Skip to Content

Educación física

XORNADAS DE DEPORTE ADAPTADO E INCLUSIÓN

O mércores 28 de febreiro o alumnado de 5º e 6º recibiu a visita de tres membros da Fundación ENKI para levar a cabo a primeira das XORNADAS DE DEPORTE E INCLUSIÓN.

Neste caso tratouse dunha charla con deportistas con diversidade funcional para dar a coñecer o deporte adaptado e inclusivo e a súa traxectoria deportiva e persoal respondendo a todas as dúbidas e curiosidades das nenas e nenos.

O vindeiro 11 de marzo asistiremos ao encontro provincial na Expourense, onde practicarán diferentes modalidades de deporte adaptado.

TOCADE NA IMAXE PARA AMPLIAR

 

XOGANDO CO ATLETISMO 2º

Hoxe tocoulle aos nenos e nenas de 2º de Primaria disfrutar das impresionantes instalacións da Pista Cuberta de Atletismo de Ourense, situada na Expourense.

Actividade promovida polo Servizo de Deportes da Xunta de Galicia e enmarcada no Programa Xogade.

As nosas e os nosos atletas practicaron varias probas: saltos, velocidade, lanzamentos, remudas, circuito de Grand Prix... Todo elo acompañados de outros moitos colexios da cidade que tamén participaron na xornada.

TOCADE NA IMAXE PARA AMPLIAR


   

OBRADOIRO DE XOGOS POPULARES

O luns as rapazas e rapaces de 6º puideron disfrutar do XIX Obradoiro de Xogos Populares e Tradicionais ofertado polo CCP Xaquín Lourenzo e a Deputación de Ourense.

Unha actividade na que xa imos participando dende hai anos e que nunca defrauda.

Este ano practicaron con aros, zancos, peóns e outros xogos tradicionais da cultura galega.

TOCA NA IMAXE PARA VER MÁIS FOTOS

"Garavanciño come saniño"

O mércores 24 de xaneiro ás rapazas e rapaces de 1º de Primaria recibiron a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.

Galego Escolar de Cros

O pasado sábado 13 de xaneiro celebrouse o Campionato Galego de Cros Escolar no Circuíto A Veronza, en Ribadavia. Unha cita á que asisten as mellores marcas de Galicia, os clasificados das catro provincias, e o CEIP Vistahermosa estivo presente.

Laura González (5º de Primaria) sorprendeunos no Campionato Provincial ca súa impresionante marca que a fixo pasar directamente á fase Galega. Como non podía ser doutra maneira, neste caso, tamén fixo unha carreira estupenda, estando ao nivel das mellores corredoras galegas que adestran nos diferentes clubes da comunidade.

Noraboa Laura!!!

E moitas grazas á familia polo voso tempo e implicación.

Campionato provincial de cros escolar

Hoxe fómonos a Ribadavia para competir na fase provincial de cros escolar

Tres foron os nosos representantes, Laura González (5º), Míkel Hernádez (5º) e Saúl Rubín (4º), que non o puideron facer millor, estupendas marcas para os tres.

Unha xornada fría e con moita néboa que souberon combater con gran esforzo, ánimo e actitude.

NORABOA AOS TRES!!!

Moitas grazas ás familias pola vosa axuda e interés.

A próxima cita será o 13 de xaneiro no campionato galego para o q se clasificou Laura.

  

XOGANDO CO ATLETISMO

O xoves 30 de novembro foron os alumnos e alumnas de 4º de Primaria os que disfrutaron dunha xornada de Atletismo.

Actividade pertencente ao programa Xogade, onde varios centros da cidade ( Santo Ángel, Inmaculada, Covadonga, Luis Vives, O Couto...) nos reunimos nas instalación da Expourense para practicar probas adaptadas desta modalidade deportiva, como o salto lateral, salto horizontal, velocidade, lanzamentos, remudas....

Toma de contacto co deporte, uso de instalacións oficiais, xogo, convivencia...Unha experiencia completa.

Agradecer a organización ao Servizo de Deportes e a dinamización aos estudiantes do Ciclo Superior de Actividades Físicas e deportivas da Farixa.

DANZA ÉUSCARA

25 N DÍA CONTRA A VIOLENCIA DE XÉNERO

Compartimos o vídeo da danza éuscara "Erre Zenituzten" para que a  vaiades ensaiando para bailar todos xuntxs.

danza

 En recordo de todas aquelas mulleres, adiantadas á súa época. O seu recordo vive na natureza e en cada un de nós

Musika: Larrabetzuko Bizkargi Dantza Elkarteko gazteek egindako koreografia Xabi Solanoren "Erre Zenituzten" kantan oinarrituz

 

AGORA QUE SE ACHEGA O #25N

O día 25 de Novembro celébramos o día contra a violencia de xénero.

Compartimos algunhas actividades que fixemos.

Educación Plástica e Visual- Mural colaborativo co alumnado de 6º EP

cartel 25N

Música e E. Física Erre zenituzten-Danza. Homenaxe a todas as persoas adiantadas á súa época que sufriron a persecución, a violencia e a discriminación. 

danza 25N

Aula de música: Titorial para facer unhas auténticas vasoiras de bruxa:

titorial vasoiras

Charlas e presentacións a cargo do equipo de benestar e convivencia. Enlace

CROS

O pasado martes e mércores varias nenas e nenos de 3º, 4º, 5º e 6º de Primaria participaron na Fase Previa Comarcal Escolar de Cros no Complexo Deportivo de Monterrei.

Foron moitos as e os participantes doutros centros educativos: A Inmaculada, Luis Vives, Manuel Sueiro, Santo Ángel, Eiroás, Mestre Vide, Prácticas... 

Unha xornada de convivencia onde puideron practicar unha modalidade deportiva moi esixente, e na que o noso alumnado representou ó CEIP Vistahermosa dunha maneira espectacular. 

Foron cinco corredoras e corredores os que participaron na Fase Final Comarcal do sábado, onde claramente dominaron os clubes da cidade, pero na que tres dos nosos campións e campionas se clasificaron para o Provincial, que terá lugar o 16 de decembro en Ribadavia.

Noraboa a todas e a todos os participantes.

Velaquí unha mostra do acontecido.

 

 

Distribuir contido


by Dr. Radut