IES Pazo da Mercé

 Na semana do luns 11 ao venres 15 deste mes de novembro temos no noso Instituto, en Usos Múltiples, a exposición “Reixas. Mulleres baixo o terror franquista”. Son seis paneis dobres que recollen, a través de 78 fotografías e a historia de 172 mulleres, as terribles consecuencias do Golpe de Estado franquista do 36 sobre as mulleres na provincia de Pontevedra. A exposición está artellada a partir de tres grandes eixes: contextualización histórica (os logros da II República), represión en todas as modalidades da ditadura franquista contra as mulleres, e recoñecemento do labor solidario e resistente das mulleres.

Co inicio de curso puxemos en marcha un novo proxecto no IES: a creación dunha ludoteca. Nela podes atopar diferentes tipos de xogos de mesa que traballan habilidades distintas, desde a competencia matemática, a lingüística, a capacidade atencional... Deste xeito, a rapazada adquire, de maneira inconsciente e lúdica, unha chea de destrezas que tamén a están a educar.

Así que, desde este curso,  tamén APRENDEMOS XOGANDO!!

A actividade consiste en que o alumnado  pose diante da imaxe que anexamos cos materiais que elaboraron ou simplemente en grupo. Unha vez feito o posadoiro, o centro remitmos as fotos a este correo (correlingua@gmail.com) e desde o Correlingua colgarán as fotos na súa páxina web e páxinas de Facebook e Instagram. Así mesmo, colgamos tamén estas fotos na nosa web.

O GALEGO É A FÓRMULA

 O pasado venres 11 de outubro 2019 tivemos a a sorte de poder presentar o documental “ O SALTO ” de Adrián González, documentalista e ex alumno do centro, alén de contar coa súa presencia no visionado.

Realizamos o evento en usos múltiples desde ás 12 e 10 ás 13:10 e acudiron a velo o alumnado dos grupos de 3º pmar,4º a, 4º b, 1º bacharelato, 2º bacharelato e ciclo medio.

O pasado 7 de outubro o alumnado de 3ºA, xunto co seu profesor de debuxo, participaron na elaboración dun mural relacionado co programa "Mulleres en acción. Violencia zero", a prol da igualdade de xénero e contra a discriminación machista. Como no ano anterior, o noso centro foi tido en conta para esta actividade organizada pola Deputación de Pontevedra, coa colaboración do Concello das Neves. A coordinación e dirección técnica do mural estivo a cargo de Vanesa Álvarez, coñecida artista urbana.

Noraboa a alumnado e profesor!