Novembro 2021
Informativo Especial Magosto 2021
Enviado por josean o Ven, 12/11/2021 - 00:40Os nosos correspondentes especiais destacados no Magosto do Sequelo entrevistaron a pais, mestres e compañeiros para recabar opinións. E para que se vexa que somos un centro plurilingüe per se, ata co Inglés de Ourense se atreveron.
Diante da camara Noa e Iria, na cámara Valeria e Noa, e no son Humble e Sariña.
Imos ao Magosto
Enviado por josean o Xov, 11/11/2021 - 19:19O noso amigo anda como tolo por chegar ao Magosto que organiza a Anpa, pero non sabe como. Guíao coas frechas do cursor e evita tocar as paredes do labirinto.
Scratch by Roberto Carlos Santiago Nedea
Entrevista á dama dos pés de cabra
Enviado por josean o Xov, 11/11/2021 - 19:07Ata a porta de 5º achegouse un gato negro e na súa compaña "A dama dos pés de cabra", e aproveitando o suceso os nenos de 5º entrevistárona para todos vos.
Samaín de Enzo
Enviado por josean o Xov, 11/11/2021 - 18:01Xa rematamos co Samaín? Pois inda quedan moitos traballos pendentes, coma este primeirizo de Enzo, onde tocando cada unha das letras da palabra, verás o que sucede.
Seres Mitolóxicos Galegos en código QR
Enviado por josean o Mér, 10/11/2021 - 23:40Descifra o código QR feito por Aylen e que insertamos un pouquiño máis abaixo cun dispositivo móbil e déixanos un comentario co teu nome e curso co nome e o número da personaxe mitolóxica que aparece no video debaixo do código
Xornada de mobilidade en bicicleta
Enviado por Belen o Mér, 03/11/2021 - 16:23O pasado luns celebramos no colexio unhas xornadas de mobilidade en bicicleta, grazas á Policía Local e voluntarios de Protección Civil. Despois dunha charla e un pequeno circuito para facer coas bicicletas puidemos saír fóra do recinto e demos un paseo en bicicleta.
Recordemos e practiquemos as normas de educación vial na bicicleta e vide áo cole en bici, que hai aparcabicis!
Aquí vos deixo un pequeno vídeo.
ELECCIÓNS PARA A RENOVACIÓN DO CONSELLO ESCOLAR: ACTAS DO ESCRUTINIO E PROCLAMACIÓN DE CANDIDATOS
Enviado por Anónimo o Mér, 03/11/2021 - 14:14Estimadas familias:
Finalizado o proceso de renovación do consello escolar do centro, achegámoslles as actas das votacións dos diferentes sectores, así como a acta de proclamación de candidatos.
Agradecemos a todas as persoas que participaron no proceso, tanto votantes, como candidatos, como integrantes da xunta electoral e das mesas de votación, a súa colaboración neste proceso electoral.
Infórmolles, así, mesmo, que o novo consello escolar constituirase o día 30 de novembro de 2021.
Un cordial saúdo,
Rafael Martínez Martí, director.
GATIPEDRO 2.0
Enviado por josean o Mar, 02/11/2021 - 16:36O Gatipedro é unha figura da Mitoloxía galega que facía que os nenos mexasen na cama. Había quen o describía coma un gato branco cun corno na cabeza do que brotaba auga e que polas noites se achegaba ás camas onde durmían os nenos.
Para ver o que é quen de facer o Gatipedro, preme a bandeira sobre a imaxe, a barra do espazo, e moi especialmente a tecla Q.
Traballo realizado por Roberto Carlos Santiago Nedea de 5º
