Skip to Content

Actividades

Pins de Rosalía en 3D

1- O alumnado completou o retrato de Rosalía e pintouno con diferentes técnicas e estilos.

2- Imprimimos en 3D un pin de Rosalía para cada clase e tamén 3 mouchos.

3- Pintamos as Rosalías con pintura acrílica.

4- Os mouchos pintámolos con rotulador permanente.

5- En cada clase votouse polo mellor debuxo.

6- As caras escollidas pegámolas no Pin de Rosalía.

Biblioteca Creativa, ENDL e AAEE

"Xeografías Lectoras na Biblioteca Escolar"

Actividade interdisciplinar de lectura e investigación, ciencia, cartografía e robótica.

1. Co fin de recoñecer o papel que desenvolveron as mulleres na ciencia e promover as vocacións científicas entre as nenas, publicouse no Blog da Biblioteca escolar esta presentación con vídeos sobre referentes científicos femininos.

2. Xogo  xeográfico e científico con escornabots. Tras ver a presentación, cada xogadora ou xogador ten que programar o escornabot ata o país de orixe de cada investigadora. Material necesario: un planisferio, taboleiro, 4 escornabots situados nos puntos cardinais e tarxetas de científicas.

 

Para ler máis: A sombra do érbedo, Blog da Biblioteca escolar

Biblioteca Creativa

Rosalía de Castro. Teus doces cantares

O 24 de febreiro é o aniversario de Rosalía de Castro e queremos homenaxeala realizando a seguinte actividade: 

Gravade e achegade un vídeo curto con música a partir dun poema de Rosalía. Podedes cantar, movervos libremente cunha das cancións, ler con ritmo un poema, facer a vosa propia versión, crear un Stop-Motion, unha presentación de diapositivas… Debido á situación que estamos a vivir, propoñémosvos realizala nesta semana dende os fogares e animámosvos a que participedes todas/os.  Esperamos os vosos vídeos!

Proposta da Asociación de Escritores de Lingua Galega

Podedes achegar as gravacións picando no seguinte enlace:

 Rosalía Desconfinada

  1. Accede a través dunha conta de correo 

  2. Grava o vídeo pulsando Record a response 

  3. Ao picar na frecha verde subirá automáticamente.

  4. Se usas o móbil, descarga a APP Flipgrid e escribe o código da actividade: https://flipgrid.com/4af3942e

#rdc_2021 #TeusDocesCantares   #CoaForzadeRosalía

Actividade escornabótica inspirada na carreira do San Martiño.

É un xogo con cartas, cada carta ten distintas preguntiñas: de completar, bailar, historia... por un lado e, polo outro, ten unha imaxe igual que as que aparecen no taboleiro. 
 
Pódese xogar individualmente ou por equipos. Cada equipo escolle as cartas, e xa ten o seu percorrido, Ollo! hai algunhas celas prohibidas polas que o robot non pode pasar.
 
Modificamos o desprazamento dos robots de 10 a 15 cm para que o robot percorrese máis espazo, como nunha carreira.
 
Aínda que o xogo ten moitas posibilidades, estas son algunhas das dináminas de xogo que realizamos nós:
E. Infantil.
1. ROBÓTICA E ABN. Cada xogador/a tira o dado, establece o percorrido segundo o nº que lle saíu  para chegar a unha tarxeta e contestar á pregunta.
E. Primaria:
2. A carta que se escolle marca a cela á que ten que programar o robot, o percorrido escólleo cada xogador/a,  é necesario responder á pregunta para seguir xogando.
 
Protocolo covid: Xogamos no Salón de Actos, un lugar amplio con ventilación natural permanente; uso de máscara; desinfección de mans tras xogar, dos escornabots, das cartas e todas as superficies con 70% alchohol  en spray. Un grupo/clase cada sesión e desinfección por parte do persoal de limpeza entre grupo e grupo. 
 
Debuxos realizados polos rapaces de 5º e 6º e as preguntas están inspiradas na canción que cantamos "Vive o Magosto" de J. Manuel López Cabana

No libro cóntase a historia de Fred Quincalla, un autómata imperfecto e único, que case perde a esperanza de atopar o seu lugar no mundo.

Deseñamos actividades para antes/durante e despois da lectura.

 A actividade esta publicada na Aula Virtual > 6º > Lingua galega 

Audiopoemas dedicados a Fred Quincalla. Publicados en  #EuQuedoNaCasa con data o 27 de abril.

Ficha interactiva Fred Quincalla

 

Para celebrar  o Día da Terra, aproveitamos un dos personaxes do libro e pedímoslle aos rapaces que construíran cadanseu robot inspirándose Fred Quincalla. O único requisito era o  emprego de material de refugallo.  

Redución de residuos e manter hábitos de reciclaxe son as mellores opcións para velar pola saúde do Planeta

Nas demais clases pedíuselle que fabricases un xoguete, un robot, calquera manualidade reutilizando materiais.

Estes son unha selección dos  Makers:

Aus de 5º e o seu robot envíannos unha mensaxe a través da pantalla LCD. 

