Blogues
Kopa Deporte nº 4
Enviado por josean o Lun, 17/04/2023 - 01:00Neste programa do noso programa deportivo, temos de invitada a Gloria Núñez, que nós vén falar das súas experiencias dentro dun deporte menos coñecido que os de moitos outros invitados, a ximnasia rítmica.
Recursos para o Día das Letras Galegas 2023
Enviado por xose o Mér, 12/04/2023 - 10:10O SEMINARIO GALÁN pon a disposición dos centros escolares o material das Letras Galegas 2023, con actividades didácticas para o alumnado de infantil e primaria.
Na páxina web do Seminario Galán atopamos actividades interactivas, en formato genial.ly, sobre o autor homenaxeado este ano, Francisco Fernández del Riego, así como actividades en PDF, carteis da exposición e cuestionario, díptico, marcapáxinas, biografía, escolma de textos, fotos e actividades para infantil en lingua de signos, video da biografía, cronoloxía, marcapáxinas, libro de lapelas, comecocos...
Este ano como novidade achegamos actividades de robótica con taboleiros, fichas, solucionario..., unha actividade dirixida ao alumnado de primaria e para realizar en equipo ou individualmente.
A REAL ACADEMIA GALEGA dedícalle a Francisco Fernández del Riego a páxina web para o público infantil Primavera das Letras (primaveradasletras.gal), onde pode descargarse As cousas de don Paco, unha biografía en forma de obra teatral, para ler e representar dentro e fóra das aulas. A escritora Eva Mejuto recorre á fantasía e ao humor para presentar a figura do intelectual e do tempo que lle tocou vivir nunha fermosa e divertida proposta ilustrada por Lucía Cobo.
Primavera das Letras ofrece tamén outros recursos lúdicos e didácticos. A sección Xoga connosco conta con fichas para colorear e actividades interactivas e, un ano máis, convocarase o concurso escolar Contádenos o voso Día das Letras.
Na mesma páxina web está dispoñible a curtametraxe de ficción A orixe da nosa lingua guapa, un filme baseado nunha idea orixinal da académica Fina Casalderrey para lles explicar aos cativos e cativas como se foi formando o galego ao longo da historia.
Clasificación final Torneo Xadrez 2º trimestre 2023
Enviado por xose o Xov, 30/03/2023 - 18:38Chegamos ao final do 2º trimestre e os resultados do torneo son:
5º e 6º cursos: 1º Daniel Antón e Raúl Soage, con 11 puntos 3º Alex Almazán, con 6,5 puntos |
3º e 4º cursos: 1º Martín Serrano, con 5,5 puntos 2ºBorja Nogueira, con 5 puntos 3º Roberto, con 1,5 puntos |
1º e 2º cursos: 1º Martín Carrasco, con 5,5 puntos 2º Martín Campelo, con 2,5 puntos 3º Ariadna, con 0,5 puntos |
|
LEGO WEDO en 1º de primaria
Enviado por xose o Mar, 28/03/2023 - 13:06O alumnado de 1º de primaria experimentou hoxe coa programación de robots utilizando o kit de LEGO WeDo. Tiveron que seguir catro pasos:
1. Construír un caracol utilizando a tablet onde figuraban as instrucións,
2. Conectar o robot á tablet mediante bluetooth
3. Escribir a programación utilizando bloques
4. Comprobar que funciona!
E podemos dicir que o pasaron moi pero que moi ben!! Descubriron que podían cambiar cores, escoller sons ou mesmo gravarse a si mesmos para incluír as súas voces na programación.
Xogando, cantando e tocando en infantil
Enviado por Anónimo o Ven, 24/03/2023 - 17:36O alumnado de infantil cantando e tocando todos xuntos na clase de música.
Bo traballo nenos e nenas!!!
Día da Poesía
Enviado por inesduran o Mar, 21/03/2023 - 00:36DIA DA POESÍA
21 de marzo
Xogando coa poesía.
No recreo do luns día 20 de marzo,
adiantándonos un pouco,
ideamos outra maneira de achegarnos ata a biblioteca:
Inventamos un contrasinal en forma de pareado.
Facendo pareados no recreo.
Todo un exercicio de creatividade.
DÍA INTERNACIONAL DA MULLER
Enviado por Anónimo o Ven, 17/03/2023 - 00:42Fondo de Vídeo Gris Verde Negro Moderno Garabatos Color y Estilo de Ramon Pastoriza
Colexio do Benquerer: comunicación asertiva
Enviado por xose o Xov, 16/03/2023 - 12:28Estes días traballamos nas aulas de 5º e 6º de primaria o tema da comunicación asertiva, dentro do programa de educación afectivo-sexual do Colexio do Benquerer.
Vimos que existen tres estilos básicos de comunicación: agresiva, pasiva e asertiva. O alumnado recoñece que o seu estilo máis frecuente é o estilo agresivo, facilitado polas confianzas que teñen cos seus amigos/as.
Na comunicación asertiva, fundamental para ter novos amigos/as, defendemos os nosos propios dereitos respectando os dereitos dos demais, é dicir, sen ofender nin molestar.
Na imaxe seguinte vemos os cinco pasos básicos que podemos seguir para intentar manter unha comunicación asertiva, e saber dicir que NON, sen que o interlocutor se sinta ofendido.
