Skip to Content

Animación á lectura

OBRADOIRO DE ILUSTRACIÓN

o martes, 5 de abril, imos contar coa visita de Abraham Carreiro, ilustrador de contos.


A charla versará sobre a elaboración de personaxes, expresións corporais, as cores e todo o que rodea o proceso da ilustración. Esperamos con impaciencia ese día pois estamos seguros de que será unha experiencia que non esqueceremos.

Na nosa Biblioteca temos algúns contos da colección:
  • Contos que leen outros nenos do mundo 
É unha colección que trata de achegarnos as diferentes culturas do mundo mediante contos populares de distintos lugares. Cada conto vai introducido pola mascota da colección, unha cegoña que gosta moito de viaxar. Durante as súas viaxes vai recopilando historias para despois contárnolas ao chegar aquí.

COMEZA O ENTROIDO EN PEDROUZOS!

Lupiña, a mascota da biblioteca, ten moitas ganas de festa e para "quentar motores" ao longo da próxima semana vainos  pedir que cada día traíamos ao cole un adorno diferente.

 

 

lupinha

VENRES 4 MARZO

venres


Na entrada do cole hai unha fantástica mostra de carautas que os nosos rapaces fixeron nas casas coa axuda das familias. Tes que vir a vela!

fotos

carautas

Concurso de Microrrelatos

Xa temos gañadores do concurso de Microrrelatos !

 

Os participantes tiñan que escribir unha historia sobre o Nadal empregando un máximo de 50 palabras.

Os nenos e nenas "espremeron" os miolos para condensar o importante da narración en tan escaso número de palabras.

MICRORRELATO GAÑADOR DO 3º ciclo   Miguel 6ºB

CEA DE NADAL

Era Noiteboa e unha avoa vivía soa. Estaba triste e deprimida. Intentou chamar aos seus fillos, aos seus netos e a súa irma pero non obtivo resposta.

Estando na cama, escoitou barullo, foi mirar, e alí estaban todos os seus seres queridos cunha gran cea preparada. A avoa sentiuse Féliz!

MICRORRELATO GAÑADOR DO 2º ciclo    Inés  3ºA

A CAIXA MISTERIOSA

Un porquiño chamado Pig queriao todo polo Nadal. Un ano Papá Noel trouxolle un coche de xoguete. Xogaba todos os días con el. Ao ano seguinte trouxolle un robot. Deixou o coche tirado e rompeuno. Xa farto, un ano trouxolle unha caixa. Abriuna e estaba baleira. Empezou a xogar con ela e divertiuse.

 

MICRORRELATO GAÑADOR DO 1º ciclo    Sonia 2ºB

A MENSAXE DE NADAL

Había unha vez uns nenos esperando a chegada de Papá Noel. Cando chegou subíu ao trineo e os renos comezaron a voar e encenderon o seu nariz vermello. Os agasallos caeron na neve e convertéronse en árbores de Nadal, no que había unha mensaxe. Que todo o mundo sexa feliz!

“A AVENTURA DE LER”

 

O día 21 de decembro, ás 17h terá lugar na biblioteca do cole unha charla á que estades todos convidados. As profesoras Isabel Fraga e Mariela Resches da Universidade de Santiago, falarannos sobre a importancia de fomentar entre os nenos e nenas os hábitos lectores e o gusto pola lectura como xeito de aprender, coñecer e ao mesmo tempo disfrutar.

Agardamos a vosa presenza!

 

 

Esta actividade estaba planificada para o día 13, pero por motivos do funcionamento do centro tivo que aprazarse ao día 21

Disculpade as molestias


LEO CON LIONNI

foto de leo

Este trimestre desenvolvimos un proxecto documental sobre a figura de Leo Lionni, aproveitando a conmemoración do centenario do seu nacemento. Tivemos un primeiro contacto con el a través dunha animación na que nos falaba de se mesmo,  investigamos sobre a súa vida  a través dunha Webquest, puidemos ler e disfrutar das súas historias e ilustracións na exposición que houbo na biblioteca, coñecimos algúns dos seus libros-albúms e ata intentamos imitar as súas técnicas plásticas, facendo algún dos animais que tanto lle interesaron.(ligazón á galeria de fotos)

Foi un proxecto moi completo e permitiunos compartir aprendizaxes, coñecementos e emocións.

Ata sempre Leo Lioni!

MOCHILAS VIAXEIRAS

Están chegando ás casas dos nenos e nenas de primeiro e de segundo unhas mochilas cargadas de fantasía, información, diversión e con ganas de ser compartidas por todos, tanto nenos como pais, irmáns ou avos.
Fixemos unha escolma de materiais da biblioteca para que  os nenos a disfrutaran coa súa familia ao longo dunha semana e compartirán as emocións e os coñecementos que a lectura pode aportar aos nosos cativos.

Festival Cine de terror

O venres quixemos celebrar no colexio "O Samaín" e ademáis da mostra de cabazas realizadas polas familias, tivemos o I Festival de Cine de Terror de Pedrouzos. Ao longo do día os nenos e nenas puideron asister ao pase dalgunha destas película de medo "O Pequeno Vampiro", "A Momia", "A familia Monster", "Pesadilla antes de Nadal"... foi un día arrepiante!

v
cartel película cartel película cartel película

Concurso "Ler e escoitar"

Rematouse esta semana a primeira fase do Concurso de lectura en voz alta "Ler e escoitar".

Os gañadores foron dous alumnos de quinto, Simón e Martiño, na modalidade de grupo e Maria como participante individual.

Esta actividade recibiu unha boa acollida entre o alumnado do terceiro ciclo e a participación foi numerosa. O feito de que as lecturas realizadas tiveran gran nivel, fixo que para o xurado fora difícil realizar a elección.

Parabens aos gañadores e agradecer a todos os participantes a ilusión e a interese amosada!

Agardamos que os nosos representantes pasen á seguinte fase do concurso que será a nivel autonómico!

fotos dos gañadores

Leo con Lionni

Queremos conmemorar o centenario do nacemento deste gran artista, clave na literatura infantil. Leo é autor de obras tan coñecidas como "Pequeno azul e pequeno amarelo", "Frederick", "A casa máis grande do mundo"... moitas delas publicadas de novo por mor deste aniversario.

Temos programadas diversas actividades dende unha exposición coas súas obras na biblioteca, unha Webquest sobre a súa vida, traballar en plástica as súas técnicas: Collage, ceras, estampacións...

Xa vos iremos informando das experiencias que realicemos!

Foto de Leo Lionni

I Concurso de Lectura en voz alta

A Consellería de Educación convoca o I Concurso de Lectura en voz alta, "LER E ESCOITAR", destinado ao alumnado de 3º Ciclo de Primaria e 1º Ciclo de ESO.
O concurso terá unha primeira fase no centro e unha fase autonómica, da que sairán os finalistas da fase última do concurso que se resolverá nun acto de lectura pública.
O concurso contempla as modalidades individual e de grupo. Haberá premios para as lectores e os lectores ganadores e para os centros de procedencia.

Dende a biblioteca parécenos unha actividade moi interesante para promover entre o noso alumnado esta modalidade de lectura.
Agardamos que sexan moitos os nenos que participen e xa iremos informando do desenvolvemento deste certame.

Ver cartel anunciador

Distribuir contido


by Dr. Radut