Skip to Content

Benvida

 

Web do Espazo abalar Acceso á E-Dixgal Concello Educación Servizo de Videoconferencia Webex
Blog da Biblioteca

Día de Rosalía de Castro

día de rosalíaNa entrada do colexio temos unha exposición que vai medrando cada día: 
As rapazas e rapaces de E. Infantil expuxeron carteis onde demostraron as súas dotes plásticas e creativas.

En primaria, crearon cómics e ilustraron poemas inspirándose nas obras da autora.
Nas clases de robótica, alumnas/os de 6º, deseñaron unha infografía robótica --> Rosalía ReBOTada.
Na infografía aparecen os datos máis significativos da biografía e obras da poeta cun circuíto, para os mBots, cos lugares onde viviu. Cada robot portaba unha pancarta con mensaxes que xurdiron da lectura dos versos de Rosalía e asociados a situacións de inxustizas sociais que afectan as mulleres. #LibreOMeuPensamento_rdc_19 (AELG)
Programamos un piano virtual, para tocar cos robots cancións dedicadas a Rosalía como "Adios ríos, adios fontes" e "Parabéns para ti"

A celebración continúa, xa que acordamos desenvolver esta data conxuntamente co #8M día Internacional da Muller. Unirémonos á proposta da AELG "Do XIX ao XXI: Libre o meu pensamento!" participando nunha mani-FESTA-acción con pancartas elaboradas en cadansúa clase que reivindiquen os dereitos das mulleres ou que denuncien a inxustiza social que seguen a sufrir en pleno século XXI

Ver vídeo da actividade: Rosalía, unha feminista do S. XIX

Encontro literario coa escritora Iria Misa

mama quero ser ziggy stardustO luns, 18 de febreiro, a escritora Iria Misa, recibiunos no Liceo de Ourense, para compartir a súa paixón pola literatura. Centrouse sobre todo no libro que acabamos de ler "Mamá quero ser Ziggy Stardust" 

A temática do libro é promover a inclusión dos nenos e nenas transxénero. Conta a historia de Aine, un neno que vive a sua transición de nena a neno mentras cursa a educación primaria. 

A autora emprega a música  e o carisma de Ziggy Stardust, personaxe creado polo músico David Bowie, como fío condutor de todo o que lle ocorre a Aine. Grazas a música pode expresarse como quere, vestirse como quere e vivir como quere. 

Quen é Ziggy Stardust? "É un cantante de rock que tocaba unha guitarra azul de doce cordas e que chegou do espazo. Tiña o pelo de cor laranxa,  cun raio vermello que lle cruzaba o rostro. Ziggy era David Bowie na súa versión máis andróxina."

Los Andes podcast

Palabras que abrazan a paz

Celebramos o día Escolar da Paz e da Non Violencia con orixinais e divertidas actividades que fomos desenvolvendo ao longo destas semanas.

- Deseño e elaboración colaborativa dun mural con palabras máxicas para decorar o centro.

mural paz

- Movamos o mundo. Inspirámonos nunha das cancións máis coñecidas de Queen, "We will rock you", para reescribir o noso himno pacifista e interprétamolo ao unísono todo o centro (Proxecto viaxamos ás Illas Británicas)

- Decoramos os chanzos das escaleiras cos versos do poema "O Reino" do libro "Longa noite de pedra" de Celso Emilio Ferreiro .

Palabras máxicas para abrazar a paz by Slidely Photo Gallery

- Recibimos mensaxes en botellas mentres cantabamos "Message in a bottle" The Police.

- Regalamos lecturas: contos, cantigas e poemas  que levaron ás clases mensaxes de paz, de respecto aos dereitos humanos, de tolerancia, colaboración e convivencia. 

 Para ler máis visita o blog da biblio: A sombra do érbedo

Tarzán

Face 2 Face Theatre Co.

O martes, o alumnado de 5º e 6º tivo a oportunidade de asistir á representación en inglés de Tarzán, no auditorio da nosa cidade.
Foi un espectáculo moi divertido, no que rimos, cantamos e bailamos; ou, mellor dito: we laughed, sang and danced all the time!
No auditorio

Teatro de actor. Face 2 Face Theatre Co. Actividade ofertada por A Fundación Obra Social ABANCA.

 

Alma e a illa

Anaya

 

Os alumnos/as e mestres de 3º, 4º, 5º e 6º de EP desfrutamos dun contacontos "Alma y la Isla", ofrecido pola editorial misioneira e a editorial Anaya para a clase de Relixión católica.

