Skip to Content

Actividades

MUSICANDO POEMAS DE ROSALÍA DE CASTRO

DÍA DE ROSALÍA

Non hai mellor xeito de celebrar que cantando. O alumnado de 5º e 6º versiona poemas de Rosalía dun xeito moi creativo. Queres escoitalos? Estes son os poemas e as músicas empregadas:

Lugar máis fermoso: Doraemon

Alborada e Adiós ríos e adiós fontes: Bases de Rap

Nacín cando as plantas nacen: Lola Índigo (Casanova)

Acompañan as cancións con instrumentos construídos con diferente material de refugallo.

Musicando poemas de Rosalía de Castro de salial

Ademáis desta realizáronse moitísimas máis actividades conmemorando este día:

- Elaboración de murais co retrato de Rosalía

- Visita do alumnado de 6º por todas as aulas para falarlles sobre os aspectos máis importantes da vida e obra de Rosalía de Castro.

- Fabricación de minilibros sobre a autora.

- Creación de preciosos marcapáxinas.

TOCA NA IMAXE PARA AMPLIAR

 

 

DÍA DA PAZ

Onte conmemoramos no cole o Día da Paz:

- Decoración da entrada do cole con cubos de bos desexos e pombas da paz nun enorme e máxico mural

- Lectura dun manifesto por parte dos maiores do cole

- Os nenos e nenas de infantil limparon o centro de malas palabras e desexos feos, acompañados da canción "Varre vasoira" de Fillas de Cassandra.

- Interpretación do Himno da Alegría coas flautas. 

- Canción e acompañamento instrumental de "O mundo é grande" coa música de "O reloxo sincopado" de Leroy Anderson.

- Cancións e danzas grupais.

 

AGORA QUE SE ACHEGA O #25N

O día 25 de Novembro celébramos o día contra a violencia de xénero.

Compartimos algunhas actividades que fixemos.

Educación Plástica e Visual- Mural colaborativo co alumnado de 6º EP

cartel 25N

Música e E. Física Erre zenituzten-Danza. Homenaxe a todas as persoas adiantadas á súa época que sufriron a persecución, a violencia e a discriminación. 

danza 25N

Aula de música: Titorial para facer unhas auténticas vasoiras de bruxa:

titorial vasoiras

Charlas e presentacións a cargo do equipo de benestar e convivencia. Enlace

CREAMOS CON CARTÓN E MATERIAL DE REFUGALLO

ESCOBAS DE BRUXAS NO 25N

Para homenaxear o día contra a violencia de xénero preparamos unha danza éuscara "Erre Zenituzten" que é un canto á liberdade e un himno á diversidade. As bruxas da nosa danza representan a todas as mulleres libres que foron perseguidas e maltratadas por ser valientes, bravas e únicas.

Para a danza precisabamos unha vasoira e construímos unha. Aquí vos deixamos os pasos para facer unhas auténticas vasoiras de bruxa:

titorial vasoiras

CESTIÑOS DE CASTAÑAS

O Magosto é unha festa de xogos, lume e castañas.  

Despois dunha sesión de xogos tradicionais, chegaron os bolos preñados e un castañeiro asou as castañas no patio.

Para comelas quentiñas e deixar ben limpo o polideportivo, tiñamos preparados uns cestiños portacastañas. O noso deseño tiña dous lados, un para as castañas e o  outro para as cascas.

Festa si, pero con conciencia ecolóxica! 

porta castañas

 

A SEDA E OS SEDEIROS DE GALICIA

Clase de historia e ciencias - A seda, orixe, historia e fabricación. 

Pepe Vieito achegouse ao cole a falarnos da seda. Comezou cun breve percorrido pola historia da seda, a ruta da seda, a chegada da seda á península, do gremio da sedaría en Monforte, do ciclo vital dos vermes e da fibra que se obtén.

Contounos que a industria da seda foi introducida en Galicia, polos monxes beneditinos na Ribeira Sacra no s. XIV e que os condes de Lemos impulsaron esta arte de luxo. 

Dos vermes de seda tamén aprendemos moitas cousas, a súa vida curiosa e breve, a súa fame voraz e selectiva (só follas de moreira), a obtención da seda... 

Algo  que nos sorprendeu a todas/os foi saber que os vermes xa non son quen de sobrevivir en liberdade, ao levar tantos séculos sendo alimentados e coidados, esqueceron o seu instinto de supervivencia.

Seda e sedeiros de Galicia

Para saber máis lede este artigo de Pepe publicado na Revista Raigame núm XVIII "O cultivo da seda en Galicia"

 

Así bailamos no 8M

Canción feminista en Lingua de signos

Celebramos o Día Internacional da Muller, bailando, signando e cantando "Así Bailaba" de Amaia e Rigoberta Bandini, unha versión naíf e feminista da canción infantil que nos recorda que cantar e marcarnos un baile fainos sentir felixes e que incluso activa o noso sistema inmune. Este tipo de actividade fai que liberemos endorfinas e nos sintamos maís felices. 

ser muuler

 Bailar non ten idade, é divertido e  ten moitos beneficios a nivel mental, físico e emocional. Só hai que elixir a modalidade que máis se adapte ao noso corpo e ao noso estado de ánimo. crearsalud.org

ROSALÍA PEQUENIÑA EN LINGUA DE SIGNOS

Día de Rosalía

Alumnas e alumnos de 3º de Educación Primaria celebran o Día de Rosalía signando estas estrofas de "Rosalía Pequeniña" do Álbum musical de Uxía.

Na clase de Lingua Galega foméntase a adquisición de vocabulario básico en LSE como apoio á comunicación oral. A súa aprendizaxe desenvolve habilidades comunicativas, mellora a expresividade, aumenta a memoria e o alumnado desfruta signando.

Rosalía pequeniña LSE

Signan: Rubén, Bruno, Breixo, Saúl, Jimena e Olivia.

Voces: Breixo e Olivia

Gravación do vídeo: Dani

 -  Máis actividades do día de Rosalía no Blog da Biblio: Lecturas por sorpresa

 

Anímádevos a facer vós mesmas/os estes pratos que encherán de cor a vosa mesa

 

PDI: A cociñar!

PROMOCIÓN 2013-2022

promoción 2022

orla 6

 

ACTIVIDADES NO RÍO LONIA

Actividade "Gústame o meu río: ensíname a coidalo"

Promovida pola Confederación Hidrográfica do Miño-Sil (CHMS)

Alumn@s e mestres desprazámonos ata o río para participar nunha clase medioambiental totalmente práctica: Convertémonos en investigadores e investigadoras arredor de 4 mesas de traballo colocadas á beira do río Loña, nas que repasamos o ciclo da auga, a fotosíntese e a evapotranspiración de xeito práctico. Medimos os niveis de PH, Temperatura, Turbiedade e de osíxeno da auga. E recoñecemos pegadas da fauna e macroinvertebrados presentes na auga e nas proximidades.

Estas actividades promoven o contacto co entorno natural e fomentan actitudes respectuosas co medio ambiente e en especial coa auga e cos ecosistemas fluviais.

actividade gústame o río

río Loña

- MÁIS FOTOS NA GALERÍA DE IMAXES

 

Distribuir contido


by Dr. Radut