Lingua Galega

LETRAS GALEGAS 18-19

Comezamos hoxe, sempre a carón da nosa porta violeta,  a celebración do Día das Letras Galegas recibindo a visita dos nosos maiores que se trasladaron dende o Centro de Día do Concello de Dodro para compartir este día con nós. Comezou a xornada co grupo de  2º de Primaria contándonos cousas moi interesantes sobre a vida de obra de Antón Fraguas. A continuación, o alumnado de  1º de Primaria recitou citas do noso refraneiro.

 

A  seguir, 3º de Primaria, leunos a Cantiga de Santo André e, seguidamente, pasaron a ilustrarnos os alumnos e alumnas de 6º de Primaria coa súa presentación sobre "Os hórreos" e de 4º de Primaria coa presentación "Os muíños", seguindo un pouco a vertente do traballo de Antón Fraguas sobre o patrimonio.

 




 

Tras interesante intervención do alumnado, demos paso ás anciás e anciáns para que nos contasen o que saben e o que viviron en relación cos hórreos e muíños. Houbo preguntas e respostas de grande interese..

 

 

Tamén houbo parte musical. Actuou un grupo de 3 alumnos de 4º que interpreton dúas pezas tradicionais e, a partir de aí os maiores coa axuda do alumnado de 5º e de todo o público cantaron cantigas de labor.

 

Rematado o acto, os maiores marcaharone nós continuamos, xa no patio de herba,  coa representación por parte de 2º de primaria do   "O casamento da pulga", unha obra preciosa que nos encantou a todos..


Por último, xa como remate, fixemos un obradoiro de baile tradicional no que participou todo o centro, profes e alumnos/as e que foi dirixido por un grupo de alumnado de ambas etapas que son bastante destros nesto da "Muiñeira"..foi unha chulada!

 

Os "profes de baile"

 

Momento do obradoiro

 

Un que quedou derreado

Pola tarde o alumnado de ESO realizou unha visita a un muíño que aínda se mantén en traballando en Teaio. Tivemos a colaboración de Isabel Sóñora e familia que nos explicaron marabillosamente todo o que hai que saber do funcionamento dos muíños hidráulicos.


Unha xornada para lembrar, na que tivemos en conta o noso patrimonio arquitectónico, as cantigas, o baile, os contos, ... entrañable a visita dos nosos maiores, e rematada con éxito coa fantástica explicación de Isabel e a posta en funcionamento do muiño de Teaio. Chapeau por tod@s.

 GALERÍA DE FOTOS E VÍDEOS ACTIVIDADE NO CENTRO

GALERÍA DE FOTOS SAÍDA AOS MUÍÑOS

LUIS ZAHERA

Hoxe venres recibimos a visita do actor Luis Zahera que nos deleitou contándonos a súa experiencia profesional e respostando ás preguntas do alumnado de ESO. Ao remate e como colofón final sometémolo a unha proba do "Rosco Dodro" que nos prestou o alumnado de 2º de Primaria e co que lle fixemos preguntas sobre termos relacionados co cine. Pasou a proba e sacamos unhas fotos con el.

 

Tamén recibiron a visita de Luis os alumnos e alumnas de 4º de Primaria que están a facer un traballo xenial recabando información de actores e actrices galegos, entre eles, como non, Luis Zahera...

Na nosa revista anual publicaremos as opinións do alumnado ao respecto desta charla e contaremos algunha das anécdotas vividas hoxe nesta agradable sesión.

Foi unha experiencia marabillosa que imos recordar e que lle agradecemos de corazón ao noso actor gañador dese tan merecido Premio Goya.

Noraboa polo teu éxito Luis!!

O GALIÑEIRO ACTÚA DE NOVO

 

 

O noso Galiñeiro participou este curso nunha nova edición do Teatro Intercentros de Compostela e comarca. Foi unha experiencia maravillosa que o alumnado de 3º de ESO puido compartir cos seus compañeiros de etapa ( a algunha que outra ex-profesora..). Fixérono xenial, ano a ano van millorando.

NORABOA GALIÑEIRO, SODES UNS ARTISTAS!!!!!

CLUB DE DEBATE

 

Un ano máis o alumnado de 3º e 4º de ESO participa no Club de Debate e un ano máis chegan á final !!

 

O noso alumnado acadou o segundo premio  na fase de zona que se celebrou o venres 5 de abril en Negreira.

NORABOA RAPACES E RAPAZAS E NORABOA PROFES!!!! MOI BO TRABALLO!!!

 

 

CELEBRAMOS O DÍA INTERNACIONAL DA LINGUA MATERNA E DÍA DE ROSALÍA

Hoxe celebramos o Día Internacional da Lingua Materna e o Día de Rosalía co recitado de versos, colocación de camisetas de cor violeta e visionado de vídeo.

O panel sobre o que se colocaron as camisetas foi elaborado polo alumnado de 4º de ESO e pretende darlle continuidade á nosa porta violeta. Foron instaladas dúas ventás desta mesma cor tras as cales pódese ver a sombra de Rosalía e, no frontal, un tendal no que colgamos as nosas camisetas, tamén de cor violeta, con palabras fermosas na nosa lingua nai.

Alumnado de cada curso recitou versos diante do mural e colgáronse as camisetas, previamente elaboradas por cada titoría, no tendal que abre a lingua á ventá de Rosalía.

