LISTAXE DE LIBROS DE TEXTO CURSO 24-25

Nos enlaces teñen acceso á listaxe de libros de texto do centro para o vindeiro curso:

LIBROS TEXTO PRIMARIA

Na listaxe de libros de texto, no libro de inglés de 1º, 2º, 3º e 5º, aparece un número de ISBN que enviou por erro a editorial.
Os ISBN correctos son os seguintes:

1º EP:
GO FAR! 1 STUDENT'S= ISBN 978-84-668-3653-1
2º EP:
GO FAR! 2 STUDENT'S= ISBN 978-84-668-3654-8
3º EP:
GO FAR! 3 STUDENT'S= ISBN 978-84-668-3655-5
5º EP:
GO FAR! 5 STUDENT'S = ISBN 978-84-668-3657-9

LIBROS TEXTO ESO

GRADUACIÓN DE 4º DA ESO E ÚLTIMO DÍA DE CURSO.

ACTIVIDADE DE CONVIVENCIA

O venres 21 de xullo celebramos a graduación do grupo de 4º da ESO coa súa titora Susana Presas. Neste grupo a porcentaxe de titulación foi do 100%, polo que queremos parabenizar a todas e todos os graduados. Nese último día todos os grupos fixeron unha pequena celebración de despedida do curso. Agardámosvos o curso que vén. Boas vacacións!

Aquí tedes todas as fotos.

Xornada de portas abertas

O pasado día 20 de xuño celebramos a xornada de portas abertas para a presentación dos traballos feitos no proxecto de centro que este ano levou por título: Que animalada!

 

 Aquí e aquí tedes todas as fotos. 

E aquí as do proxecto que o alumnado de 1º e 3º de ESO elaborou para a Xornada de Portas Abertas con imaxes e frases de personaxes célebres sobre cans e gatos. Os alumnos e alumnas de 1º fixeron a escolla dos textos e os montaron e o alumnado de 3º colocounas no corredor de secundaria para que os visitantes puideran desfrutar da exposición.

Agardamos que a xornada fose interesante para todos. 

 

FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR PARA O CURSO 2024-2025.


 
Publicada a ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).
 
Poden consultar a dita orde no seguinte enlace:
 
https://www.xunta.gal/dog/Publicados/2024/20240520/AnuncioG0761-080524-0003_gl.html
 
Con respecto ao fondo solidario, en todos os cursos de 3º, 4º, 5º e 6º de Primaria e 1º, 2º, 3º e 4º de ESO manteranse os libros de texto do curso 2023/2024.
 
As solicitudes presentaranse preferiblemente por vía electrónica a través do formulario normalizado (ED330B-anexos I e II) dispoñible na aplicación https://www.edu.xunta.gal/fondolibros/ ou a través da sede electrónica da Xunta de Galicia  https://sede.xunta.gal/portada. Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365).
 
Non se tramitarán solicitudes polo correo electrónico.
 
Opcionalmente, poderán presentarse presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.
 
O prazo para presentar as solicitudes remata o 21 de xuño de 2024 (este incluído). Calquera solicitude presentada despois dese día será excluída.
 
HORARIO DE ATENCIÓN AO PÚBLICO DE 09:00 a 14:00

 

Dia de Rosalía

O dia de Rosalía foi toda unha festa. Traballamos os animais nos poemas de Rosalia. Aqui tendes un vídeo que resume os recitados do alumnado:

 

    Nesta Ligazón podedes ver mais vídeos e fotos

 

Entroido 2024

O pasado venres 16 de febreiro celebramos o Entroido deste ano coa colaboración das familias na preparación de productos típicos (filloas, orellas...) e no acompañamento durante a celebración. Este ano o motivo dos traxes estivo en consonancia co tema do proxecto de centro: Que animalada''!

 

Nestas ligazóns podedes ver as fotos e vídeos da celebración. 

Ligazón 1

Ligazón 2

Ligazón 3

Ligazón 4

Festival de Nadal 2023

E así foi o festival de Nadal deste curso 2023/24, que compartillamos co CRA.

 

 

NESTA LIGAZÓN podedes ver todos os vídeos e fotos das actuacións.

 

Que teñades unhas boas festas e un feliz 2024.

CLUB DA VECIÑANZA SEGUNDO TRIMESTRE

Agradecemos a Óscar Reboiras a visita ao club de lectura da veciñanza e tamén a súa achega, que recollemos encantadas, a lectura da obra de Fabio Rivas, un feixe de relatos curtos publicados co título "A pintura debida". Animádevos a ler con nós!

 

Xuntanza Club de Lectura Veciñanza

Que calificativo poñerlle á xuntanza da primeira sesión deste curso do Club de Lectura da Veciñanza? Pois, sinceramente, foi mooooi "heavy". Si, si: "heavy", "heavy". Pero calma, non vos asustedes! O ambiente na biblio do Eusebio foi incrible. Comprendemos que iso que moitas veces tendemos a considerar "ruído" en realidade é o mellor dos silencios:
 
"un momento para fuxir, para evadirse, para non escoitar o verdadeiro ruído. Ese que de verdade esgaza a túa alma".
 
Si. Heavy metal e literatura. Drogas duras? Talvez menciñas, pílulas de dignidade; recunchos para sermos, explicármonos e encontrármonos.
Paseamos pola existencia tan humana das personaxes da novela, pequenas folerpas, efémeras, condenadas desde o nacemento á agonía, mais imprescindibles para constituír o fermoso manto branco de neve que é a vida. Esconxuramos dalgún xeito as súas miserias e fraxilidades e, co cariño de facelas nosas, identificármonos, fixémoslles a cada unha o seu particular "Resurrection Fest". 
Celebramos a ousadía do escritor novel, explorador minucioso, ao agasallarnos coa personaxe de Sure3, folerpa que se coou sen o permiso do canon da novela negra. A heroicidade era outra cousa e nós sabiámolo.
Namorámonos do Xurés ou Peneda-Gerês, tanto ten. Habémolo patear, percorrer, con novos ollos, lembrándonos de Fina, de Padín, de Moncho... e tamén da Carbonaria, aínda que non haxa tartarugas en Salgueiro, Farnadeiros, Prado, no alto das Gralleiras nin no rego da Candaira, "alí onde o bosque frondoso do Iribo se apodera da ladeira".
 
Óscar Reboiras, grazas por este agasallo e por ser folerpa na Comunidade educativa do Eusebio Lorenzo Baleirón. Sabes que esta é xa a túa casa e este Club de Lectura a túa incondicionalísima e para sempre-efémera "Black Metal Mafia".
 
Ligazón Facebook
 

25N DÍA INTERNACIONAL DA ELIMINACIÓN DA VIOLENCIA CONTRA A MULLER

O venres pasado celebramos o día da eliminación da violencia contra a muller cun acto conxunto de Primaria e Secundaria no que se sensibilizou ao alumnado na utilización de adxectivos utilizados cos animais que soen ter conotacións negativas. O mural de "Somos Manda" recolleo atributos positivos dos animais. O alumnado colocou na porta da casa de Rosalía unha orla coas súas fotos e unha mensaxe contra a violencia, xuntándose a esta iniciativa para erradicar todas as violencias a través da súa rúbrica detrás da orla. 

 

Aquí podedes ver todas as fotos da actividade e aquí podedes ver a materia no facebook.

 

Powered by Drupal - Design by artinet