Este mércores o alumnado de 3º da ESO visita Galiciencia, a maior feira científica que se celebra en Galicia, no Parque Tecnolóxico de Ourense. A temática á que vai dirixida este ano é a economía circular, é dicir, tratar de reducir o consumo dos recursos e recircular os xa utilizados.
A odontóloga Lucía Sales fala da importancia de ter unha boca sana ó alumnado de 1º e de 2º da ESO. Tamén da indicacións de cómo levar a cabo unha correcta limpeza bucal, ademais de amosar a través dunha maqueta, cómo limparse dun xeito correcto.
A poetisa Nuria Vilán Prado, firme defensora da poesía oral e falada, expón, recita e analiza os poemas da nosa Rosalía de Castro, xunto co alumnado de 3º da ESO e 1º de Bacharelato.
Alumnado de 1º e 2º ESO foron de excursión a Guimaraes. Alí visitaron o Paço dos Duques e a súa magnífica capela. Tamén viron a Igreja de São Miguel, e o Castelo de Guimaraes. Máis tarde, subiron en teleférico ao monte da Penha. No monte puideron explorar a zona e ver varios sitios de interese.
A derradeira parada da viaxe, antes de regresar ás Neves, foi Ponte da Lima; pasearon polas súas rúas, polo seu paseo fluvial, e puideron contemplar os famosos soldados romanos.