Eventos

O próximo 25 de outubro o alumnado da materia de música de 1º e 2º de Bacharelato e e 4º da Eso asistirá ao Concerto Didáctico da Real Filharmonía de Galicia con Paul Daniel como director e para escoitar a Sinfonía nº1 en sol menor de Chaikovski coñecida como "Sonos de inverno"

O horario da actividade irá de 10:20 a 12:30 da mañá 

O alumnado de 1º e 2º curso do Ciclo Superior de Estética terá a oportunidade de asistir a un obradoiro especial de Reflexoloxía Podal a cargo da destacada profesional Mª Carmen Matalobos no Taller 2 de Estética o vindeiro 4 de novembro.

Para quen non a coñeza, Mª Carmen Matalobos é unha recoñecida profesional deste ámbito, con décadas de experiencia, e da que podemos atopar múltiples referencias positivas na web relacionadas co seu traballo entre as que destacamos por exemplo a entrevista da Voz de Galicia "las manos casi santas de Mari Carmen" ou este artigo nun blog especializado titulado "Salud en la planta de los pies" en referencia ao coidado dos pes en idade infantil. Rendibilizade os seus coñecementos compartidos!!!!

O alumnado de 3º e 4º da ESO terá o vindeiro luns unha interesante charla con Francisco Méndez Gómez sobre a "Economía circular". A actividade terá lugar na Biblioteca do Lamas xusto na hora despois do recreo (11:55 a 12:45)

 Un ano máis o CS de Estética Integral e Benestar (2º Curso) participará no Curso Formativo de Termalismo do Balneario de Cuntis. A data de realización do curso será o mércores 6 de novembro de 2019 durante toda a xornada acompañados de profesorado do Centro.

Falar de Suso de Toro é falar de Literatura Galega con maiúsculas, pero tamén destaca polos seus traballos en teatro, televisión, cinematografía, xornalismo e compromiso político. 

Por todo isto Suso de Toro será o convidado para unha charla na Biblioteca do Lamas o próximo 7 de novembro da que gozará o alumnado dos cursos de 1º e 2º de Bacharelato das materias de "narrativas cinematográficas" e "Cinema e Literatura galegos". A actividade está programada para comezar ás 12:00

O Departamento de Orientación ten organizado un programa de actividades pensando na celebración do "día contra a Violencia de Xénero" que se celebrará o 25 de novembro.

Neste contexto a primeira das actividades programadas será esta conferencia titulada "Medrando en Igualdade" que se impartirá o 7 de novembro no Salón de Actos. O alumnado de 1º da ESO asistirá entre as 12:45 e as 13:35, e o alumnado de 2º da ESO asistirá entre as 13:35 e as 14:25. 

A prestixiosa marca de cosmética Avène con sede en París, responsable do desenvolvemento de multitudes de cremas, augas micelares e produtos de maquillaxe entre outros moitos, impartirá no Lamas de Abade unha charla sobre o Acné.

O alumnado que asistirá a esta charla será o matriculado nos cursos de 1º e 2º de FAEPA-B.

A charla será impartida o vindeiro luns 11 de novembro en horario de tarde dende as 16:00 horas

Unha nova edición do Congreso da ENCIGA (Asociación de Ensinantes de Ciencias de Galicia) na que o noso alumnado aportará de novo unha ponencia de grande interese.

O XXXII Congreso está a celebrarse dende hoxe no IES María Sarmiento de Viveiro. Nesta ocasión a conferencia que presentarán Rita Domínguez e Sergio Dacal do 1º de Bacharelato do IES Lamas e Abade, acompañados polo profesor de Ciencias José Manuel Facal, estuda un curioso e complexo acontecemento aeronáutico que desenvolven baixo o título "El despegue que nunca existió". Prometen remitir fotografías do evento. Moita sorte coa ponencia!!

Unha nova edición do Congreso da ENCIGA (Asociación de Ensinantes de Ciencias de Galicia) na que o noso alumnado aportará de novo unha ponencia de grande interese.

O XXXII Congreso está a celebrarse dende hoxe no IES María Sarmiento de Viveiro. Nesta ocasión a conferencia que presentarán Rita Domínguez e Sergio Dacal do 1º de Bacharelato do IES Lamas e Abade, acompañados polo profesor de Ciencias José Manuel Facal, estuda un curioso e complexo acontecemento aeronáutico que desenvolven baixo o título "El despegue que nunca existió". Prometen remitir fotografías do evento. Moita sorte coa ponencia!!

Unha nova edición do Congreso da ENCIGA (Asociación de Ensinantes de Ciencias de Galicia) na que o noso alumnado aportará de novo unha ponencia de grande interese.

O XXXII Congreso está a celebrarse dende hoxe no IES María Sarmiento de Viveiro. Nesta ocasión a conferencia que presentarán Rita Domínguez e Sergio Dacal do 1º de Bacharelato do IES Lamas e Abade, acompañados polo profesor de Ciencias José Manuel Facal, estuda un curioso e complexo acontecemento aeronáutico que desenvolven baixo o título "El despegue que nunca existió". Prometen remitir fotografías do evento. Moita sorte coa ponencia!!

O Doutor Anxo Carracedo é, entre outros méritos e títulos, Catedrático da USC, Director Executivo da Fundación Galega de Medicina Xenómica, Director do Centro Nacional de Xenotipado, Coordinador do Grupo de Medicina Xenómica, representante de España na Axencia Europea do Medicamento ou Editor da revista Forensic ScienceInternational Genetics.

Estes son algúns dos avais dun dos científicos máis importantes da actualidade. Investigador e experto internacional en Xenética que, por riba, sempre ten un pouco do seu tempo dispoñible para actividades de difusión. 

Por iso poderemos gozar da súa presenza o día 22 de novembro cunha conferencia titulada "Presente e Futuro da Medicina Xenómica" no Salón de Actos do IES Lamas de Abade xusto ao rematar o recreo (12:00 horas).