Aus de 5º, Mikel de 1º e seu papi  explicannos o proceso de conexións e programación da pantalla LCD

Ainhoa de 5º, emprega caixa e cartón, envases e rollos de papel

Guille de 5º constrúe un robot co bote de colacao e algúns complementos de plástico.

Este robot con botellas, palliñas, follas de revista, e vasos de iogur é obra de Delia- 5º  

 Ao robot de Vítor de 5º, non lle falta ningún detalle

 Paulo 5º, no seguinte enlace explícanos cal foi o proceso que seguiu no deseño do robot.

O robot de Martín de 6º

As evidencias están no blog de Agueiro #EuQuedoNaCasa publicados coa data 22 de abril

No blog da biblioteca e no álbum de Google Eu Reciclo Xogando

Na clase de infantil de 5 anos, para festexar o Día de Rosalía, escribiron e ilustraron o poema de Rosalía de Castro "Adiós ríos, adiós fontes"

Aquí están co poemario que compartiron con toda a escola o Día Internacional da Muller.

adios rios adios fontes

Dedicado a Maruja Mallo

Proxecto Pintura

Promovéronse actividades diversas para coñecer a figura desta
pintora galega e da etapa cultural que lle tocou vivir:
 

-Reproducións de cadros da pintora.

"Sorpresa de Trigo" de Maruja Mallo pintado polo alumnado de educación 
infantil.

-Retratos, creación literaria e xogos de palabras.

-Biografía.

-A Xeración Feminista do 27-As Sinsombreiro.

-M Mallo e as simetrías matemáticas

-Mulleres pioneiras,  mulleres poetas, científicas, artistas, innovadoras...    

M agnífica

U nica

L ibre

L oitadora

E xtraordinaria

R ebelde  

 

Mandados do Meco Pintor

O noso meco está inspirado e di que quere pintar un cadro. Mandados do meco pintor:mandados meco

Estáselle indo un chisquiño das mans, comezou coa Gioconda, agora anda coas Meninas, isto xa está a parecer un verdadeiro Museo. Seguide moi atentas/os aos seus mandados...entroido as meninas

-> Sempre é un pracer comezar o día con alegría: As Alumnas/os de 5º e 6º sorprenderon aos compañeiros/as,  interpretando a melodía "Oda á alegría" da 9ª Sinfonía de Beethoven á hora de entrar. Así dá gusto!

Construíndo a Paz con moita arte from Ceip Vistafermosa on Vimeo.

-> Contacontos pola PAZ. Rapazas e rapaces de 6º prepararon varios contos para contar, dramatizar nas distintas aulas dende infantil ata 5º de primaria. Relación de contos

-> Construíndo a PAZ con moita arte (Actividade encadrada dentro do proxecto dos pintores). Cada clase buscou unha obra de arte con temática inclusiva, solidaria, pacifista... para facer un crebacabezas para logo agasallar ás outras clases.

 ->  Acto conxunto no patio:

-Percusión corporal e canción: "O mundo é grande" de Mamá Cabra ("O reloxo sincopado" de Leroy Anderson)

-Manifesto escrito por Uxía V. de 6º de EP.

-Canción: "Imagine" de John Lennon

 Galería de fotos

#TempoDeActuar COP25

CEIP Vistahermosa, Decembro de 2019

Estes son os compromisos, consignas e accións que imos levar a cabo, na escola e na casa, para loitar contra o Cambio Climático.

-Regala agasallos que non sexan destrutivos para o planeta: Invitacións para ir ao cine, a dar un paseo ou a coñecer o teu pobo; un vale por un abrazo, para unha clase de algo ou unha tarde de amig@s. 

-Compra produtos locais: artesanía creativa, cousas feitas con amor. Se o fas ti mesma/o, terá máis valor. En envoltorios ecolóxicos, sen bolsas!  

Propoñer ás/aos dirixentes do concello as seguintes accións para encarar a emerxencia climática que con leva a degradación ambiental, a perda de Biodiversidade, maiores desigualdades: pobreza enerxética, fame, escaseza de auga... Na nosa cidade poderíase:

- Restrinxir a circulación de automóbiles na cidade, creando zonas de aparcamentos ás entradas e contando con boa comunicación de transportes públicos.

- Aproveitar a enerxía xeotérmica das augas termais para o uso de calefacción das escolas da zona, entre as que nos atoparíamos nós.

- Manter limpos os montes, aproveitando os residuos forestais como combustible,  biomasa, para a calefacción de moitos fogares. Os beneficios ambientais e sociais serían moitos: reduciríase a contaminación por transporte de combustible, evitaríanse incendios e crearíase emprego.

- Por máquinas que recollan envases a cambio de diñeiro.

- Re utilizar as augas grises que proveñen dos fogares e da chuvia para limpar as rúas, regar e incluso para reusar directamente nos váteres.

- Repoboar os bosques queimados con especies autóctonas coma o carballo, a sobreira e o castiñeiro, protexéndoos de especies invasoras que os danan.

- Promover a colocación de paneis solares nas vivendas.

Acordamos remitir unha carta ao alcalde coas nosas propostas para lograr unha cidade máis ecolóxica e sostible. CARTA AO ALCALDE

Distribuir contido


by Dr. Radut