O concello de Dodro, dende o Departamento de Servizos Sociais, oferta axudas económicas á escolaridade. No cartel poden ver toda a información.

No enlace poden consultar as listaxes de material escolar de primaria:

https://drive.google.com/file/d/1iN_QyGOaVwZYOfpOnKTCM3IQWXFM_Iig/view?usp=sharing

O Concello de Dodro organiza clases de reforzo educativo para o verán. 

Poden ver a información no cartel adxunto.

INFORMACIÓN DE UTILIDADE PARA REDUCIR A PROPAGACIÓN DE VIRUS NAS ÉPOCAS DE GRIPE

Bo día:

O Concello de Dodro, ven de iniciar un Plan de Mobilidade Sustentable. Este servirá como ferramenta de planificación estratéxica do seu territorio a través do fomento dunha mobilidade sustentable, que procure unha accesibilidade universal e implique transformar múltiples hábitos da mobilidade. A implantación de formas de desprazamentos máis sustentables (camiñar, bicicleta, transporte público)está estreitamente ligada á redución da contaminación, á mellora da contorna dos núcleos de poboación e ao impulso da inclusión social.
Como inicio do proceso de toma de datos, o equipo redactor xa comezou a avaliar a calidade do espazo público e localizar aqueles puntos sobre os que resultaría de especial interese actuar. Con este obxecto poñemos a disposición da poboación unha consulta dixital online na que calquera persoa residente neste termo municipal terá a opción de participar, de xeito que sexa posible coñecer tanto as demandas e propostas, como os hábitos de mobilidade dos seus veciños e veciñas en relación ao Plan de Mobilidade Sustentable.

O cuestionario online, é de carácter anónimo e poderá cubrirse ata mediados de Marzo. Deixamos aquí o enlace á mesma para que a cumprimentedes:
http://plandemobilidade.com/dodro/

De xeito adicional poderán enviarse suxestións ao correo seguinte correo electrónico:
dodro@plandemobilidade.com

A necesidade de desenvolver un Plan de Mobilidade no Concello de Dodro xorde a raíz da crecente preocupación polo medio ambiente e o fomento de modos de transporte sustentables.

Graciñas pola súa colaboración, un saúdo.

A Concellería de Cultura e Patrimonio do Concello de Dodro organiza, xunto cos outros concellos que forman parte do proxecto As Pegadas de Rosalía e que integran a Ruta Rosaliana (Ames, Brión, Padrón e Santiago), unha andaina para o vindeiro 8 de marzo.
Esta actividade recibe o nome de Andaina "Rosalías da Vida" e sairá das Torres de Hermida (Lestrobe) para rematar na Praza do Obradoiro, en Santiago de Compostela. A participación na mesma é gratuíta e inclúe servizo de autocar para o regreso ata o punto de orixe, compre realizar inscrición previa pois as prazas son limitadas.

Actividades que a Concellería de Cultura e Patrimonio do Concello de Dodro desenvolverá nos seguintes días:

ENLACE

O Concello de Dodro celebra o vindeiro martes, 25 de febreiro, o concurso de disfraces do Entroido 2020, animamos a toda a poboación a participar, e achegamos o cartel, o documento de inscrición e enlace ás Bases de participación con toda a información:

https://bop.dicoruna.es/bopportal/publicado/2020/02/04/2020_0000000636.pdf

Achegamos información, no cartel adxunto, sobre a presentación de dúas obras literarias do escritor Anxo Angueira na Biblioteca Municipal, este venres, 31 de xaneiro. Actividade na que contaremos coa participación do propio autor e do escritor, Manuel Lorenzo Baleirón.

Graciñas, un saúdo.

Natividad Lorenzo Campos
Animadora cultural
Concello de Dodro