12/06/2008

Finalmente, o problema foi resolto na Comisión de Escolarización e todo o alumnado de Infantil que solicitara praza no Feal para o curso 2008/09 foi admitido. A ANPA publicou unha nota en La Voz de Galicia.

10/05/2008

Estes días, a Asociación de Nais e Pais de Alumnos do CPI do Feal está manifestando a súa postura respecto ao problema que estamos tendo coa admisión de alumnado de Educación Infantil, a través dos medios de comunicación do noso contorno. Por exemplo, podedes ver o artigo publicado en La Voz de Galicia. Aclaramos que o Consello Escolar ten unha postura unánime neste tema: a mesma que a ANPA.

14/02/2008

Finalmente, a proposta da Consellería foi aprobada no Pleno do Consello Escolar Municipal celebrado o 13 de febreiro de 2008. Polo tanto, Domirón seguirá correspondendo ao Feal a falta dalgúns trámites adicionais. Despois de dúas horas de intenso debate, a votación tivo o seguinte resultado: 7 votos a favor da Consellería, 3 en contra e unhas trinta abstencións.

Deixamos aquí unha pequena mostra da actividade mediática dos días previos:

• La Voz de Galicia, 09/02/2008
• La Voz de Galicia, 10/02/2008
• Televisión de Galicia, 11/02/2008
• La Voz de Galicia, 13/02/2008
• Diario de Ferrol, 13/02/2008

Reiteramos o noso agradecemento á ANPA do Feal pola súa colaboración.

O asalto pirata organizado pola Biblioteca de Primaria apareceu en La Voz de Galicia do 31 de xaneiro de 2008 e no Diario de Ferrol do 27 de xaneiro de 2008.

A nosa revista escolar apareceu na contraportada do Diario de Ferrol do 1 de outubro de 2007.