CEIP SEQUELO

Actividade na que o alumnado domotiza unha casa virtual, colocando distintos dispositivos domóticos no seu sitio correcto nunha presentación de Genially. A información de onde vai cada dispositivo atópase espallada polo aula, e terán que discernir entre a información fiable e a información falsa. Finalmente, participan nun concurso de preguntas en Quizizz sobre información real e falsa do mundo da domótica.

Por mor de centralizar e que toda a Comunidade Educativa teña acceso ás marabillas que fan os nenos de Infantil, vencellamos o seu blogue, arriba á dereita. ANIMÁDEVOS A VISITALO!!

A partir da ferramenta online TinkerCad, unha ferramenta sinxela e tremendamente accesible para os nenos, chegaron os primeiros deseños 3D dos alumnos de 6º, que logo haberá que imprimir, cousa que tamén ten o seu aquel en canto á configuración da máquina e á segmentación das pezas deseñadas.

Cada vez máis imos incorporando á nosa realidade educativa, novas ferramentas que motiven aos nosos alumnos a imaxinar e crear.  Desta vez é a quenda dos lápises 3D. As súas caras dinno todo.

Tras un terremoto, os libros da biblioteca automatizada de Digitaldría desordenaronse. Incluso nalgúns borráronse os seus datos. O alumnado completou os devanditos datos buscando a información na web da biblioteca para logo transformarse nos robots automáticos da mesma coa misión de organizar os libros da forma que corresponda.

As conexións entre Portugal e Galicia, malia case 1000 anos de separación, son claras e fortes, especialmente no eido máis tradicional. E é que na procura delas topamos con esta Janeira que o Agrupamento de Escolas Afonso de Paiva de Castelo Branco, utilizaba en Xaneiro do 2022 para felicitar as festas.

O retrouso chamounos moito a atención porque en si non deixa de ser a canción popular de Marín "Os de Marín".  

A partir desta Xaneira e doutras moitas de Portugal, e a través dunha estrutura común a xaneiras portuguesas, e maios e aguinaldos galegos, na clase de 6º crearon un aguinaldo novo, como se fixo dende que o mundo é mundo no eido tradicional, reelaborando o vello para darlle nova vida.

Hai tempo recollerase este Nadal en Marín, un Nadal cuxa letra é un romance moi coñecido en toda Galicia, pero que en Marín adquiriu unha melodía propia. Un Nadal que se cantaba nas casas de Marín, pero que xa case ninguén coñece e dicimos case ninguén, porque Adriana Cambeiro de 3º si; na súa casa transmitírase de pais a fillos.

Adriana como sabía cantalo, enseñoullo aos de 6º que se botaron a cantalo, con algunha cousiña máis dos cantos de Reis que lles gustou.

SOLICITUDE DE RESERVA DE PRAZA PARA OS CENTROS ADSCRITOS

O alumnado de 6º curso de primaria pode solicitar a reserva de praza para o seu centro adscrito, que é o IES Illa de Tambo.

Asimesmo, o alumnado de 6º curso de Educación Infantil da EEI O Grupo pode solicitar a reserva de praza para o CEIP Sequelo.

O PRAZO É DO 16 DE XANEIRO AO 6 DE FEBREIRO DE 2023.

Para presentar unha solicitude deberán seguir algunha das opcións descritas no seguinte enlace:

Solicitude de reserva de praza para centros adscritos

LEXISLACIÓN APLICADA:

ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

Felicitamos as festas a quen o merece, aos nosos maiores, logo de toda unha vida facendo que as nosas festas estivesen cheas de felicidade, agora é a nosa quenda para devolver inda que sexa un anaquiño e durante un intre moi pequeno.

Non é a primeira vez que o noso centro colabora en distintas actividades co centro Sociocomunitario, participando na súa festa de Nadal ou nos maios. O seu coro ten acudido repetidamente ao noso centro e o noso ao deles. Bo Nadal aos que o merecen!!

Así rematamos o primeiro trimestre do curso:

Primeiro recibindo a visita de Mary Poppins, que pasou polo cole para saudarnos e desexarnos unhas Boas Festas, mellor dito "Merry Christmas".

Tamén Papá Noel fixo un recorrido polo colexio, saudando a todas as clases.

Para rematar tivemos unha festa coas "Badaladas 2023", chocolatada a cargo da ANPA AIDÓN, e baile e festa ata cansarnos.

