Novas do Sequelo é un xornal ideado polos nenos de 4º A de cara ao 1º de Abril, que xa sabedes a onde van os burros nese día. Por mor de nefastos acontecementos non foi posibel o telo editado nese día. Cun pouco de retraso, pero aquí tedes as noticias inventadas para tal data polos alumnos.

Noelia Rodríguez, presentadora do espazo “O Tempo” na TVG, impartiu unha charla ao alumnado de 4º curso onde lles explicou o seu traballo como meteoróloga, os medios que utilizaban para prognosticar o tempo (modelos numéricos, mapas, satélite Meteosat, internet, etc.), a forma de gravación do programa televisivo,…

A continuación respondeu ás numerosas cuestións que lle formularon os nenos ao tempo que tamén lles preguntaba sobre a formación de fenómenos meteorolóxicos, como a formación do “arco da vella”, da neve ou da chuva. A actividade foi planificada para potenciar o estudo do tempo atmosférico que nestes días traballan os alumnos de cuarto nas súas aulas.

Os nenos saíron moi satisfeitos da charla xa que foi unha actividade moi novedosa porque, ademais de aprender sobre a climatoloxía galega, puideron coñecer de primeira man o traballo nos medios de comunicación.

Coñeces o nome de cada elemento xeográfico sinalado no mapa? Ponte a proba con este mapa interactivo. Tes que elixir a resposta axeitada dun listado con varias opcións.

E o dos ríos de Galicia?

Despois de 3 anos nun Obradoiro de Expresión Escrita, isto foi o que conseguiron facer os rapaces de 4º ao redor do mundo da escola dentro do proxecto que estamos levando a cabo "40 Anos de Escola"