19/10/2022

O próximo luns 24 de outubro, entre as 16:00 e as 18:00, as familias están invitadas a visitar a nosa Biblioteca de Infantil e Primaria. Esta xornada de portas abertas, organízase para celebrar o Día das Bibliotecas.

Preme para ver o vídeo en genially

19/06/2022

Para rematar as actividades da Biblioteca de Infantil e Primaria por este curso, aquí tedes o simpático Decálogo do lector elaborado polo alumnado de 2º B de Primaria.

26/05/2022

Para despedir o curso na biblio de Paco, organizouse unha xincana con gafas de realidade virtual. Cada grupo "entraba" en diversos libros famosos (Frankenstein, O gato con botas, Hansel e Gretel, Dr. Jekll e Mr. Hyde...), e o alumnado tiña que responder a preguntas relacionadas co que estaba vivindo. Podes ver varias fotos da actividade no álbum "Biblioteca 2022" da nosa Galería.

Preme para ver máis fotos

Preme para ver máis fotos

29/04/2022

Os pasados 28 e 29 de abril, o alumnado e o profesorado de Infantil e Primaria organizaron unha fantástica Feira do Libro no noso patio cuberto. Podedes ver algunhas fotos da feira no álbum "Biblioteca 2022" da nosa Galería.

Preme para ampliar a imaxe

29/03/2022

As cabezas pensantes da nosa Biblioteca de Infantil e Primaria non paran, e despois de inspirarse en YouTube para os seus booktubers, agora apuntan a Netflix e contraatacan co seu Lerflix. Na imaxe, podedes ver a nova cartelería da biblio para facer suxestións.

Preme para ver a presentación

21/02/2022

Para celebrar o Día de Rosalía (23 de febreiro), o equipo da Biblioteca de Infantil e Primaria preparou unha presentación coa súa biografía, libros dispoñibles no Feal, poemas musicados e incluso xogos interactivos.

12/12/2021

Preme na imaxe para ver as suxestións da Biblioteca de Infantil e Primaria para ler no Nadal.

Preme para ampliar a foto

29/11/2021

Un ano máis, achegamos o traballo premiado no novo concurso de relatos de medo organizado pola Biblioteca de Infantil e Primaria e o Equipo de Dinamización lingüística. A gañadora é Amanda Rodríguez Macías, de 6º C de Primaria, co relato "O bosque encantado". Parabéns!

Preme para ver unha presentación

08/11/2021

O pasado domingo 24 de outubro, foi o Día das Bibliotecas Escolares. Por este motivo, celebramos a inauguración da biblioteca de Infantil e Primaria para este curso escolar... con contacontos, xincana e escape room!

Preme para ver máis fotos

28/04/2021

Deixamos algunhas imaxes da nosa Feira do Libro do pasado 23 de abril no álbum "Biblioteca 2021" da nosa Galería, aínda que tamén podedes velas en forma de vídeo.

Seguindo coa nosa celebración do Día do Libro, a mascota da Biblioteca de Infantil e Primaria pedíulle ás nenas e aos nenos que mandasen unha foto "recreando" a portada do seu libro favorito. Neste outro vídeo, podedes ver todas as fotos que recibimos. Grazas a todas as familias pola súa colaboración.

Preme para ver máis portadas recreadas