos exercicios que nos quedaron pendentes da semana pasada sobre os determinantes posesivos: páxina 6 e 7 do libro dixital.
Recordade os pasos a seguir para acceder e perdoade polas molestias ocasionadas.
Por se non podedes acceder, déixovos por aquí as páxinas.
Recordade que os posesivos son palabras que acompañan aos substantivos e indican a quen pertence algo. Por exemplo:
-A miña casa está no concello de Arteixo.
- Non quero saber nada máis do teu amigo.
- Onte lavou a súa camisa no parque.
- Mateo non me quere deixar os seus xoguetes.
Todas as palabras destacadas son determinantes posesivos.
Teredes tamén que atopar unha definición para todas estas palabras. Para eso, sería convinte que vos fixárades na forma en que aparecen as definicións no dicionario. Primeiro, debedes buscar algunhas definicións no dicionario sobre as palabras que vos queirades, por exemplo: “habitáculo, vivienda, rueda...” Fixádevos ben como está escrita a definición e, seguindo o modelo, escribe unha para estas palabras.
Déixovos por aquí o enlace ao dicionario da Real Academia Española, o que usamos na clase: https://dle.rae.es/rueda
Xoves:
Lingua galega: levades para facer esta ficha, repasando o vocabulario da cociña e os alimentos, os artigos e as contraccións.
Valores: desta vez, en valores, imos traballar as emocións que experimentamos cando nos enfadamos. Para eso, teremos que escoitar e ver este videoconto que vos deixo por aquí: https://www.youtube.com/watch?v=08pCbS8xEa4
Unha vez feito iso, teredes que
1º: resumir o conto. Xa sabemos que resumir é contar o MÁIS IMPORTANTE do conto. Para resumilo, podedes empregar un folio ou unha folla das vosas libretas. Se queredes, no canto de facer iso, podedes enviarme un vídeo contandome o resumo do conto.
2º: déixovos por aquí un debuxo sobre un volcán. O que teredes que facer é crear o voso propio volcán. E dicir, teremos que escribir en tres apartados:
- Que cousas me enfadan? Por exemplo: enfádome cando me castigan, cando discuto con algún amigo/a, cando me berran e non me respectan, cando quero ir a algún sitio e non podo, cando non me deixan facer algunha cousa que quero…
- Que fago cando me enfado? Por exemplo: choro, escóndome, conto ata 10 para relaxarme, non falo con ninguén…
- Que sinto cando me enfado? Por exemplo: sinto rabia, tristeza, medo, culpa, tensión, incomprensión, odio, ira,
O mellor e que escribades as cousas a modo de lista debaixo de cada pregunta, empregando os guións. Teredes que responder, polo menos, con cinco cousas a cada pregunta.
Ciencias Naturais: levades para facer unhas fichas sobre os estados da materia e as súas características.
Venres:
Matemáticas: continuando co traballo semanal, realizaremos, da páxina 123, o exercicio 26 e da páxina 125 os exercicios 11, 14 e 15. Déixovos por aquí as páxinas escaneadas.
Lingua Galega: a través desta ficha, repasaremos o vocabulario dos animais, o uso do “ga, go, gu, gue, gui, güe e güi” e os determinantes numerais, que poden ser cardinais e ordinais.
Recordade que os numerais ordinais, como o seu propio nome indica, servíannos para establecer unha orde: primeiro (1º) , segundo (2º), terceiro (3º)… Os cardinais son os números tal e como os coñecemos: un, dous, tres, catro…
Lingua Castelá: teredes que contarme como foron os vosos días nun campamento un pouco raro. Fíxadevos e recordade empregar ben os puntos e seguido, os puntos e a parte, as comas e as maiúsculas.
Lembrade que empregamos as comas e os puntos para facer unha parada para respirar.
Se é unha parada moi longa usaremos o punto e se é unha parada máis curta, usaremos a coma.
Empregamos os puntos e aparte cando cambiamos de tema.
Poñemos maiúscula sempre despois de punto e tamén nos nomes propios.
Cando rematedes as vosas redaccións, lédeas para repasar se os puntos e as maiúsculas están ben colocados.
