Skip to Content

4º Curso

Saímos na Revista EDUGA deste trimestre (Nº 72)

Lun, 09/01/2017 - 20:40 — admin

Parte do traballo desenvolvido na Hora de ler deste curso, no noso cole, sae reflectido na prestixiosa Revista Galega de Educación deste trimestre (Nº 72) que edita a Consellería de Cultura, Educación e OU, cunha nova titulada "Iniciándonos nun PDI por medio de webquest". Dito artigo podémolo atopar no apartado de Innovación educativa.

Moitos parabéns para todos os participantes!!

 

Festival de Nadal 2016

Mér, 21/12/2016 - 19:50 — admin

O 20 de decembro celebramos o Festival de Nadal no Salón de actos do IES As Lagoas a cuxo equipo directivo e persoal laboral queremos agradecer as atencións que desinteresadamente tiveron connosco.

Tamén é de agradecer a gran afluencia de público que tiveron os nosos alumnos e alumnas así como o seu comportamento ao longo de toda a función. Esperamos que nos perdoaran os posibles erros cometidos no desenvolvemento da mesma.

Nas seguintes ligazón tendes acceso ás diferentes actuacións.

  1. Panxoliña: "O moneco de neve". Ed. Infantil.
  2. Poemas 5º Curso.
  3. Varias panxoliñas e cancións: 3º EP.
  4. Obra de teatro: "Comerei dous". 4º EP.
  5. "Mi burrito Sabanero": 1º e 2º de EP.
  6. "O baile da carrasquiña": 1º e 2º de EP.
  7. Obra teatro: "El milagro del amor". Alumnado de 4º e 6º de EP.
  8. Panxoliña final. 6º, 4º e 3º de EP.

 

Ver a galería de imaxes do Festival de Nadal

Sesión de xogos realizada polo alumnado do CIFP Portovello

Xov, 01/12/2016 - 15:30 — admin

Alumnado do CIFP Portovello, coa coordinación do seu titor Roberto Fdez Cartón, desenvolveu no noso colexio unha sesión de xogos baixo a temática dunha "feira" formada por 5 casetas, cada unha delas cun xogo diferente, polas que foron rotando todos os nenos e nenas de Ed. Primaria do centro. Asemade, o alumnado de Ed. Infantil tamén participou nunha sesión, especialmente deseñada para eles, no patio de xogos do cole.

Os xogos realizados foron os seguintes: tres en raia (dragón); paracaídas (tiovivo); rá e as pontes (tirachinas), e o globo irrompible (rompebolas). No programa da sesión pódese ver en que consistía cada xogo. Todos eles foron do agrado do alumnado, non hai máis que ver as súas caras na galería de imaxes.

Felicitamos ao alumnado do CIFP Portovello e ao seu profesorado por esta actividade e animámolos a repetila nun futuro que esperamos sexa próximo.

Moitos parabéns polo traballo realizado!!

GALERÍA DE IMAXES

A lenda da Lagoa de Antela

Lun, 07/11/2016 - 20:41 — admin

O alumnado de cuarto curso de educación primaria realizou unha Caza do Tesouro (entrar como convidado dúas veces para acceder) sobre a Lenda da Lagoa de Antela que traballou durante a Hora de ler. Como produto final realizou un cartaz con realidade aumentada.

Facédevos seguidores da conta de Aurasma do cole abrindo o código QR co móbil ou tablet e poderedes ver o que esconden os seus cartaces:

 GALERÍA DE IMAXES DA ACTIVIDADE

AUDIO GRAVADO PARA A REALIDADE AUMENTADA

Ponlle as pilas ao teu bocata

Xov, 22/09/2016 - 11:28 — admin

O alumnado de 2º, 3º, 4º, 5º e 6º curso de Ed. Primaria participou o xoves 22 de setembro nun obradoiro de cociña nas instalacións da Concellería de Sanidade do barrio das Lagoas, dentro do programa "Ponlle as pilas ao teu bocata" cofinanciado polo Fondo europeo de pesca e ANFACO-CECOPESCA.

