Matrícula curso 2018-2019. Período de admisión

Infórmase de que está aberto o prazo para o procedemento de admisión de alumnado para o curso 2018-2019. As datas son desde o día 1 ao 20 de marzo.

As prazas vacantes son as que se indican:

1º ESO : 33 + 6 NEE                                         2º ESO: 15

3º ESO: 17                                                     4º ESO: 14

1º BAC: 26                                                     2º BAC: 42

Toda a información a pode atopar no seguinte enlace https://www.edu.xunta.es/admisionalumnado/

A solicitude de admisión pódela descargar aquí: Solicitude admisión

Erasmus +

Baremo aplicado á escolla de estudantes para o programa erasmus+ no caso de concorrencia de máis solicitudes ca prazas.

DÍA DE ROSALÍA. UN CALDO DE GLORIA PARA CELEBRAR O SEU ANIVERSARIO

Mañá celebramos no centro o Día de Rosalía e seguindo a iniciativa da Fundación Rosalía de Castro imos elaborar un “Caldo de Gloria”, inspirado no poema “Miña casiña, meu lar”. Repartirase este caldo durante o recreo (11:30 a 12:10) na entrada cara ao Edificio Novo. Leranse varios poemas da autora ao comezo do acto e logo as actividades continuarán na Biblioteca con música e recitados. Estades todas e todos convidados a celebrar connosco o aniversario da poeta.

No poema de “Miña casiña, meu lar” podedes atopar a receita por se o queredes elaborar vós e facer que as redes sociais lle renda homenaxe a Rosalía. Para iso é preciso facer un Caldo de Gloria -tedes a receita na páxina-, ler un poema de Rosalía e compartir unha foto nas redes sociais cos seguintes cancelos (hashtags): #CaldodeGloria #DíadeRosalía.

Animádevos!

Entroido

O venres 9 de febreiro chegou o Entroido ao instituto, veu cheíño de disfraces e música, como é habitual nel. Foi un día no que alumando, persoal non docente e profesorado riu e gozou coas chanzas e bromas dos entroidos, e acabou, como non podía ser doutro xeito, coa queima do Meco e o concurso de disfraces. Parabéns ás gañadoras e gañadores!
Moitas grazas a todos e a todas por participardes nesta festa tan nosa. Volvémonos ver para o ano.
 

  

"MULLERES EN ACCIÓN. VIOLENCIA ZERO" no noso Instituto.

O noso Instituto acolleu o pasado mércores 7 deste mes de febreiro un importante acto do programa "Mulleres en acción. Violencia Zero", deseñado pola Deputación de Pontevedra. Consistiu nunha "acción poética" titulada "Cofre de maquillaxe" a cargo de Olalla Cociña. Esta poeta e xornalista, con esta intervención, amosou claramente que a arte, neste caso a literatura e o audiovisual, é unha ferramenta de sensibilización e concienciación contra a violencia machista. Evidenciou o poder da poesía como berro de denuncia fronte a unha realidade dramática como é o feminicidio e o patriarcado. Cómpre concienciarnos  de que a loita contra o machismo en todas as súas manifestacións é unha base principal para a construcción dunha sociedade máis xusta e igualitaria. En relación con isto, lembramos que hai convocada a xornada reivindicativa de "Mulleres en Folga" para o 8 de marzo, Día Internacional da Muller Traballadora.

Agradecemos ao Concello das Neves que contasen co noso centro para a realización deste acto e á Deputación de Pontevedra, a través do seu Servizo de Igualdade, esta colaboración. Tamén tivemos a ledicia de contarmos, entre as persoas asistentes, xunto ao alumnado e profesorado, a representantes de ambas institucións, coa presenza do alcalde, Xosé Manuel Rodríguez Méndez, e da presidenta do organismo provincial, Carmela Silva.

 

Distribuir contido