Skip to Content

Animación á lectura

Rubén Ruibal

 

Hoxe tivemos a sorte de contar coa presenza entre nós de Ruben Ruibal.

Ruben é un dos autores teatrais galegos de maior recoñecemento a nivel nacional. Coñeceu persoalmente a Roberto Vidal Bolaño e traballou xunto a el durante dez anos na compañía Teatro do Aquí. Roberto foi un dos autores que máis influíu na súa obra. No ano 2000, Rubén crea a compañia Teatro Cachuzo, que levou ás táboas as súas primeiras obras: Fume e Nunca durmo. Outras das súas obras foron Traffic: arroz mubi e Triunfadores!

En 2007 ganou o Premio Nacional de Literatura de España coa obra Limpeza de sangue, dous anos despois de ser galardonada co Premio Alvaro Cunqueiro de Textos Teatrais, tamén recibiu o premio María Casares ao mellor texto orixinal en 2011.

Actualmente é coordinador da aula de Tearo e Danza da Universidade da Coruña.

No ano que conmemoramos a figura de Roberto Vidal Bolaño, Rubén veu falarnos deste dramaturgo, o que máis importancia tivo na valoración do teatro profesional galego de todos os tempos.

Agradecemos a Rubén a súa xenerosidade ao compartir con nós o seu tempo e facernos partícipes dalgunhas das súas

 

experiencias e vivencias xunto a RVB. (ver vídeo)




 

 

 

Roteiro por Santiago e Brión con Roberto Vidal Bolaño

A través deste vídeo queremos visitar os lugares de Santiago e Brión máis destacados na vida do dramaturgo homenaxeado este ano no Día das Letras Galegas. Da man  de Roberto percorreremos algúns dos lugares que tiveron para el maior significado, persoal ou profesionalmente. Estes lugares pertencen tanto a Santiago como a Brión, concello que o acolleu nos seus  derradeiros anos.

Ver vídeo

Contacontos do Día do Libro

Toda esta semana, nos recreos, tivemos Contacontos na biblioteca. Quixemos festexar este día por todo o alto e grazas a colaboración do profesorado puidemos organizar unhas sesións que fixeron as delicias dos asistentes coas narracións dunhas fantásticas historias. Máis fotos

María Penide "O rei e as súas fillas"

Rosa "A pota que trota"

Maria Tilve "Lendas"

 

Xosé Vázquez "Nova historia de Pinocho"

Marisilla "A cebra Camila"

Susana Penabad "Amelia quere un can"


Club de lectura

Este luns tivo lugar a primeira xuntanza do club de Lectura. Os participantes son nenos e nenas de quinto de primaria e o primeiro libro elexido para ler foi "Nata y chocolate" de Alicia Borrás Sanjurjo. O tema desta novela é o acoso escolar que sofre unha nena de 11 anos. Aos nosos  lectores/as pareceulles unha obra moi interesante, da que sacaron moitas conclusións sobre este problema e o xeito de afrontalo.

Visita de Salvador Forján

Este ano, estamos a traballar moito sobre "O teatro" debido ao homenaxe que se lle fará a Roberto Vidal Bolaño no día das Letras Galegas.

Estes días tivemos a gran sorte de que Salvador Forján, técnico de montaxe do Centro Dramático Galego, viñera ao noso cole para falarlle aos nenos do teatro dende unha nova perspectiva; Que é o que pasa detrás do escenario? As charlas foron moi dinámicas, xa que Salvador acompañó as súas explicacións con moitos materiais que nos ensinou e que deixou manipular aos nosos rapaces e rapazas, como varios tipos de monicreques, carautas, sombreiros, a maqueta dun escenenario, focos de iluminación, traxes das actuacións ...

O alumnado de Infantil e primeiro ciclo puido coñecer o mundo do teatro dun xeito moi divertido.

Moitas grazas Salvador pola ilusión que puxeches nesta actividade!    (VER MÁIS FOTOS)

(TRABALLOS NENOS)



ENTREGA DOS PREMIOS DO CONCURSO "Búscase ilustrador"

Esta mañán fíxose entrega dos premios do concurso "Búscase ilustrador/a".

Esta actividade realizouse en torno á exposición VAIDEMAR, empréstada por Galix,  que tivemos a sorte de ter no noso centro ao longo do mes de marzo. Aos nenos e nenas se lles pediu atopar ao ilustrador/a de cinco obras plásticas pertencentes a algún dos ilustradores representados na mostra. Para o cal tiñan que fixarse no estilo, cores, formas e motivos das ilustracións propostas e atopar similitudes cos cadros expostos. Os premiados foron dez, por sorteo entre os alumnos que acadaron máis acertos.

Parabéns a todos eles e disfrutade dos agasallos!

Renovada Sección de Inglés na Biblioteca!

Acabamos de estrear unha renovada sección de Inglés na biblioteca.

Os libros están clasificados segundo a súa temática e para identificalos mellor, cada un ten unha cor diferente.

Podedes atopar materiais de "Arts & Crafs", "Science", "History & Geography", "Dictionaries", "Comic" e lecturas de ficcíon clasificadas segúndo o nivel lector "1st Cycle", "2nd Cycle" e "3rd Cycle". Non esquezas visitar a zona especial de Eric Carle!


Paula Carballeira

O Mércores Paula Carballeira visitou aos nenos e nenas de Infantil e deleitoulles coas súas historias. Unha das paixóns desta contacontos son as viaxes, e dunha realizada por Africa, trouxo historias dunha tribu chamada Mangala, onde os homes e as mulleres son os mellores contacontos do mundo enteiro. Como ela mesmo escribiu na dedicatoria do seu libro "OLO-IEPU-IEPU", Son contos para soñar e viaxar coa imaxinación. Ver vídeo

Distribuir contido


by Dr. Radut