Educación infantil

GRADUACIÓN 6º DE INFANTIL

Lun, 2023-06-19 11:31 — isa

Xa estamos a piques de rematar este curso, co que finaliza unha fermosa etapa chea de vivenzas que non imos esquecer.

A titora Laura e todas as profes que estivemos con vós en infantil, desexámosvos,

MOITA SORTE EN PRIMARIA!

Os nenos e nenas de 6º de infantil xa están listos para que xogues con eles a gradualos/as

"FEO" de Caramuxo teatro.

Mar, 2023-05-23 17:08 — isa

Hoxe o alumnado de infantil, asistiu ao auditorio municipal para ver a obra de teatro "FEO" da compañía Caramuxo teatro, dentro do programa de actividades escolares Afundación.

Inspirado no conto "O Parrulo Feo" de Hans Christian Andersen. A pequena fábrica de parrulos de goma (Papero Giallo) produce todos os días centos e centos de parrulos do mesmo tamaño e cor, mais un día sae un parrulo diferente...

A obra é un canto á diversidade e á reivindicación da esencia propia, incidindo na importancia de coñecérmonos e aceptármonos como somos.

CONTACONTOS IGUALDADE

Ven, 2023-03-10 23:02 — cris

Esta mañá, para rematar a nosa semana da muller, o alumnado de Educación Infantil e 1º de Primaria disfrutou do contacontos "A pequena gran inventora".

Actividade ofertada polo Concello de Ourense e realizada pola agrupación Trémola Teatro

# 8M. MÚSICA E PANCARTAS REIVINDICATIVAS

Mér, 2023-03-08 23:24 — cris

Hoxe conmemoramos o 8M baixo o lema TODO PODE SER.

En cada aula pintouse unha pancarta con mensaxes como "Pode ser," "Xunt@s somos máis fortes", "Libres iguais e sen medo", "Ser Muller é o meu Superpoder" "Por las mujeres de cada familia que hacen que todos los días sean una maravilla"... que reivindicaban a importancia dunha sociedade máis igualitaria.

Cantamos e bailamos "Así Bailaba, semana feminista" e "Pode ser" nun acto conxunto.

Agasallo dun colgante en 3D deseñado polo alumnado de 6º de Primaria

ABNVistahermosa

O escornabot sae de Entroido pola provincia de Ourense para colocar cada personaxe na súa localidade. Aprendemos moito cos Bolechas.

MIRA QUE BOCA

Ven, 2023-02-03 12:11 — isa

Hoxe visitounos o Hixienista do centro de saúde "Novoa Santos", para sensibilizar aos escolares de infantil da importancia que ten unha alimentación saudable e o cepillado de dentes para unha boa saúde buco-dental. Tamén ensinounos como cepillar os dentes e recordounos que se debe facer como mínimo tres veces ao día despois de cada comida, durante 2 minutos.

DÍA DA PAZ 2023

Lun, 2023-01-30 19:54 — cris

Hoxe foi unha xornada chea de mensaxes de paz, pero as nosas nenas e nenos xa levan días preparando todo o necesario para esta conmemoración.

Unha morea de actividades coordinadas dende as diferentes áreas, etapas e a Biblioteca:

- Educación Infantil traballou e disfrutou co conto e canción de "A mellor sopa do mundo".

- As nenas e nenos de 1º fixeron as súas rimas con "A paz sábenos...", seguindo o conto "Ring Ring, ¿quién rima?"

http://asombradoerbedo.blogspot.com/2023/01/receitas-de-paz.html?m=1

- Contacontos de Anxo Moure para Educación Infantil, 1º,2º,3º e 4º.

- Elaboración e decoración de paraugas con cintas cheas de mensaxes de paz.

- Preparación de diferentes bailes: "Terra", "Que sorte de terte", "Madre Tierra", "Eu teño alguén"...

Samaín Creativo

Imprimimos coa impresora 3D estes moldes de galletarañas.

O alumnado de Infantil, na aula ABN, fabricou series de galletas segundo os encargos que recibían do dado. Outra posibilidade de xogo matemático é tirar o dado e fabricar as galletarañas que indique, ao tirar de novo, reaxustar o número de galletarañas ... fabricar máis ou retirar?

PROMOCIÓN 2019-2022, 6º de Infantil.

Mér, 2022-06-22 21:58 — isa

A titora Tere e todas as profes que estivemos con vós en infantil, desexámosvos ... MOITA SORTE EN PRIMARIA!

Día das Letras Galegas na clase de 4 anos

Ven, 2022-05-20 21:34 — laura

Aquí vos deixamos unha mostra das actividades realizadas na clase de 4º de infantil, celebrando o Día das Letras e descubrindo a Florencio Delgado Gurriarán.