"Alma y la isla" é un libro de Mónica Rodríguez con Ilustracións de Ester García. Resultou gañador do XIII Premio Anaya de Literatura Infantil y Juvenil, 2016; White Ravens, 2016 e Finalista del Premio Fundación Cuatrogatos, 2017.

Este conto fomenta valores moi importantes como son a educación para a convivencia e a educación multirracial, a amizade, o amor, a lealdade e a xenerosidade entre outros.

Pica na foto para ver algúns momentos da narración.

 

Máis información no blog da biblioteca: A sombra do érbedo

Festival de Inverno

Grazas por compartir con nós esta celebración, o seguinte vídeo recolle distintos momentos das actuacións:
EI- Representaron o conto “Un agasallo diferente”,  cantaron a panxoliña “O Nadal e o Boneco” e “Snowflake”.
1º- Seráns de baile tradicional: “Auga leva o regadinho” (danza portuguesa) e a canción xogo en inglés: Hocky Pocky
2º- Bailaron e cantaron a  panxoliña “Polo nadal turrón e mazapán!!”
3º- Cantan,  acompañan con lingua de signos e bailan a panxoliña “O pelo roxiño” 
4º- Interpretan con instrumentos de lámina “Jingle Bells” e bailan un "Twist de Nadal"
6º- Interpretan a canción tradicional Irlandesa “I saw three ships” coa frauta e versionan a canción “Ob La Di Ob La Da” dos Beatles
 

Felicitacións de Nadal 2018

As tarxetas de Antía de 3 anos e Ailyn de 5º EP foron as escollidas para felicitar o Aninovo ás familias:

Tarxeta Antía          Tarxeta Ailyn  

Se premes na imaxe verás unha escolma das tarxetas presentadas por todas as clases:

felicitacións vh

 

Invitación ao festival de Inverno

Esperámosvos!
Xa temos todo listo (ou case todo) para celebrar o Festival de Inverno que terá lugar o próximo venres día 21 de decembro ás 11 da mañá.
Será un día cargado de emoción, ledicia e ilusión que nos gustaría que gozarades con todos nós.
O programa é o seguinte: 
                 programa festival                                                                                          
Parabéns aos rapaces e rapazas polo esforzo: foron unhas semanas cheas de exames, traballos e ensaios; agradecemento aos mestres pola flexibilidade e a dedicación e a Mar, Belén e Alex pola súa colaboración. 
 
 
 
 
 
 
 
 
Cartel: Pepe Vieito

#25N Día internacional contra a violencia de xénero

ceip vistahermosa contra a violencia

O centro tinguiuse de negro en contra da violencia: cantamos, lemos poemas, haikus, rapeamos e ata creamos unha receita do benquerer a favor da igualdade, da liberdade e en contra dos estereotipos e de calquera tipo de violencia. Entre actuación e actuación cantamos en galego e con lingua de signos o retrouso da canción "A porta violeta" de Rozalén.

O acto rematou coa lectura do poema "Fortuna" de Ida Vitale  (premio Cervantes 2018)

debuxa unha porta violeta

Poema 6º EP - "En negro contra a violencia"

Rap 5º EP - Batallando contra os estereotipos

Dentro dos actos conmemorativos do 25N, expuxemos os carteis elaborados polas alumnas/os de 5º EP coa temática: Batallando contra os estereotipos

 Agradecer as achegas de :

- Jose Bailón, profe de AL, que nos ensinou a signar o retrouso da canción

- Belén Forneiro, encargada do comedor, que realizou o cartel contra a violencia

Festa do San Martiño

Vaia festa do Magosto celebramos no cole! Foi unha mañá de xogos, bo rollo, música e por suposto non podían faltar os bolos preñados e as castañas asadas.

Festa do Magosto no CEIP Vistahermosa by Slidely Photo Gallery

Sabela e Rosa, coordinadora de AAEE e profe de EF, organizaron unha divertida mañá de xogos: carreiras de sacos, o pano, a ra, levar a castaña correndo  ou cun  pao de hockey, os zancos, xogos de corda e os birlos. Distribuíron aos rapaces e aos mestres do cole en 9 equipos ou estacións nos que había nenos/as de todos os cursos. Xogabamos durante 5 minutos a cada xogo e iamos rotando á seguinte estación. O obxectivo era pasalo ben colaborando e cooperando cos compañeiros/as e gozar a tope deste día de festa. 

Distribuir contido


by Dr. Radut