Neste curso 2018-2019 non faltamos á nosa primaveral cita no Teatro Colón o mércores 13 de marzo. Como ven sendo habitual, na sesión matutina representouse unha traxedia (Bacantes de Eurípides) e na vespertina unha comedia (Anfitrión de Plauto). Noite Bohemia foi a compañía encargada das dúas obras que fixeron as delicias do alumnado de Latín e Grego do noso centro. Procuraremos repetir a gozosa experiencia nos anos vindeiros...
As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe.
Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.