Boas festas a todos!!!

Vémonos no 2023!!!

CONCERTO DE NADAL

O mércores día 21 varios grupos de alumnos

dende Infantil ata 6º de Primaria

encheron de panxoliñas o noso colexio.

Seguindo os enlaces veredes un estupendo resumo

que a profesora Merchi subiu ao blog da 

Biblioteca

Aquí vos deixo un anticipo do ben que o fixeron.

FELICES FESTAS

Panxoliñas co IES Illa de Tambo

O coro de Nadal do noso colexio

fixo unha saída andando ata

o noso centro adscrtito

IES Illa de Tambo.

Foi unha xornada de reencontros.

Convivencia e reencontros

cos compañeiros doutras nadales.

Enchemos de panxoliñas o salón de actos

nun concerto de Nadal no que todos participamos.

0 resón dos vilancicos 

interpretados por alumnos e profesoras,

fixo do festival un bo comezo do Nadal

para todos os asistentes.

Saíu a pé dende o CEIP SEQUELO-MARÍN un grupo de alumnos de 3º-4º-5º-6º 

Interpretaron catro panxoliñas:

Nadal de Luintra

Os anxeliños do Ceo

Adeste Fideles

Campana sobre campana

 Presentando

Naiara e Iván de 6º

Moitas Grazas a todos pola vosa ilusión.

Ata o próximo ano.

No día de hoxe, os nenos e nenas do CEIP Sequelo- Marín puideron desfrutar da visita de Papá Noel e de Mary Poppins. 

Papá Noel faloulles do frío de Laponia e dos renos, que estaban a beber no río Lamiera. Tamén se fixo algunha fotografía para que lles quedase o recordo. 

Pola súa parte, Mary Poppins, parecía un pouquiño perdida polo centro, menos mal que estes nenos lle souberon axudar. Vaia nivel de inglés se gastan estes peques!!!

Tódolos anos por estas datas é un pracer colaboraror co lonxevo Ateneo Cultural, no seu Concurso de Contos e Debuxos. Aos nosos alumnos failles ilusión e máis se algún deles ten a sorte de ser premiado como foi o caso de: Iria Tomé (2°) , Olivia Fernández (2°), Eira Veiga (2°) e Ramiro Bouzas (6º) no Concurso de Contos, e Roi Sánchez (2º), Adriana Cambeiro (3º) e Valeria Pazos (6º) no de Contos

Neste primeiro trimestre do curso 2022-2023 fixemos un campionato xogando todos os mércores na biblioteca, e os gañadores son: 

NORABOA A TODOS E TODAS!!

Dentro das actividades que forman parte do PDI "Protexo o meu planeta! Protéxome eu!, propuxémonos decorar o cole no Nadal, todo con materiais reciclados e feitos polo noso alumnado. 

Aquí vos deixamos unha pequena mostra:

• Tradicional concurso de "Tarxetas de Nada" co lema do PDI "Protexo o meu planeta! Protéxome eu!.
• Manualidades creadas a partir de diversos materiais reciclados: Belén con cortizas, anxos con rolos, árbore de Nadal con cartóns de ovos.
  
• Actividade proposta pola ANPA Aidón: "Adornos navideños con caixas".
  

Demostrando así que un Nadal sostible tamén é posible!

Un ano máis a Coordinadora de EDLG do Morrazo, pensando sempre nos nenos de tódalas idades, ofrécenos unha selección das mellores novidades de libros en galego. Sería moi recomendable que as súas maxestades os Reis Magos, Papá Noel ou o Apalpador se acordasen de traernos a todos algún destes libros ou CDs.

"A Gran Aventura do Corpo Humano"

Vigo acolle unha exposición interactiva

sobre o corpo humano.

Os cursos de 3º e 4º disfrutaron dunha xornada de ciencia

experimentando e divertíndose ao mesmo tempo.

Remataron a visita á exposición interactiva cunha representación no

Circo de Nadal.

 Órganos xigantes do corpo humano

para ver e tocar.

Noa e Antón de 6º fóronlle contar aos nenos de Infantil un conto que a eles lles gustaba moito cando eran tan pequenos coma os de Infantil. Unha experiencia excelente para os alumnos de 6º, tanto como contacontos coma espectadores ou no uso da cámara e a pértiga de son.

Moi agradecidos á profe Andrea pola axuda na preparación da sesión.