Educación Artística: aproveitando que continuamos a repasar as figuras planas e os corpos xeométricos, déixovos por aquí esta proposta para elaborar o voso propio tangram: https://www.youtube.com/watch?v=dhtF7dn2KOk
Co tangram, traballaremos a orientación e estructuración espacial, a atención e concentración, a memoria visual, a percepción de figura e fondo… Ademais de todo esto, ao crear o noso propio tangram, estaremos traballando tamén coas unidades de medida (o centímetro) e o vocabulario propio das figuras planas (cadrado, triángulo, vertice, aristas, lados… ) que estivemos repasando dende a área de Matemáticas.
Aínda que neste vídeo fala dun material específico, podedes facelo con outro material: elaboralo con cartón (pintando as figuriñas con pintura acrílica), elaboralo con cartulina (pintando as figuriñas con rotus, cores…) e tamén, nunha última opción, nun folio.
Déixovos por aquí varias propostas sobre diferentes figuras para elaborar co tangram .
TAREFAS para o alumnado con adaptación curricular:
Agradecería que me enviásedes estas tarefas ao correo.
Luns:
Matemáticas: a través destas fichas, comezaremos introducindo o tema da multiplicación.
Lingua galega: traballaremos o vocabulario dos alimentos, os animais e tamén as palabras antónimas.
Ciencias Naturais: epasaremos as diferencias entre a materia que está en estado sólido, líquido e gasoso. Déixovos, por unha banda, un vídeo para repasar esos conceptos https://www.youtube.com/watch?v=huVPSc9X61E e tamén unha ficha para facer.
Martes:
Matemáticas: continuaremos introducindo a multiplicación asociada a resolución de problemas. Déixovos por aquí as fichas
Lingua Castelá: traballaremos a correcta separación silábica das palabras, a separación das palabras nas oracións e tamén as palabras sinónimas.
Ciencias Sociais: na área de Ciencias Sociais repasaremos as principais diferencias entre vilas e cidades. Déixovos por aquí este vídeo para que recordedes: https://www.youtube.com/watch?v=GXokRq8joUE .
Ademais, déixovos tamén esta actividade interactiva para que practiquedes: https://cplosangeles.educarex.es/web/edilim/curso_3/cmedio/la_localidad_3/los_pueblos/los_pueblos.html
Miércoles:
Matemáticas: seguiremos traballando en base á multiplicación, déixovos tamén esta ficha sobre as restas para non olvidar o algoritmo.
Lingua Castelá: traballaremos en base a ortografía do “h” e tamén, mediante pequenos textos, traballaremos as inferencias.
Ciencias Sociais: continuando co exposto onte sobre este tema, realizaremos unha actividade para identificar se un lugar determinado achégase máis as características dunha vila ou dunha cidade. Neste documento xa vos explico con máis profundidade.
Xoves:
Lingua galega: repasaremos o vocabulario dos alimentos, a separación silábica das palabras e traballaremos tamén os antónimos.
Recordade que as palabras antónimas son aquelas que significan o contrario. Por exemplo, o contrario de frío é calor.
Ciencias Naturais: conectando co traballo do luns, levades para facer unhas fichas sobre os estados da materia e as súas características.
Venres:
Matemáticas: para non esquecernos da resolución dos problemas e da resta, continuaremos traballando estes aspectos.
Lingua castelá: traballaremos a ortografía do “m” antes de “p e b”. Levades tamén unha ficha para traballar as inferencias visuais.
Lingua galega: faremos exercicios para practicar o uso da coma e correcta separación de palabras ao final de frase.
Educación Artística: déixovos por aquí esta proposta para elaborar o voso propio tangram: https://www.youtube.com/watch?v=dhtF7dn2KOk
Co tangram, traballaremos a orientación e estructuración espacial, a atención e concentración, a memoria visual, a percepción de figura e fondo… Ademais de todo esto, ao crear o noso propio tangram, estaremos traballando tamén coas unidades de medida (o centímetro) que vimos na aula e o vocabulario propio das figuras planas (cadrado, triángulo, vertice, aristas, lados… ).
Aínda que neste vídeo fala dun material específico, podedes facelo con outro material: elaboralo con cartón (pintando as figuriñas con pintura acrílica), elaboralo con cartulina (pintando as figuriñas con rotus, cores…) e tamén, nunha última opción, nun folio.
Déixovos por aquí varias propostas sobre diferentes figuras para elaborar co tangram .