Educación física de primaria

A CORREEEEEEERRRR!

Deixámosvos o enlace para que poidades ver o video promocional da XVI carreira pedestre de Lestrove 2019 no que podemos ver á  compañeira Sabela, de 4º de Primaria, na compaña de dous grandes atletas veciños nosos,  a ver se os coñecedes...

Aproveitamos para informarvos que o vindeiro luns 4 de novembro teremos entre nós a Uxío  para darnos a coñecer o triatlon e falarnos sobre os beneficios da vida activa sobre a nosa saúde.

E agora... correndo a inscribirse para participar na carreira!!

PRACTICAMOS JUDO

Hoxe tivemos entre nós a Toño Gómez, monitor de judo do clube Senín de Cambados, para dar a coñecer este deporte de loita entre o alumnado de 1º, 3º e 5. Mañá volverá para presentarse aos alumn@s de 2º, 4º e 6º.

Practicamos as caídas, inmobilizacións, xiros, volteos, proxeccións,... en pouco tempo polo que, se vos interesa continuar aprendendo, debedes anotarvos ás sesións que organiza a ANPA fóra de horario lectivo.

Desde aquí animávosvos a tod@s!

 

 

 

 

 

 

 

 GALERÍA DE FOTOS

COÑECEMOS O BALONCESTO

O venres estivo no noso cole Finso, entrenador do clube de baloncesto Río Ulla de Pontecesures, para dar a coñecer este deporte entre o alumnado de 5º e 6º. Ademáis de facer uns xogos predeportivos moi divertidos, falounos sobre as ventaxas de practicalo e o funcionamento do seu clube.

 

Non hai máis que ver as fotos para darse conta do ben que o pasamos.

Non esquezades contactar co clube para continuar practicando!

SLACKLINE

Aproveitamos o bo tempo para montar no patio a nosa nova adquisición, un SLACKLINE  que nos vai axudar a traballar o equilibrio.

Aquí temos a Jose cos preparativos:

 

E cada un, co seu nivel de competencia, tenta cruzar ata o outro extremo:

 

 

 

 

E con isto, despedímonos ata o novo curso. Gozade do verán e de todo o que nos ofrece. Non esquezades correr e xogar mooooooooito!

BOAS VACACIÓNS PARA TOD@S!

XOGOS POPULARES

 Outro ano máis contamos coa colaboración da Asociación Cultural O Morasón, de Dodro, que nos prestan o material de xogos populares para desenvolver a UD na escola. Grazas a eles recuperamos xogos esquecidos: a chave, a rá, a petanca, as chapas,... tan divertidos e á vez tan necesarios.

 

 

 

 

 

Agradecemos a esta asociación o préstamo deste material e prometemos devolverllo e excelente estado.

PRACTICAMOS PIRAGÜISMO CO CLUBE AS TORRES DE CATOIRA.

Martes 11 de xuño, despois de aprazar a actividade polo mal tempo, por fin puidemos estrenarnos no río Ulla coa colaboración do clube As Torres. Tampouco atinamos co día ideal porque sopraba moito norte e a máis de un cáseque temos que remolcalo desde Carril. Pero, aínda así, gozamos coa piragua e a pá. E deunos tempo para facer vikingadas preto das Torres e máis para probar a auga medicinal que nace alí preto. 

 

 

 Co drakar vikingo ao fondo:

 Fermosa vista das Torres e os kayakistas nóveles:

 Probando a auga medicinal:

O grupo antes da actividade. Este ano non presentamos ningunha foto na auga, pois tanto Jose coma Lucía animáronse a padexar contra o vento GuayGuay

 Agradecemos a Aldara, David e Xoana, os monitores do clube As Torres, o esforzo e adicación que nos prestaron. 

Non esquezades contactar co clube para os cursos de iniciación que organizan no verán. O mellor plan: vacacións con deporte!

GALERÍA DE FOTOS

ACTIVIDADE INTERDISCIPLINAR II

Tal e como prometemos, volvemos. Despois do éxito da actividade interdisciplinar entre EF e inglés con grupos de 1º e 2º , decidimos repetir co resto dos agrupamentos.

Aquí nos tendes practicando as diferentes posicións de ioga: the cat, the lotus flower, the cobra, the flamingo, the rock , the rainbow in the sky, the elephant,... in ENGLISH!!! 

 

 

 

 

Ademáis de traballar a competencia lingüística compartimos un momento de actividade e relaxación cos nosos compañeir@s. Grazas teacher Merchy!

KENPO

 Hoxe, mércores 22 de maio, tivemos connosco a Laura Guimarey e a Ricky, membros do clube KENPO VILAGARCÍA, que viñeron para presentarnos esta arte marcial. 

Laura comezou a practicar kenpo aos 12 anos despois de sentirse motivada ao ver pelis de pelexas. Debutou no campionato de España no 2009 no que conseguiu un bronce.Foi catro veces campiona de españa e este ano gañou o Campionato do Mundo celebrado en Guadalajara no mes de abril.

Explicáronnos que neste deporte aprendemos a golpear, pero o máis importante é aprender a defenderse. Velaquí distintos momentos ao longo da presentación.

 

 

Puidemos ver e tocar as medallas acadadas nos distintos campeonatos.

E tivemos ocasión de practicar un chisquiño.

 

O máis importante é que nos achegaron os valores que fomenta este deporte: constancia, respecto, disciplina, traballo en equipo, confianza nos compañeiros, e sobre todo, crer en nós mesmos e ser humildes, tanto no deporte como na vida.

 Aquí nos tendes nunhas fermosas fotos de grupo.

 

 

Agradecemos a Laura e Ricky a súa presencia no cole. Aprendemos moito e pasámolo moi ben con eles.

Podedes ver todas as fotos na GALERÍA

TRABALLO POR RETOS

Ao longo da semana pasada estivemos traballando  para superar diferentes retos. Démonos conta de que axudándonos uns a outros a tarefa resulta máis doada e a satisfaccion do grupo é maior.

 

Unha lección que nos vale para aprender a desenvolvernos na nosa vida cotiá.

ACTIVIDADE INTERDISCIPLINAR

O xoves 9 de maio o alumnado de 1º e 2º de Primaria desenvolvemos unha actividade interdisciplinar de EF en lingua inglesa.

Coa colaboración de Merchy e Jose puxemos en práctica diferentes exercicios de ioga dirixidos por  teacher Willow, a nosa auxiliar de conversa.

Primeiro quentamos con diferentes tipos de carreira e xogos.

 

 

A continuación practicamos as diferentes posicións de ioga: the cat, the lotus flower, the cobra, the flamingo, the rock , the rainbow in the sky, the elephant,... Traballamos a coordinación corpo-mente,  con actividades para sincronizar a respiración co movemento do noso corpo e todo isto...In ENGLISH!!!

Aquí nos tendes "dándoo todo". 

 

 

 

 

Foi unha actividade divertida e proveitosa que nos gustaría volver  repetir en canto sexa posible. A seguir practicando na casa!

 

Powered by Drupal - Design by artinet