Bo día familias!
Antes de nada, espero todo esté indo ben nestes días. Déixovos, a continuación, as tarefas do luns.
Matemáticas: desta vez, na área de Matemáticas, imos facer un pequeno repaso dalgunhas cousas que xa vistas durante o curso. Concretamente, da páxina 112, teredes que facer os exercicios 3,4,5 e 6.
Para o exercicio 6 déixovos esta plantilla que empregábamos na aula para que fose máis sinxelo identificar a que millar se aproximaba máis o número. Xa tedes ahí un exemplo sobre como deben estar colocados os números. Recordade que.. “unha vez que un número chega arriba de todo, cústalle moi pouquiño baixar”.
Se xa o sabedes facer directamente, non tedes porqué completar a plantilla.
Por certo, noraboa a todos/as os que estades a facer Smartick! Xa vexo que tedes moi bos resultados e moitos de vós estades acadando diplomas. Que ben!
Lingua Galega: como supoño que durante estes días estades aburridos/as e tedes moito tempo libre, o traballo en lingua será escribir e elaborar unha receita! Envíovos aquí o formato co que fixemos as nosas receitas na aula.
A receita pode ser do que queirades: unha sobremesa, a comida do xantar, da cea, unha merenda… A idea é que todos fagamos a nosa receita para enviarma por correo electrónico e despois eu poder compartir con vós todas as creacións! Deste xeito, tamén teredes máis ideas sobre receitas para elaborar vós mesmos/as.
Para enviarma, tedes dúas opcións:
1. Escribir directamente no ordenador e enviarma ao correo electrónico ou…
2. Escribila nunha folla ou na libreta, escanealo e mandarmo por correo electrónico.
Se queredes, podedes achegar tamén algunha foto de como quedou a vosa creación, de vós mesmos/as cociñando, do proceso de elaboración...
Para escribir a receita, recordade empregar correctamente o punto, as maiúsculas, as comas, os dous puntos… No apartado da elaboración, recordade tamén usar conectores, palabras como: primeiro, en primeiro lugar, despois, en segundo lugar, mentres tanto…
Se tedes algunha dúbida coa escritura das palabras, xa sabedes que tedes dispoñible o dicionario da Real Academia Galega: https://academia.gal/dicionario/-/termo/busca/ Aquí poderedes consultar se esa palabra existe, a forma correcta da mesma e tamén ofrécevos varios sinónimos que podedes empregar.
Á hora de enviarmo, se o facedes con axuda, fixádevos ben nos apartados que ten o correo electrónico, que xa vimos na clase. Deste xeito, tamén repasamos este formato.
- A dirección á que o tedes que enviar.
- O asunto: palabras chave que nos axudan a identificar o máis importante da nosa mensaxe.
- O corpo: o saúdo, a propia receita, a despedida.
Mirade, eu onte fixen unha sobremesa: brownie con froitos secos. Ten boa pinta, verdade?
Agardo as vosas!
Ciencias Naturais: Para aproveitar e repasar tamén o estudado sobre a alimentación en Ciencias Naturais, deberedes anotar os ingredientes que empregastes para realizar a receita e indicar que tipo de nutrientes nos achegan. Por se non recordades ben ou tedes algunha dúbida, déixovos tamén a foto que tedes no resumo do tema.
Para o alumnado con adaptación curricular:
Matemáticas: levades para repasar unha ficha sobre os números pares e impares, sobre a descomposición e a escritura de números e tamén sobre a resolución de problemas.
Por certo, noraboa a todos/as os que estades a facer Smartick! Xa vexo que tedes moi bos resultados e moitos de vós estades acadando diplomas. Que ben!
Lingua Galega: como supoño que durante estes días estades aburridos/as e tedes moito tempo libre, o traballo en lingua será escribir e elaborar unha receita! Envíovos aquí o formato co que fixemos as nosas receitas na aula.
A receita pode ser do que queirades: unha sobremesa, a comida do xantar, da cea, unha merenda… A idea é que todos fagamos a nosa receita para enviarma por correo electrónico e despois eu poder compartir con vós todas as creacións! Deste xeito, tamén teredes máis ideas sobre receitas para elaborar vós mesmos/as.
Para enviarma, tedes dúas opcións:
1. Escribir directamente no ordenador e enviarma ao correo electrónico ou…
2. Escribila nunha folla ou na libreta, escanealo e mandarmo por correo electrónico.
Se queredes, podedes achegar tamén algunha foto de como quedou a vosa creación, de vós mesmos/as cociñando, do proceso de elaboración...
Para escribir a receita. Recordade empregar correctamente o punto, as maiúsculas, as comas, os dous puntos… No apartado da elaboración, recordade tamén usar conectores, palabras como: primeiro, en primeiro lugar, despois, en segundo lugar, mentres tanto…
Se tedes algunha dúbida coa escritura das palabras, recordade que tedes dispoñible o dicionario da Real Academia Galega: https://academia.gal/dicionario/-/termo/busca/ Aquí poderedes consultar se esa palabra existe, a forma correcta da mesma e tamén ofrécevos varios sinónimos que podedes empregar.
Á hora de enviarmo, se o facedes con axuda, fixádevos ben nos apartados que ten o correo electrónico, que xa vimos na clase. Deste xeito, tamén repasamos este formato.
- A dirección á que o tedes que enviar.
- O asunto: palabras chave que nos axudan a identificar o máis importante da nosa mensaxe.
- O corpo: o saúdo, a propia receita, a despedida.
Mirade, eu onte fixen unha sobremesa: brownie con froitos secos. Ten boa pinta, verdade?
Agardo as vosas!
Ciencias Naturais: Para aproveitar e repasar tamén o estudado sobre a alimentación en Ciencias Naturais, deberedes anotar os ingredientes que empregastes para realizar a receita e indicar que tipo de nutrientes nos achegan. Por se non recordades ben ou tedes algunha dúbida, déixovos tamén a foto que tedes no resumo do tema.