Os chef de cociña Aitor Tilla e Ana Tillas, dun xeito ameno e lúdico, ensináronnos unha pila de beneficios que teñen os produtos do mar, xa que un bocata de conservas do mar leva toda a enerxía que necesitamos para alcanzar todas as nosas metas. As conservas do mar son ricas en proteinas moi importantes para crecer e levan vitamina B12 que é fundamental.

Fixéronnos unha chea de agasallos: dúas camisetas, unha gorra e un libriño de receitas de bocatas para que poñamos en práctica nas nosas casas o aprendido.

Como remate da actividade, fixemos unha degustación de bocatas elaborados con diferentes produtos do mar: bonito, mexilóns, xardiñas e chocos.

...pasámolo xenial

Galería de imaxes

La Vuelta Ciclista Junior

Mér, 01/06/2016 - 10:39 — admin

O 31 de maio, o alumnado de 3º, 4º, 5º e sexto participou no programa de formación en ciclismo e alimentación responsable que organiza a Asociación de ciclistas profesionais en colaboración con Cofidis, CSD e "La vuelta".

David Abal, exciclista profesional, informounos sobre as principais carreiras profesionais que hai no mundo. Con el vimos en que consiste a xornada diaria dun ciclista, desde que se levanta ata que se vai a durmir. Tamen aprendemos o importante que é o esforzo, a humildade e o respecto para chegar a ser un bo deportista.

Para rematar a actividade participamos nunha clase práctica de ciclismo onde realizamos un pequeno adestramento de ciclismo no que puxemos en práctica todo o comentado sobre seguridade e normas de circulación por David.

Uns vinte alumnos e alumnas participantes foron escollidos para participar na "Vuellta Ciclista Junior" que se disputará a finais de agosto. Ese mesmo día sae a "Vuelta Ciclista a España" desde o pobo do ribeiro de Castrelos.

¡Esperamos vervos alí a todos!

Galicia

Mar, 17/05/2016 - 19:57 — admin

Poema de Manuel María rapeado polo alumnado de 4º de Ed. Primaria na Hora de ler.

24 de febreiro, Día de Rosalía

Lun, 29/02/2016 - 19:44 — admin

Galería de imaxes

O pasado 24 de febreiro conmemoramos o aniversario de Rosalía coa realización de diversas actividades:

  • O alumando de Ed. Infantil traballou a figura de Rosalía ao longo de toda a semana coa elaboración dun gran mural alusivo á escritora.
  • En Ed. Primaria traballouse co material compilado na web do cole e a unidade didáctica elaborda polo Equipo de Dinamización Lingüística.
  • A maioría do alumnado participou na proposta da AELG que este ano consistiu na elaboración dunha postal na que figuraba impreso o poema "Canta paxariño alegre".
  • O alumnado de 1º, 3º e 4º memorizou e recitou o poema.

GALERÍA DE IMAXES

Galería

Só por hoxe

Lun, 29/02/2016 - 19:33 — admin

No día de San Valentín, despois de traballar a Lenda de San Valentín recitamos o poema titulado "Só por hoxe".

Día da Paz 2016

Dom, 31/01/2016 - 13:42 — admin

Ao longo da semana do Día da Paz traballamos nas aulas con recursos educativos compilados polo equipo de biblioteca.

O alumnado de 5º e 6º curso traballou sobre o exilio e as diferenzas culturais a través da unidade didáctica "La pequeña Carlota"de ACNUR. O alumnado de 2º traballou sobre o respecto, a educación e a tolerancia. O alumnado de 3º e 4º volveu a traballar sobre a historia de Malala e a súa defensa da educación para todo o mundo.

Unha das actividades centrais foi a interpretación da canción BLOWIN IN THE WIND de Bob Dylan polo alumnado de 1º,2º,5º e 6º na biblioteca do centro.

Galería de imaxes

Distribuir contido


by Dr. Radut