Skip to Content

Escolares

O sabor da aventura está no mar

Nos últimos tempos a diminución do consumo de peixe entre os nenos e nenas da nosa comunidade autónoma é unha realidade. É por iso que a Xunta de Galicia, consciente desa realidade, deseña actuacións que buscan o establecemento de medidas que faciliten o coñecemento e consumo de produtos do mar, co dobre obxectivo de incidir e equilibrar as axudas alimenticias, fundamentalmente nas idades infantil e xuvenil, así como valorizar e fomentar os produtos da pesca de Galicia.

O noso cole participou, no mes de xaneiro, nun dos obradoiros que e Consellería do Mar realiza nos centros educativos galegos. Dun xeito lúdico, coñecimos os principais nutrientes que nos aporta o pescado e descubrimos varias receitas con peixe que son fáciles de realizar.

 

Concurso de logos para o centro

Rematado o prazo de presentación de logos para o centro, os membros do xurado tivérono moi difícil para escoller o gañador dada a altísima calidade dos traballos presentados, tanto en calidade como orixinalidade.

Desde aquí, queremos agradecer a todos e todas as participantes o seu esforzo e dedicación.

Na seguinte galería podedes observalos:

 

Este será o logo que identificará ao noso centro, a partir de agora:

Gañador do concurso

Apertas que voan. 2018

Xa falta pouco para o Día da Paz. Ao longo destes días imos preparar esta canción de Paco Nogueiras.

APERTAS QUE VOAN

Mans brancas e cara negra
teño os beizos vermellos.
Teño sentimentos novos,
teño sentimentos vellos.

Mans negras e cara branca
teño o meu peito cheo
de bicos e de sorrisos
de apertas que voan no vento.

RETROUSO:
Porque ti es o meu amigo,
porque nos levamos ben,
porque ti es o meu amigo
distinto e igual á vez.
Porque ti es a miña amiga,
porque nos levamos ben,
porque ti es a miña amiga
distinta e igual á vez.

Eu non quero ver fronteiras,
sempre me poño a pensar
en dixar a xanela aberta,
así pode entrar o ar.

Pintar o vento de cores,
deixar as palabras medrar
sen dar máis razoamentos
e así poder cantar.

(RETROUSO)

Un camiño faise a pasiños,
un pasiño comigo has de dar,
ha de ser un camiño bonito
se imos xuntiños da man.

Non hai grandes nin pequenos,
e de feros non imos falar,
dáme unha man, compañeira,
que pouco nos ha de importar.

(RETROUSO)

Paco Nogueiras


RECURSOS


Festival de Nadal 2017

O mércores 20 de novembro relizamos o Festival de Nadal no Salón de Actos do IES As Lagoas. Este ano tivemos unha gran afluencia de familiares e amigos dos nosos estupedos artistas, os cales asistiron para presenciar, en directo, os fabulosos espectáculos que estiveron preparando ao longo deste trimestre.

O programa de actuacións foi o seguinte: (Preme para ver os vídeos)

  1. "Twist de Navidad". Ed. Infantil.
  2. Teatro "Restaurante Farruco". 1º e 2º de Ed. Primaria.
  3. "Esta Navidad mi deseo eres tú". 4º Ed. Primaria.
  4. "Hoy he visto una estrella". 4º de Ed. Primaria.
  5. Poesía "Nadal no San Xoan". 6º de Ed. Primaria.
  6. Baile "Bajo el mismo Sol". 5º de Ed. Primaria.
  7. "El camello cojito". 3º de Ed. Primaria.
  8. "Mi música es tu voz". 4º de Ed. Primaria.

Agradecemos ao Equipo Directivo e ao persoal laboral do IES As Lagoas a colaboración mostrada, cara o noso centro, para que fose posible a realización desta actividade.

Imaxes do Nadal 2017

Preme para ver a Galería de imaxes do centro no Nadal 2017

Xogos de magosto

Como en anos anteriores, o alumnado do Ciclo Superior de animación sociocultural e turismo do CIFP Portovelo realizou unha sesión de xogos populares no noso centro.

A data elixida foi a da celebración da festa do magosto, por iso, os xogos escollidos xiraron sobre ese centro de interese. Os participantes foron distribuídos en catro grupos segundo a súa idade. Ao longo de dúas horas, os monitores realizaron múltiples xogos, adaptados ás súas características, o que redundou en que o tempo se lles pasara voando.

Como remate da actividade, os futuros animadores socioculturais foron avaliados polos cativos cos que traballaron. O resultado, da mesma, foi altamente positiva, xa que á inmensa maioría dos participantes lles concedeu a máxima valoración posible.

Parabéns para todas e todos os compañeiros do CIFP Portovelo!

Magosto 2017

O 14 de novembro celebramos, no patio do colexio, a festa do magosto como colofón a todas as actividades realizadas en torno aos froitos de outono, especialmente ás castañas.

Este ano, contamos coa presenza dos nosos veciños do CIFP Portovelo que cursan o Ciclo Superior de animación sociocultural e turística. Eles foron os encargados de animar o tempo de lecer ata que todas as viandas estiveron listas e preparadas para degustar.

O menú estivo composto por pulgas preñadas, empanada, bica e castañas asadas por un castañeiro de recoñecida sona na nosa comunidade educativa.

Ao remate do xantar, e seguindo a tradición, aproveitamos para cinsarnos a cara e as mans coa borralla da fogueira.

Pasámolo xenial!!

Exposición magosto 2017

Durante o mes de novembro realizamos, nos corredores do colexio, unha exposición temática sobre froitos do outono con traballos manuais  elaborados polo alumnado do centro coa axuda das súas familias.

Na galería de imaxes podedes observar a extraordinaria calidade dos traballos presentados. 

Exposición de Viaqua

O alumnado de Ed. Primaria participou, o 27 de outubro, na exposición H2Oh! "Os segredos do auga da túa cidade" coa que se pretende concienciar sobre o uso deste recurso tan preciado e, á súa vez, tan escaso.

Vivimos nun planeta privilexiado, e o é porque posúe unha sustancia excepcional: a auga líquida. Pero, pese a esta aparente abundancia, a auga doce, da que dependemos directamente para vivir, é un recurso limitado. A cantidade de auga presente no noso planeta non variou en millóns de anos. Cando bebemos un vaso de auga, poderiamos estar bebendo as mesmas moléculas que no seu día bebeu un dinosauro, e ata as mesmas bágoas de Nefertiti.

O progresivo crecemento da poboación mundial supón unha demanda de auga cada vez maior. Polo tanto, o reto consiste en cubrir as necesidades de provisión da poboación de forma sostible e, ao mesmo tempo, completar o ciclo devolvendo a auga ao medio natural nas mellores condicións posibles.

Reflexionar sobre os grandes desafíos tecnolóxicos, económicos e medioambientales que con leva un xesto aparentemente tan sinxelo como abrir unha billa na casa e que salga auga potable foi un dos obxectivos desta exposición, baseada en distintos elementos museográficos singulares, desde pezas reais ata interactivos multimedia de última xeración cos que aprendimos de forma lúdica.

Tamén aprendimos na mostra por que dicimos que a auga é o «elixir da vida», comprobamos cal é o noso peso en auga e o de diversos obxectos e produtos, ou a que se destina a maior parte do auga doce, entre outras cousas.

Memoria gráfica do traballo feito na biblioteca

Na seguinte presentación reflectimos parte do traballo realizado ao longo do curso 2016/2017 na biblioteca do centro.

Preme na imaxe para poder ver a presentación

Distribuir contido


by Dr. Radut