O 23 de abril celebrouse o día do libro. Como en anos anteriores na escola botámonos a ler todos xuntos. Os padriños e madriñas lectores (os nenos e nenas máis maiores) elixiron libros para lerllos aos seus afillados!
Neste curso comezamos cunha aventura nova. Unha aventura que nos está a dar moitas alegrías!
Puxemos en marcha na biblioteca cinco clubs de lectura, un club cada día da semana.
A acollida desta iniciativa por parte do alumnado do centro foi impresionante. Tendo en conta que son totalmente VOLUNTARIOS, están participando máis do 70% dos nenos e nenas e nalgunhas aulas ata o 100%.
Temos moito que agradecer, sobre todo ás familias por facer un gasto extra coa compra dos libros pero en especial aos coordinadores e coordinadoras dos clubs de lectura ( alumnado de 5º e 6º) polo seu traballo e dedicación, sen a súa participación non sería posible esta nova andaina da biblioteca.
Parabéns a TODOS E A TODAS pola vosa implicación!!!
Queremos dar un pouco de visibilidade a esta iniciativa, así que aí vai un pequeno vídeo no que podedes ver o funcionamento destes club.
Á volta das vacacións, o martes 23 de abril, celebraremos a SEMANA DO LIBRO. Os padriños e madriñas coñecerán aos seus afillados e afilladas e xuntarémonos para ler o venres 26, despois do recreo.
Se a “tecnoloxía nos acompaña”, poñerémonos á fila todas as mañás mentres soan as cancións O LIBRO MÁXICO e UN LIBRO ( de Migallas o primeiro e de Pablo Díaz o segundo).
As mesmas cancións que nos acompañarán o venres ao comezo e ao final do “picnic de lectura” dos padriños e madriñas lectores.
Espero que disfrutedes moito das historias que contaredes e vos contarán.
Á volta das vacacións, o martes 23 de abril, celebraremos a SEMANA DO LIBRO. Os padriños e madriñas coñecerán aos seus afillados e afilladas e xuntarémonos para ler o venres 26, despois do recreo.
Se a “tecnoloxía nos acompaña”, poñerémonos á fila todas as mañás mentres soan as cancións O LIBRO MÁXICO e UN LIBRO ( de Migallas o primeiro e de Pablo Díaz o segundo).
As mesmas cancións que nos acompañarán o venres ao comezo e ao final do “picnic de lectura” dos padriños e madriñas lectores.
Espero que disfrutedes moito das historias que contaredes e vos contarán.