Skip to Content

Polos Creativos

Obradoiro de instrumentos

OBRADOIRO DE INSTRUMENTOS CON MATERIAL DE RECICLAXE

O primeiro reto para o alumnado de 5º de EP era construir un instrumento musical con diferentes materiais de refugallo. Logo tiñan que formar un grupo, preprarar unha canción e gravala. Escollemos poemas de Rosalía como fío do condutor das interpretacións.

corda.

Instrumentos de vento e corda

vento corda

Instrumentos de percusión

percusión

MUSICANDO POEMAS DE ROSALÍA

Non hai mellor xeito de celebrar que cantando. O alumnado de 5º e 6º versiona poemas de Rosalía dun xeito moi creativo. Queres escoitalos? Estes son os poemas e as músicas empregadas:

Lugar máis fermoso: Doraemon

Alborada e Adiós ríos e adiós fontes: Bases de Rap

Nacín cando as plantas nacen: Lola Índigo (Casanova)

Musicando poemas de Rosalía de Castro de salial

 

COMPUTANDO CUNHA SOA MAN

#11F día da Muller e a Nena na ciencia

Como contan os ordenadores? O alumnado de 4º 
realizou o obradoiro "Computando cunha soa man".

Computando cunha soa man de salial

Unha enxeñeira ou científica en cada cole

FLUÍDOS NON NEWTONIANOS

#11F Día da Muller e a nena na ciencia

A saliva das rás é un fluído Non Newtoniano que pode variar a súa viscosidade en función
da velocidade coa que a ra retrae a lingua.
As areas movedizas, o xel, o sangue, o iogur, o mel, a pintura... son algúns exemplos de
líquidos non newtonianos que poden comportarse como sólidos ou líquidos en función da
presión que lle apliquemos.
OBRADOIRO de Física Divertida: Viscosidade de Fluídos

Esta actividade ten como finalidade mostrar o traballo de enxeñeiras e científicas da USC  nas disciplinas coñecidas como STEM e o recoñecemento ao papel clave que desempeñan na comunidade científica e na tecnoloxía. Visualizamos os  vídeos compartidos pola USC e realizamos varios obradoiros. 

11 F día Nena na Ciencia de salial

Laboratorio: Os elementos dun circuíto

A corrente eléctrica circula nos nosos fogares a través de circuítos eléctricos que a distribúen por todas as habitacións. Estes circuítos eléctricos permiten que se ilumine a lámpada cando acendemos un interruptor ou que se poña en marcha un electrodoméstico ao enchufalo á rede.

EXPERIMENTO para identificar os compoñentes básicos dun circuíto eléctrico. 

circuíto eléctrico de salial

O Equipo de Actividades Extraescolares e Mar déronlle un novo uso ao material de reciclaxe e conseguiron unha auténtica e única decoración de Nadal.

Con diferentes caixas de cartón construíron o trineo, os renos, a cheminea pola que baixará Papá Noel e o peto dos desexos onde as nenas e os nenos depositarán as súas cartas nestes días.

Quedou así de espectacular e quen entra, contáxiase da alegría e do Espírito do Nadal.

taller creativo nadal

 Tamén as portas se están engalanando para a ocasión, utilizando bolsas de papel para facer "camisetas" de Elfo e Papá Noel, tubos de cartón para as figuriñas da entrada, periódicos e bolas de papel, caixas de cartón...

 

O PODER DA LUZ

Novembro Mes da Ciencia nas Bibliotecas

 O alumnado de 6º participa na Misión Alba, un proxecto científico con 4 etapas nas que hai que ir resolvendo retos.

Visualiza as 10 diapositivas onde se mostran os diferentes experimentos realizados coa luz:

O poder da Luz. Misión Alba de salial

CREAMOS CON CARTÓN E MATERIAL DE REFUGALLO

ESCOBAS DE BRUXAS NO 25N

Para homenaxear o día contra a violencia de xénero preparamos unha danza éuscara "Erre Zenituzten" que é un canto á liberdade e un himno á diversidade. As bruxas da nosa danza representan a todas as mulleres libres que foron perseguidas e maltratadas por ser valientes, bravas e únicas.

Para a danza precisabamos unha vasoira e construímos unha. Aquí vos deixamos os pasos para facer unhas auténticas vasoiras de bruxa:

titorial vasoiras

CESTIÑOS DE CASTAÑAS

O Magosto é unha festa de xogos, lume e castañas.  

Despois dunha sesión de xogos tradicionais, chegaron os bolos preñados e un castañeiro asou as castañas no patio.

Para comelas quentiñas e deixar ben limpo o polideportivo, tiñamos preparados uns cestiños portacastañas. O noso deseño tiña dous lados, un para as castañas e o  outro para as cascas.

Festa si, pero con conciencia ecolóxica! 

porta castañas

 

RETO 1

Constrúe un kamishibai con material de refugallo para contar historias 

 

RETO 2

Deseña e constrúe un circuito para o beebot, no que haxa unha ponte.

OBRADOIRO DE BOOKTRAILERS

Lectura e creación audiovisual

Roi Guitián, guiou ao alumnado de 5º neste reto: gravar e editar o trailer dun libro.

Os pasos que seguimos foron os seguintes:

-A rapazada, en grupos de 3 ou 4 escolleron un libro e fixeron un storyboard (debuxando e/ou escribindo o que querían gravar).  

A continuación fixeron a gravación coa tablet en diferentes escenarios do centro e logo editaron o vídeo coa aplicación CapCut. Se fas click nos elementos interactivos iconos interactivos poderás visualizar os 6 booktrailers.

Estes son os primeiros booktrailers pero seguro que virán moitos máis!

Distribuir contido


by Dr. Radut