 

Despois o alumnado subiu á biblioteca para ver o marabilloso vídeo que elaboraron os cursos de 1º e 2º de primaria e que podedes ver no enlace, un chisco máis baixo.

O acto rematou cun "photocall" de todo o alumnado diante do tendal...

 

 GALERÍA DE FOTOS

ENLACE AO VÍDEO

DÍA INTERNACIONAL DA LINGUA MATERNA E DÍA DE ROSALÍA

Os preparativos para a conmemoración do Día da Lingua Materna e do Día de Rosalía xa están en marcha. O alumnado de 4º de ESO, na materia de Tecnoloxía, decora a parede do patio de primaria dándolle continuidade ao panel coa porta violeta que se elaboruo para o Día contra a Violencia Contra as Mulleres.. 

A CONTRALUZ CONTRA A VIOLENCIA DE XÉNERO

 

Aquí tedes a nova obra de arte do noso alumnado. Esta vez foron os alumnos e alumnas de 4º de ESO, coa colaboración dos seus compañeiros de secundaria e guiados polo profesorado dos departamentos de música, plástica e galego así como o equipo de normalización lingüística, os que realizaron este magnífico vídeo para conmemorar o Día Internacional Contra a Violencia Cara Ás Mulleres que se celebra o 25 de novembro. Con este vídeo, alumnos e profesores tratan de sensibilizar á comunidade educativa e a todos aqueles aos que lles chegue a gravación sobre a necesidade de educar en igualdade e de que sexan os homes tamén quen se levanten contra esta lacra que ameaza a practicamente todas as sociedades do mundo.

GRAN TRABALLO RAPACES, RAPAZAS E PROFESORADO!!!!!

ENLACE AO VÍDEO

Hoxe, ademais, realizamos un fermoso acto abrindo a nosa porta violeta...a porta foi construida e decorada polo alumnado de 4º de ESO na materia de Tecnoloxía. Léronse fragmentos de poesías e pegamos as fotos de todos, profes,a lumnos/as e persoal non docente. E AO ENTRAR, LIBEREIME. ESe é o lema deste acto, na espera de que poidamos liberarnos destas actitudes sexistas e da violencia de xénero. Un ano máis traballamos en pro da igualdade.

Os artistas que construiron a porta..


Algúns momentos do acto

Lectura de poemas


 

  

O visonado do vídeo foi parte tamén desta conmemoración....

 

 

ENLACE Á NOVA NO XORNAL

GALERÍA DE FOTOS

SAÍDA 3º e 4º de ESO

O martes 13 de novembro o alumnado de 3º e 4º de ESO realizou unha saída ao Plató 1000, á Alameda en santiago de Compostela e á Cidade da Cultura.

Visitaron as instalacións da TVG, no Plató 1000 para acadar información xa que dentro do proxecto de centro, o alumnado de 3º terá que elaborar, en Tecnoloxía,  a maqueta dun plató de cine. Visitamos varios platós e recibimos unha moi instructiva charla sobre o proceso de grabación, edición e producción dos programas que se fan neste centro.

 

Despois nos desprazamos a Santiago, á Alameda para facer unha práctica de identificación de árbores e saimos pitando para o Gaiás onde puidemos desfrutar dunha visita guiada á exposición "Castelao Maxistral"...como "maxistral" foi a explicación do guía que nos trasladou á época da represión franquista e fixo un relato exquisito da relación da obra de Castelao nese momento histórico e político.


 


GALERÍA DE FOTOS

 

 

DÍA DAS LETRAS GALEGAS 17-18

O martes día 15 de maio celebramos o Día das Letras Galegas cun acto no que se realizaron diferentes actividades. O alumnado de 1º de primaria fixo un repaso pola vida da autora homenaxeada María Victoria Moreno, 2º de primaria cantaron cantigas populares e pandeiradas, 4º, 5º e 6º cantaron cancións populares coa letra adaptada para a ocasión, como non, sobre María Victoria e  tocaron o himno galego, 6º de primaria relatou o conto "A Volta de Fina" e  o alumnado de 2º de ESO tocou o  blues  do "Pantrigo meu amigo" con letras da obra da autora que trataban de imitar a estrutura das cantigas de amigo.

Os alumnos e alumnas de 3º de primaria representaron unha obra con títeres titulada "So coma un can", obra adaptada dun conto en castelán que fala sobre o maltrato animal e trata de sensibilizar ao respecto do tema da adopción, para a que realizaron os diálogos e recibiron a axuda dos seus compañeiros e compañeiras de 5º de primaria que elaboraron as marionetas e repararon o teatrillo. Quedou xenial!!!

E todo isto coa inestimable axuda dos nosos presentadores Xulia e Iago de 4º de ESO.

 

GALERÍA DE FOTOS DOS TÍTERES

FOTOS DO FESTIVAL NO ENLACE

GALIÑEIRO DE 2º

O luns día 7 de maio, o alumnado de 2º de ESO interpretou a obra "Arboriña de nadal", da que xa desfrutaramos no festival deste ano de Nadal, pero esta vez fíxoo de xeito "profesional": no Teatro Principal de Santiago de Compostela dentro do Certame Teatro Intercentros. Toda unha experiencia!!!. Deixaron o pavillón moi alto porque son uns artistas.

NORABOA GALIÑEIRO!!!!!!!

Powered by Drupal - Design by artinet