Saltar navegación.
Inicio
Narón (A Coruña)

Rockola escolar

 

Ángel Carrera, 12/04/2010

O alumnado de 4º de ESO con Informática xa está pensado nos seus vídeos musicais de despedida do Feal, que tanto éxito tiveron coa promoción do ano pasado. Para ir entonando, abrimos unha nova rockola (xa tardabamos), esta vez con temática escolar. Non é tan doado como parece, hai moitas cancións infantís sobre os colexios, pero non tantas un pouco máis "adultas". Eu escollín en primeiro lugar un entrañable vídeo dos escoceses Travis (Driftwood) cunha idea tan sinxela como ben resolta: unha foto de fin de curso interrompida por unha treboada. Ademais, engadín un vídeo do vigués Fon Román (Colegio vacío) pola súa letra e tamén un clásico de Police (Don't stand so close to me) e outro de Simple Minds (Don't you forget about me) que soaba nunha película sobre un castigo de sábado pola mañá nun instituto. Outras posibilidades obvias serían a canción máis célebre de Pink Floyd (que non me gusta nada) ou a máis célebre de Britney Spears (bastante máis divertida, pero a súa compañía non permite insertar o vídeo fóra de YouTube). A ver se atopades algunha máis!!

Enderezos electrónicos

  • Equipo directivo: cpi.feal@edu.xunta.es
  • ANPA: o.buxato.anpa.o.feal@gmail.com
  • Coordinación da web: web.feal@gmail.com