Coñeces este Plano?
Enviado por josean o Xov, 16/03/2023 - 00:31Coñeces que tipo de plano obtiveron todos estes alumnos de sexto? Deixanos a túa resposta nos comentarios.
Xadrez no CEIP Sequelo
Enviado por xose o Mér, 15/03/2023 - 20:28Todas as tardes dos mércores xuntámonos para aprender a xogar ao fascinante xogo do xadrez na biblioteca do CEIP Sequelo. Esta actividade está organizada pola ANPA do colexio, e neste curso está sendo todo un éxito pola cantidade de alumnado que participa, desde 1º a 6º cursos de primaria.
Ánimo e a seguir xogando!!
Programación con Lego WeDo
Enviado por xose o Mar, 14/03/2023 - 21:08Hoxe o alumnado de 2º de primaria traballou en grupos de tres co kit de robótica de LEGO WeDo, construíndo un muíño de vento e programando o movemento das súas aspas. Para iso axudámonos coas tablets do cole, que tiñan instalada a aplicación WeDo 2.0 coas instrucións para a construción e as suxestións para a programación.
Obradoiro de Ecopercusión 2023
Enviado por Anónimo o Dom, 12/03/2023 - 21:52Un ano máis o alumnado de 5º e 6º participou no obradoiro de "Ecopercusión" (percusión con materiais de reciclaxe) a cargo do profesor Didier Díaz.
Como podedes comprobar pasárono xenial, ao mesmo tempo que reforzaron a temática do PDI "Protexo o meu planeta! Protéxome eu!"; tamén podemos facer música Reciclando, Reutilizando e Reducindo.
Traballamos sobre o acoso
Enviado por Ruth o Ven, 10/03/2023 - 21:28Caixas- niño e comedeiros, incendios, coidado dos montes...
Enviado por Belen o Sáb, 04/03/2023 - 11:09Onte tivemos a sorte de que unha mamá técnico-forestal, viñese ao noso colexio para colocar dúas caixas-niño nas árbores que rodean o centro. Ademais tamén nos concienciou do coidado dos montes e dos pasos que debemos seguir se provocamos ou vemos un incendio. Recordounos que hai cámaras nos montes, lixo...
Previamente, os nenos/as de Infantil. fixeron uns comedeiros con laranxas. Esperemos que aniñen os paxariños!
Moitas grazas pola visita, aprendemos moito, seguiremos facendo mais comedeiros e coidaremos o monte.
Plantamos e sacamos as herbas malas!
Enviado por Belen o Sáb, 04/03/2023 - 10:41Plantamos dentro do colexio, plantas ornamentais e na horta do colexio: cebolas, brócoli, coliflor e remolacha. Regamos, sacamos as malas herbas e recollemos a coliflor e o brócoli para comer. Tamén lle puxemos os paus ós guisantes, que xa están florecendo! Temos as patacas tapadas con papel de xornal para que broten e plantarémolas. As semillas das cabazas tamén están desexando que as sementemos.
Programa de Educación Afectivo-Sexual Colexio do Benquerer
Enviado por xose o Ven, 03/03/2023 - 18:23Nestes días iniciamos o programa de educación afectivo-sexual "Colexio do Benquerer" que nos ofrece a Fundación Meniños, cos cursos de 5º e 6º de primaria.
En 5º curso traballamos a actividade "O nome correcto", que nos ensina a utilizar o nome correcto para designar aos órganos sexuais masculinos e femininos e fainos reflexionar sobre o porqué da existencia de moitos nomes inapropiados.
En 6º curso vimos a actividade "A máquina do tempo" centrada nos diversos tipos de cambios que se producen na etapa da puberdade: cambios non só físicos, senón tamén emocionais, cognitivos e sociais.
Hoxe tocou simulacro de incendio
Enviado por Ruth o Xov, 02/03/2023 - 14:14
Hoxe tivemos un simulacro de incendio. Desta vez todos e todas sabiamos cando ía sonar a alarma porque se trataba dunha práctica.
Xuntámonos todos no punto de encontro, que é a pista de baloncesto. Fixémolo moi ben!!
Bizarrap Sequelo Music Session 54 "Atún con pan"
Enviado por josean o Mér, 01/03/2023 - 21:02O desafío era a partir dunha base rítmica de Reggaeton e dunha certa coñecida sesión de Bizarrap, traballar as antíteses e traballáronas arreo, e polo camiño caeu algunha aliteración. Utilizando certos tópicos do estilo como o uso dun inglés macarrónico que rebautizaron como Galenglish, construíron esta canción. Polo camiño e sen querer tamén se decataron de que fixeran unha aliteración. Figuras literarias no reggaeton e grazas ao profe Marcos, atún con pan A letra foi un traballo de toda a clase e a interpretación de Amir e Gomis.
Plano Cenital?
Enviado por josean o Lun, 27/02/2023 - 23:14Todos eles e son moitos din que este plano é CENITAL. Por que será que o dín? Poderías explicarnos porque coidan todos estes alumnos que o plano é ese?
Déixanos a túa resposta co teu nome, na sección de comentarios
- « primeira
- ‹ anterior
- …
- 12
- 13
- 14
- 15
- 16
- 17
- 18
- 19
- 20
- …
- seguinte ›
- última »