Skip to Content

Escolares

Comezo do curso no Xornal escolar

Parte do alumnado do CEIP Manuel Sueiro sae na publicación do Xornal escolar La Región, do 21 de setembro, sobre o comezo do curso nos centros ourensáns.

Letras Galegas 2016

Galería de imaxes

Este ano as Letras Galegas rendiron homenaxe ao lugués Manuel María Fernández Teixeiro.

Ao longo do mes de maio o alumnado do noso centro traballou cos recursos recopilados polo EDL. Asemade, ao longo da semana das Letras galegas realizamos unha Caza do Tesouro cos cartaces do CEIP de ... no que gran cntidade de alumnos e alumnos foron quen de atopar as rspostas a todas as preguntas prantexadas.

O 18 de maio realizamos un recital de poesia na biblioteca do centro no que participaron todos os cursos coas seguintes poesías: (se premedes na ligazón veredes o vídeo da actuación).

Para rematar o alumnado de segundo e cuarto presentaron os seguintes vídeos con poemas rapeados de Manuel María:

O ARCO DA VELLA

GALICIA

GALERÍA DE IMAXES

Desfile de entroido 2016

O venres, 5 de febreiro, celebramos no colexio a Festa do Entroido. Nela participou toda a comunidade educativa, cunha ampla presenza dos familiares do noso alumnado, o cal é de agradecer.

Este ano, cada curso, disfrazouse dunha temática diferente, relacionada co traballo que se está a desenvolver no PDI "Galicia arrecende a aventura"... tivemos aprendices de cociñeiros, traxes típicos de Galiza, camiñantes con destino Compostela, avoiñas menciñeiras, guardiáns da educación vial, as aventuras de don Quixote e a súa "trupe" e pescantíns troiteiros.

Previamente, e para coller forzas, degustamos as exquisiteces que as nosas nais e avoas prepararon con tanto agarimo para todos nós...

...que rico estaba todo!!!

Na seguinte galería de imaxes podedes observar o ben que o pasamos.

Galería de imaxes

(Se tedes conta en Google, podedes engadir as vosas imaxes a esta Galería)

Xogando ás olas coas Pitas de Eiroás

Xogo das olas

O último venres de xaneiro, víspera do domingo oleiro, as Pitas de Eiroas cordinaron o xogo das olas no noso colexio. Previamente, tivéramos un obradoiro onde nos explicaron a orixe da Pita de Eiroás e asemade nos amosaron como decorar as olas coas que posteriormente íamos xogar.

Este ano, unha nova cor pendurará do broche da Pita e 2016 será a VERDE CLARA, coa que queren facer fincapé na defensa do ensino público, despois de ter sido unha das propostas de cor nos últimos anos e ante a continuidade dun modelo que semella ir encamiñado cara a precarización dos servizos públicos e de calidade.

No desenvolvemento da actividade participaron tres Pitas de Eiroás e todo o alummado e profesorado do centro. Esta resultou ser moi entretida para todos os participantes. A pesar de que había un bo número de olas, estas resultaron insuficientes debido á aceptación e entusiasmo que amosaron os participantes no xogo.

Na galería de imaxes podedes observar o ben que o pasamos...

Galería de imaxes

O meco manda 2016

 

Os mecos do Manuel Sueiro toman protagonismo na semana do entroido no cole. Todos os días publicarán puntalmente as súas mandas...

...non vos esquezades de visitalos para poder cumprilas.

luns martes Mércores  
Luns Martes Mércores Xoves Venres

Preme na Galería de imaxes para ver que ben o pasamos

Mellores lectores do 1º trimestre

Leo dálle moitos parabéns aos mellores lectores do primeiro trimestre.

Mellores lectoresEspero verte no próximo trimestre nesta imaxe!!

Festival de Nadal 2015

Galería de imaxes

 

O xoves 17 de decembro celebramos o Festival de Nadal ás 17:30 horas no Salón de Actos do IES das Lagoas. Desde aquí agradecemos a todos os asistentes a súa participación nesta festa que con tanto esforzo e ilusión prepararon os nenos e nenas do cole para as súas familias e amigos.

O programa de actuacións foi o seguinte:

Na seguinte galeria podedes acceder a todas as imaxes da actuación.

Galería de imaxes

 

Celebración do magosto 2015

Celebración do magosto

Ao longo das dúas primeiras semanas do mes de novembro realizamos en clase diversas actividades relacionadas co magosto.

O martes, 10 de novembro, celebramos a festa do magosto coa realización do asado de castañas nunha gran fogueira realizada polo profe Alfonso. Unha vez comidas as castañas pintámonos as caras e mans coa cinsa do lume. 

Para rematar, todo o alumnado participou nun circuíto de xogos con castañas.

Pasámolo xenial!!

Galería de imaxes

Así foi o Nadal no noso colexio

Para ir entrando en materia, un ano máis o equipo de Normalización Lingüística  convocou o concurso de postais e poesías de Nadal. As obras de arte estiveron expostas no centro e finalmente as postais gañadoras  felicitaron as festas a toda a comunidade educativa, como xa tiveron ocasión de comprobar.

 

 

 

 

A medida que avanzaban os días o  aspecto do centro ía cambiando… grilandas, debuxos con motivos navideños, árbore de Nadal co Papá Noel e, por suposto presidindo o vestíbulo: o Belén. Cómpre sinalar que a totalidade das pezas foron realizadas por nenos e nenas de cursos anteriores. Ver fotos do Belén na galería.

 

 

 

Os pequechos de infantil practicaron a súa panxoliña ao pé da árbore de Nadal. No vídeo podedes mirar que ben o facían.

 


Ver vídeo

 

O xoves 19, celebrouse no IES das Lagoas o festival de Nadal. O instituto cedeunos as súas instalacións para así  poder dar maior cabida ás familias e  gozar comodamente das actuacións. Desde o centro agradecemos a presenza , case se pode dicir multitudinaria, das familias e destacamos que foi un fermoso espectáculo palpar no ambiente os nervios e ilusión dos nenos e nenas xunto co orgullo dos papás, avós etc. 

 

Fai click aquí

 

Fai click aquí

 

A guinda púxoa a ANPA o último día de clase. Despois de varias negociacións conseguiron que os Reis Magos se achegaran ata o noso cole! Tiveron o detalle de ir pasando por tódalas aulas recollendo as cartas cheas de ilusión dos pequenos  e dándolles un adianto cun agasallo.

 

 

Logo destes momentos tan intensos un chocolate con churros e bica esperábanos no comedor para clausurar o 1º trimestre e comezar as vacacións cun delicioso sabor de boca.

 

 

Premios "Ourense sabe acoller"

O mércores, 18 de decembro, o alumnado de 3º ciclo foi á aula de cultura de Novacaixagalicia situada na Alameda co motivo da súa participación na actividade organizada polo concello “Ourense sabe acoller”.

En primeiro lugar tivo lugar a proxección dunha película relacionada co tema chamada: “Baixo a mesma lúa”. Logo diso  presentouse o acto formalmente  e procedeuse á entrega de premios.No noso colexio tivemos dous gañadores:

  • Luis Chacón Lucas, de 5º
  • Nerea Silva Álvarez, de 5º

Parece que os premios foron do agrado dos nosos rapaces.

Parabéns polo traballo realizado!

A continuación podedes ver as fotos do eventos. Para ver todas, debes ir á galería fotográfica.

Distribuir contido


by Dr. Radut