![](https://lh3.googleusercontent.com/pw/AMWts8BYPie9VmCPaiUOcZIOFriDmnkcvvASs1K6KNRj07884IpzZvON7-SUY7VwcxTohXovWv_5F98JTQ6FFsIDEMB_JmyQkJzxoDpIgb5XhFzEEnF6T1_bYVMwh9DKZZo6LrO_2mMwOoaLU7ezNpy5gkf4sg=w1000-h332-no?authuser=0)
O alumnado do CEIP Plurilingüe Manuel Sueiro realizou tres visitas ao supermercado GADIS no centro comercial Pontevella dentro do programa Alimentes.
A visita estivo estruturada 7 zonas nas que mostraron a noso alumnado as características dos alimentos, o seu empaquetado, a distribución e a súa importancia para unha dieta saudable.
A primeira das zonas consistiu nunha explicación da importancia da roda dos alimentos nos que nos amosaban os cinco apartados máis importantes para unha dieta saudable: vexetais (froitería), froitas (froitería), cereais (panadería), carnes, peixes, legumes, ovos e froitos secos (carnicería, peixería e estantes dos supermercados) e auga.
A segunda das paradas foi na froitería na que nos ensinaron produtos de proximidade con diferentes formas e sabores nos que destacamos as froitas como as laranxas, peras, mazás, pomelos,... e hortalizas.
A terceira das paradas foi a panadería na que observamos os diferentes tipos de pan como o tradicional (pan de Cea) ou o elaborado (pan de molde en bolsa).
A continuación fomos a peixería na que nos amosaron os diferentes peixes sabendo diferenciar o peixe branco do azul e algún peixes que nunca víramos como as raias. O que máis nos sorprenderon foron os polvos.
Despois da peixería foron a charcutería no que descubrimos a grande cantidade de produtos elaborados que non deberían estar na nosa dieta.
A sexta das zona foi a carnicería na que puidemos aprender a diferencia entre carnes vermellas e carnes brancas.
A última das zonas foi a zona das bebidas nas que descubrimos a “Kombucha” ou fungo do te, sendo unha bebida fermentada feita a base de te cuxa fermentación se obtén a través do cultivo de bacterias e lévedos. A bebida máis importante para o noso organismo e a mellor para unha dieta saudable é a auga.
O supermercado GADIS agasallounos cunha mochila cunha mazá e unha botella de auga.
A visita foi xenial... e como sempre despois dun bo traballo rematamos cunha boa merenda e na zona de xogos.
VISITA DE EDUCACIÓN INFANTIL
![](https://lh3.googleusercontent.com/pw/AMWts8BSaZXJK5QsQKEluwjNlzkBKCHMX_kqUYKpEtRQas2XrZL99mGsjIBisrWeg6fKSPjesvz-TWvtcMa-vIqNDylu_ZjmSZ4OOiZN5xX2yV9xXYeDZCMt_sk4O7baKS31p5PsSJAEBgoTj8vLmpBjXKLHXw=w872-h654-no?authuser=0)
VISITA DE 1º, 2º e 3º de Ed. PRIMARIA
![](https://lh3.googleusercontent.com/pw/AMWts8AUDDmnuKYOTyjqJ7MZW6e5zKE_ehffXLLZ1FoquWQztvnU9oWSsAHmtfvohg_G8MtcleKfFrIktki4R9c3E1mPbNPUFrIjcHSaYJC7YubfFCIPC69WGiCt3BtHMddyOFN0qSK67xi1Bigw9wVA1gsiUA=w872-h654-no?authuser=0)
VISITA DE 4º, 5º e 6º de Ed. PRIMARIA
![](https://lh3.googleusercontent.com/pw/AMWts8CROsJsnvKg-vB26lFZ2kJJyAd_WMP0qWftNgm4zOUMRSUBXyU3f7gUrk3YfYwYQpXCg5ejDlRnK-UmFkBcOSw4RUrWq5_bXor3lH67xOiA7KqizZ1hnAZnGChxM1bziuJaKEFH_CcHTELXY7N7ZrxJ8Q=w872-h654-no?authuser=0)